Cookiei buruzko oharra

Webgune honek cookieak erabiltzen ditu, erabiltzaile gisa esperientzia hobea izan dezazun. Nabigatzen jarraituz gero, zure baimena ematen duzu cookieak eta gure cookie-politika onartzen dituzula. Cookieak ez dira erabiltzen informazio pertsonala jasotzeko.


Ebaluatu orrialde hau
Ebaluatu eduki hau

Alarguntza pentsioa

Resultados de la búsqueda

Sartu nahi duzun orria ez dago zuk aukeratutako hizkuntzan eskuragarri. Barkatu eragozpenak.
Eskuragarri dauden hizkuntzak: Castellano

Sartu nahi duzun orria ez dago zuk aukeratutako hizkuntzan eskuragarri. Barkatu eragozpenak.
Eskuragarri dauden hizkuntzak: Castellano

Informazio Orokorra


Helburua:

Prestazioa sortzen duen pertsonaren heriotzak eragiten duen premia ekonomikoko egoera babestea.

Onuradunak:

Hildakoarekin ezkontza-lotura eduki duten pertsonak edota horren izatezko bikotekideak izan direnak eta berriro ezkondu ez direnak:

  • Ezkonlaguna.
  • Bananduak, dibortziatuak eta ezkontzaren deuseztasuna dutenak.
  • Izatezko bikotea heriotzaren unean.

Informazio gehiago onuradunei buruz

Baldintzak:

Kotizazio-aldi zehatz bat egiaztatzea beharrezkoa izango da, hildakoaren lan-egoeraren arabera eta heriotzaren kausaren arabera aldatuko dena:

  • Altan edota altarekin parekatutako egoeran, 500 egun heriotza gertatu baino lehenagoko 5 urteetako aldi iraunkorraren barruan edota 15 urte langile-denbora osoan zehar.
  • Altan egon gabe: 15 urte langile-denbora osoan zehar.
  • Pentsiodunak: Ez da kotizazio-aldirik eskatzen.

Ez da aurretiko kotizazio-aldirik eskatzen, heriotza lan-istripu baten edota gaixotasun profesional baten ondorioa denean.

Gainera, ezkontza kasuan baldintza zehatz batzuk egiaztatzea beharrezkoa izango da, ezkondu aurretiko gaixotasun arruntek eragiten dutenean heriotza;  bananduak, dibortziatuak eta  ezkontza baliogabeak; izatezko bikoteak.

Informazio gehiago betekizunei buruz

Zenbatekoa:

Kasu bakoitzean dagokion oinarri arautzaileari %52a aplikatuz kalkulatzen da prestazio ekonomikoa; oinarri arautzailea, oro har, desberdina da heriotzaren unean hildakoaren lan-egoeraren eta heriotzaren kausaren arabera.

  • 2018-08-01az gero, alarguntasunagatiko pentsioaren oinarri arautzaileari %56a aplikatuko zaio, onuradunak baldintza hauek betetzen dituenean:
    • 65 urte edo gehiago izatea.
    • Espainiako edo atzerriko beste pentsio publiko baterako eskubiderik ez izatea.
    • Besteren kontura edo norbere kontura egindako lanen truke diru-sarrerarik ez jasotzea.
    • Urtean 7.347,99 euro edo gehiagoko kapital higigarri edo higiezinen errentarik ez izatea, ezta ondare-irabazirik edo jarduera ekonomikoengatiko errentarik ere.

  • 2019-01-01etik, oinarri arautzaileari %60a aplikatuko zaio.

Onuradunak familia-kargak eta diru-sarrera maila jakin bat duenean, ehunekoa %70eraino ere igo daiteke.

Prestazioa lortzen ez denean, ezkontza-iraunaldia ez egiaztatzeagatik edota bien artean seme-alabarik ez edukitzeagatik, aldi baterako prestazio bat ordainduko da bi urtetan, egokituko zitzaiokeen alarguntza-pentsioaren zenbateko bera edukiko duena.

