Prestazioa sortzen duen pertsonaren heriotzak eragiten duen premia ekonomikoko egoera babestea.

Honako senitarteko hauek, kausatzailearen bizikideak izan badira eta bere kontura bizi izan badira heriotza-data baino bi urte lehenago gutxienez, eta beste pentsio publikorik jasotzeko eskubiderik ez badute, biziraupen-baliabiderik ez badute eta ezarritako betekizunak egiaztatzen badituzte:

• Bilobak eta neba-arrebak.
• Ama eta amamak.
• Aita eta aititak.
• Erretiroa jasotzen duten edota ezintasun iraunkorra duten pentsiodunen seme-alabak eta neba-arrebak.

Hildako edota desagertutako pertsona, zeinaren heriotzak prestazioa jasotzeko eskubidea sortzen baitu.

Kotizazio-aldi zehatz bat egiaztatzea beharrezkoa izango da, hildakoaren lan-egoeraren arabera eta heriotzaren kausaren arabera aldatuko dena:

• Altan edota altarekin parekatutako egoeran, 500 egun heriotza gertatu baino lehenagoko 5 urteetako aldi iraunkorraren barruan edota 15 urte langile-denbora osoan zehar.
• Altan egon gabe: 15 urte langile-denbora osoan zehar.
• Pentsiodunak: Ez da kotizazio-aldirik eskatzen.

Ez da aurretiko kotizazio-aldirik eskatzen, heriotza lan-istripu baten edota gaixotasun profesional baten ondorioa denean.

Diru-laguntza kasu bakoitzean dagokion oinarri arautzaileari %20ko portzentajea aplikatuz kalkulatzen da, oinarri arautzailea desberdina da heriotzaren unean hildakoaren lan-egoeraren eta heriotzaren kausaren arabera.

Bizirik dirauen ezkonlagunik ez badago, ezta pentsioa jasotzeko eskubidea duen seme-alabarik ere, senitartekoen aldeko pentsioaren zenbatekoari alarguntzari dagokion %52a gehituko zaio, lehentasun-ordenaren arabera, eta oinarri arautzailearen %100ko muga izango du.

• Kausatzaileak altan, altaren parekoan edota ez altan: Gertaera eragilearen dataren hurrengo egunean, eskaera heriotzaren ondorengo 3 hiletan aurkezten denean.
• Kausatzaile pentsiodunak: Gertaera eragilearen dataren hurrengo hilaren lehenengo egunean, eskaera heriotzaren dataren ondorengo 3 hiletan aurkezten denean.

Eskaera heriotzaren dataren ondorengo 3 hiletatik kanpo aurkezten denean, eskaeraren datan zenbatzen hasita gehienez 3 hileko atzerako eraginarekin ordainduko da.

Pentsioa hilero ordaintzen da eta aparteko bi ordainsari ordainduko dira, ekainean eta azaroan, lan-istripu eta gaixotasun profesionalen kasuetan izan ezik; horietan 12 ohiko hileko soldatetan banatzen da.

Pentsioak gutxieneko zenbatekoak bermatuta ditu eta urte bakoitzaren hasieran hartzen du berriro balioa.

Pentsioa Pertsona Fisikoen Errentaren gaineko Zergaren (IRPF) menpe dago.

• Pentsioa errenta-maila zehatz batekin bateraezina izango da, baita edozein pentsio publiko jasotzearekin ere.
  
•  Bilobek edota 18 urte baino gehiagoko neba-arrebek lanak egiteak zurztasun-pentsioan bezalako etete-ondoreak eragiten ditu.

Eskaeraren aurkezpena: Ez dago eperik.

Espedientearen ebazpena: 90 egun aurkezpen-datatik zenbatzen hasita. Gaur egun, batez besteko epea 13 egunekoa da.

Bilobak eta neba-arrebak:

• Gehienezko adina betetzeagatik, ezinduak izan ezik.
• Pentsioa jasotzeko eskubidea sortzen duen ezgaitasuna amaitzeagatik.
• Adopzioagatik.
• Ezkontzeagatik, salbuespenak izan ezik.
• Heriotzagatik.
• Desagertutako langilea ez zela hil egiaztatzeagatik.

Pentsiodunen aurreko ahaideak eta seme-alabak eta neba-arrebak:

• Ezkontzeagatik.
• Heriotzagatik.
• Desagertutako langilea ez zela hil egiaztatzeagatik.

Bizirauteko Prestazioen Eskaera.

Eskaera-ereduan zehazten diren agiriak.

Gizarte Segurantzako Arreta eta Informazio zentroetan eta Itsasoko Gizarte Institutuko toki- edo probintzia-zuzendaritzetan, itsasoan aritutako langileak.

Pentsioa jasotzeko eskubidearen aitorpena Gizarte Segurantzaren Institutu Nazionalari dagokio edota Itsasoko Gizarte Institutuari, itsasoan aritutako langileen kasuan. Heriotza lan-istripu baten ondorioz gertatzen denean, Gizarte Segurantzako Mutualitate Laguntzaileari egoki ahal zaio.

• Pentsioa jasotzeko eskubidea ez da iraungitzen.
• Lan-istripu eta gaixotasun profesionalen kasuetan, hildakoa heriotzaren datan eskubide osoko alta-egoeran zegoela irizten da, enpresaburuak bere betebeharrak ez beteta ere. Aita edo ama hildakoaren kontu egon direnean, oroharreko zenbatekoko kalte-ordain berezi bat ere onartuko da, oinarri arautzailearen 9 edo 12, biak badira, hileko soldata izango dituena.
  
• Erregimen Bereziak

Galdera ohikoenak