Iraungipena

1. 21 urte betetzeagatik (une horretan lan egiteko duen ezintasun iraunkor absolututzat edo ezgaitasun handitzat jotzen den portzentajean murriztuta balego izan ezik). 
   Guraso bat bakarrik badago, umezurtzak lan egiten ez badu edo diru-sarrerak LGS baino txikiagoak badira:
• 2011ko 08-02tik 12-31ra arte, 22 urte betetakoan.
• 2012an zehar, 23 urte betetakoan.
• 2013an zehar, 24 urte betetakoan.
• 2014. urtetik aurrera, 25 urte betetzean, edo hurrengo ikasturtea hasi eta hurrengo hileko lehen egunetik
  Gurasorik ez badago, edo umezurtzak %33ko edo hortik gorako ezintasuna badu, umezurtzak lan egiten badu edo bere diru-sarrerak LGSrenak baino txikiagoak badira, pentsioa 25 urte betetzen dituenean iraungiko da.
  Umezurtza ikasketetan badabil eta ikasturtean zehar 25 urte beteko balitu, zurztasunagatiko pentsioa mantendu egingo da, hurrengo ikasturtea hasi eta hurrengo hilabeteko lehenengo egunera arte.
  
2. Pentsioa jasotzeko eskubideak ematen zion ezgaitasunarekin ez jarraitzeagatik.
   
3. Adopzioagatik.
   
4. Ezkontzeagatik, ezintasun iraunkor absolutua edo ezgaitasun handia ez badu behintzat (05-11-23tik aurrera izandako ezkontzetan soilik ezar daiteke).
   
5. Heriotzagatik.
   
6. Istripuan desagertutako langilea ez zela hil egiaztatzeagatik.

Pentsioa iraungitzean, lehen lau arrazoiren batengatik, onuradunak pentsioaren 12 hileroko ez baditu sortu, batean emango zaio osatzeko beharrezkoa den kopurua.

Modu berean aplikatuko da onuradunak pentsioa jasotzeko mugako adinera heldu arte zurztasunagatiko pentsiorik ez badu jaso, adin hori bete ondoren eskatzeagatik, betiere gertaera eragilearen datan onuraduna izateko baldintzak betetzen baditu.