Informazio gehiago zenbatekoei buruz

Ondorio ekonomikoak:
  • Kausatzaileak altan, altaren parekoan edota ez altan: Gertaera eragilearen dataren hurrengo egunean, eskaera heriotzaren ondorengo 3 hiletan aurkezten denean.
  • Kausatzaile pentsiodunak: Gertaera eragilearen dataren hurrengo hilaren lehenengo egunean, eskaera heriotzaren dataren ondorengo 3 hiletan aurkezten denean.

Eskaera heriotzaren dataren ondorengo 3 hiletatik kanpo aurkezten denean, eskaeraren datan zenbatzen hasita gehienez 3 hileko atzerako eraginarekin ordainduko da.

Ordainketak:

Pentsioa hilero ordaintzen da eta aparteko bi ordainsari ordainduko dira, ekainean eta azaroan, lan-istripu eta gaixotasun profesionalen kasuetan izan ezik; horietan 12 ohiko hileko soldatetan banatzen da.

Pentsioak gutxieneko zenbatekoak bermatuta ditu eta urte bakoitzaren hasieran hartzen du berriro balioa.

Pentsioa Pertsona Fisikoen Errentaren gaineko Zergaren (IRPF) baitan dago.

Bateragarritasunak / Bateraezintasunak:
  • Bateragarria izango da pentsioa onuradunaren laneko errentekin eta erretiro eta ezgaitasun iraunkorren pentsioekin haietarako eskubiderik balu behintzat.
  • Kausatzailea altan bazegoen hil zen unean, alarguntasun pentsioa bateragarria izango da Gizarte Segurantzako beste edozein alarguntasun pentsiorekin, erregimen bakoitzean akreditatutako pentsioak gainjartzen ez baldin badira, gutxienez 15 urtetan.
  • Indarrean geratzen den alarguntza-pentsioa, nahiz eta berriro ezkondu edota izatezko bikote egin, bateraezina izango da ezkonlagun edota izatezko bikotekide berriaren heriotzaren ondorioz sor litekeen alarguntza-pentsio berriarekin, beraz, horietako bat aukeratu beharko da.

Informazio gehiago bateragarritasunei/bateraezintasunei buruz

Epeak:
  • Eskaerak aurkezteko: Ez dago eperik.
  • Espedientearen ebazpena: 90 egun aurkezpen-datatik zenbatzen hasita. Gaur egun, batez besteko epea 13 egunekoa da.
Iraungipena:
  • Berriro ezkontzeagatik edota izatezko bikote egiteagatik, salbuespenak izan ezik.
  • Kausatzailearen heriotza dela eta, epai irmoan erruduntasun-aitortzagatik.
  • Genero-indarkeriagatik.
  • Heriotzagatik.
  • Desagertutako langilea ez zela hil egiaztatzeagatik.
Inprimakiak:

Biziraupenerako Prestazioen eskaera.

Dokumentazioa:

Eskaera-ereduan zehazten diren agiriak.

Non izapidetzen den:

Gizarte Segurantzako Arreta eta Informazio Zentroetan eta Itsasoko Gizarte Institutuko toki- edo probintzia-zuzendaritzetan, itsasoan aritutako langileak.

Erakunde eskuduna:

Pentsioa jasotzeko eskubidearen aitorpena Gizarte Segurantzako Institutu Nazionalari, Itsasoko Gizarte Institutuari (itsasoan aritutako langileen kasuan) eta Gizarte Segurantzako Mutualitate Laguntzaileari (heriotza lan-istripuaren ondorioa denean) dagokie.

Beste datu interesgarri batzuk:
  • Pentsioa jasotzeko eskubidea ez da iraungitzen.
  •  Dibortzioaren kasuan , onuradun bat baino gehiago dagoenean, ezkontzako elkarbizitza denborarekiko proportzionala izango da prestazioaren zenbatekoa, bizirik dirauen ezkontidearen alde ehuneko 40 bermatuz. 
  • Alarguntza-pentsioa genero-indarkeriako kasuetan.
  • Lan-istripu eta gaixotasun profesionalei dagozkien xedeetarako, hildakoa heriotzaren datan eskubide osoko alta-egoeran zegoela irizten da, enpresaburuak bere betekizunak ez beteta ere. Horrez gain, oinarri arautzailearen 6 hileko soldatako kalte-ordain bat ere aintzatesten da.
  • Erregimen Bereziak

 

Ohiko galderak

Complementary Content
${loading}