Txertaketako errenta aktiboa

Lanera itzultzeko eskaera aurrez aurre aurkeztu behar da Itsasoko Gizarte Institutuaren edozein zentrotan, edo, bestela, Itsasoko Gizarte Institutuaren Egoitza Elektronikoaren bidez, esteka honetan: Herritarrak

Programan berriro sartu ondoren, onuradunak eskubidea du errenta jasotzeko eta bertan dagoen bitartean jarraian adierazten diren jardueretan parte hartu eta haietaz baliatzeko:

• Banakako tutoretza.
• Laneratzeko ibilbidea.
• Tutoreak elkarrizketa profesionala egitea bere profil profesionala zehazteko.
• Lan-munduan sartzeko plan pertsonal bat egitea. Egutegia eta egin beharreko jarduerak zehaztea.
• Lan-eskaintzen kudeaketa.
• Enplegu- eta/edo prestakuntza-planetan sartzea.
• Boluntariotzako ekintzetan sartzea.

Errentaren gehieneko iraupena hamaika hilabetekoa da.

Programan onartutako langileen behin betiko baja eragingo dute:

• Lan-munduratzearen plan pertsonalean zehazten diren Jarduera- Konpromisoak eskatutako betebeharrak ez betetzea, bidezko arrazoiengatik izan ezik.
• Aurretiazko errekerimenduaz, Estatuko Enplegu Zerbitzu Publiko edo Enplegu Zerbitzu Publikoan ez agertzea, eskaria berriztatzeko dokumentuan zehazten diren forma eta datetan enplegu eskaria ez berriztatzea, edo epe barruan ez bueltatzea Enplegu Zerbitzu Publikoetara zerbitzu hauek eskainitako lan-eskaintzak betetzeko zehaztutako toki eta datan aurkeztu izanari dagokion ziurtagiria, bidezko arrazoiengatik izan ezik.
• Enplegu eskaintza egoki edo enplegu, txertaketa ekintza, orientabide, sustapen, prestakuntza edo profesionalen birmoldaketa programetan parte hartzeari uko egitea, bidezko arrazoiengatik izan ezik.
• Norbere edo besteren konturako lanaldi osoko lana, sei hilabete edo gehiagoko epealdian.
• Lanarekin bateragarriak ez diren Gizarte Segurantzaren izaera ekonomikoa duten pentsioak edo prestazioak jasotzea, edo bateragarriak izan barik, zenbatekoan txertaketako errenta aktiboa jasotzeko ezarritako mugak gainditzen dituztenean. Halaber, enplegu-programetan parte hartu ezin duten genero-indarkeria dela eta, gizarte-mailako laguntzak jasotzea.
• Sei hilabete baino gehiagoan errenta gabezia baldintza ez betetzea.
• Langabeziako prestazio, langabeziako sorospen edo Nekazaritzako errenta eskuratzea.
• Atzerrira joan izana, sei hilabete baino gutxiagoan lanen bat egiteko edota lan-hobekuntzarako kasuetan izan ezik.
• Txertaketako errenta aktiboari borondatez uko egitea.
• Txertaketako errenta aktiboa bidegabe eskuratzea edo mantentzea.
• Txertaketako errenta aktiboaren gehieneko epea agortzea.

Programaren garapenean aldi baterako baja hartuko da honako kasu hauetan:

• Besteren kontura lanaldi osoan sei hilabete baino gutxiagoz aritzea.
• Norberaren kontura sei hilabete baino gutxiagoz lan egitea.
• Errenten muga sei hilabete baino gutxiagoz gainditzea.
• Atzerrira joatea lana bilatzeko edo hura egiteko edo hobekuntza profesionala edo nazioarteko lankidetza gauzatzera, sei hilabete baino gutxiagorako.
• Ez da egoitza-aldaketatzat hartuko atzerrira urtean behin gehienez hamabost egun naturalez irtetea, onuradunari ezarritako betebeharrak betetzeari kalterik egin gabe.