Cookiei buruzko oharra

Webgune honek cookieak erabiltzen ditu, erabiltzaile gisa esperientzia hobea izan dezazun. Nabigatzen jarraituz gero, zure baimena ematen duzu cookieak eta gure cookie-politika onartzen dituzula. Cookieak ez dira erabiltzen informazio pertsonala jasotzeko.


Ebaluatu orrialde hau
Ebaluatu eduki hau

Enplegua Aktibatzeko Programa

Izapideak eta Kudeaketak atalera jo bertsio erraztua ikusteko.

Aldi baterako programa zehatza eta berezia da, epe luzeko langabeei zuzendutakoa. Enplegu Zerbitzu Publikoek kudeatzen dituzten politika aktiboak biltzen ditu, enplegukoak eta lan-bitartekaritzakoak. Proiektuaren helburua lan-merkatura bueltatzeko aukerak areagotzea da. Horrez gain, diru-laguntza ere eskaintzen du, Itsasoko Gizarte Institutuak kudeatzen duena, enplegurako politika aktibo horietan parte hartzeari lotuta dagoena.

Programan onartua izateko eta diru-laguntza hori jasotzeko eskubidea aintzatetsi dadin, langabeek programan hasteko eskaera aurkeztu beharko dute, eredu ofizialean, dagokien Itsasoko Gizarte Institutuaren bulegoan, 2017ko maiatzak 1 eta 2018ko apirilak 30 bitartean.

Behin bakarrik parte hartu ahal izango da.


Eskaera programan berriz sartzeko

 2018ko abuztuaren 4tik aurrera, lanera itzultzeko eskaerak aurkezten ahalko dira, bertan behera utzitako eskubideengatik, inguruabar hauetako batengatik:

  •  Inoren kontura lan egitea lanaldi osoan edo partzialean, 90 egun baino gutxiagoan, bateragarritasuna aplikatzen ez denean.
  • Norbere kontura lan egitea 180 egunez edo gutxiagoz.
  •  Familiako errenta edo erantzukizunen baldintza 180 egun baino gutxiagoz galtzea.  


Eskaerak


En la siguiente tabla podrá descargarse los siguientes Documentos.
Documentos Descarga Fecha
Eskaeraren eredu ofiziala Descargar documento Eskaeraren eredu ofiziala. Dokumentua leiho berri batean irekiko da. Descargar documento Eskaeraren eredu ofiziala. Dokumentua leiho berri batean irekiko da. (PDF,839 KB) 05/06/2017
Enplegu-bilaketa aktiboaren aitorpena Descargar documento Enplegu-bilaketa aktiboaren aitorpena. Dokumentua leiho berri batean irekiko da. Descargar documento Enplegu-bilaketa aktiboaren aitorpena. Dokumentua leiho berri batean irekiko da. (PDF,1342 KB) 05/06/2017
Informazio-orria Descargar documento Informazio-orria. Dokumentua leiho berri batean irekiko da. Descargar documento Informazio-orria. Dokumentua leiho berri batean irekiko da. (PDF,200 KB) 05/06/2017

Baldintzak

Programaren onuradun izan ahalko dira programan sartzeko eskabidea aurkezten den egunean honako baldintza hauek betetzen dituzten langabeak:

  • Hilabete bat gutxienez igarotzea hurrengo laguntza edo prestazio hauetakoren bat agortu zenetik: langabeziagatiko prestazioa edo langabeziagatiko soropena, Gizarteratzeko Errenta Aktiboa (GEA); Babesteko eta Gizarteratzeko Aldi Baterako Programa (PRODI); Langabeziagatiko Babesa Agortzen duten Pertsonentzako Prestakuntzazko Eguneratze Profesionalaren gaineko Programa (PREPARA). Ez da agortutzat hartuko zigor edo baja baten ondorioz iraungitzen denean, onuradunari egotzi liezazkioken kausengatiko eskubidean.
  • Enplegu Zerbitzu Publikoan lan-eskatzaile moduan izen emanda egotea 2017ko maiatzaren 1ean. Baldintza hau betetzat joko da baldin eta langileak, aipatu datan enplegu-eskatzaile moduan izenik eman gabe ere, izen-ematea eten badu besteren konturako lan bat egiten ari delako; kontratu horrek 90 egun baino gutxiago iraun beharko du.
  • Enplegu-eskatzaile moduan izen emanda egotea 270 egunetan zehar programan hasteko eskaera-dataren aurreko hemezortzi hilabete lehenago.
  • Eskubiderik ez izatea ordaindutakoaren araberako babesa edo langabeziagatiko laguntza-babesa jasotzeko, edo laneratzeko errenta aktiboa.
  • Besteren konturako lan bat nahi gabe utzi beharra izatea lehenengo puntuan adierazitako azken eskubidea agortu baino lehenago. Horrez gain, aipatu eskubidea amaitu ondoren lan eginez gero, egin den azken lana nahi gabe utzi behar izango da.
  • Batetik, hileko zenbaketan lanbide arteko gutxieneko soldataren ehuneko 75 gainditzen ez duen inolako errentarik ez izatea, ez-ohiko bi ordainsariren zati proportzionala kontuan hartu gabe, eta bestetik, familia-erantzukizunak egiaztatzea. Puntu honetan, ez dira kontuan hartuko laguntzarekin bateragarriak diren jarduerak egiteagatik lortzen diren errentak.
  • Lehen puntuan adierazitako prestazio eta laguntzaren bat agortu ostean edonolako gutxieneko errenta, lan-ordainsari edo edozein administrazio publikok emandako antzeko laguntza sozialen bat jaso izan bada, gutxienez hilabete igaro beharko da errenta horiek jasotzeari uzten denetik programa hau eskatu baino lehen.
  • Aktibatzeko betebeharra betetzea.

Programa honetan ez da langabetutzat hartuko programan hasteko eskaera-datan lanaldi partzialean besteren kontura lanean ari dena.

Langabetuek betebehar hauek bete beharko dituzte programan sartu eta jarraitzeko:

  • Itsasoko Gizarte Institutuan egiaztatzea eskaera aurkeztu eta hilabeteko epean enplegua aktiboki bilatzeko (EAB) gutxienez hiru ekintza egin direla.
  • Eskaera egiten den unean jarduera-konpromiso bat izenpetzea, bere laneratzea errazteko enpleguko zerbitzu publikoekin edo haien erakunde laguntzaileekin enplegu-ibilbide indibidual eta pertsonalizatuaren esparruan adosten diren jarduerak egiteko.
  • Programan parte hartu bitartean, enplegu zerbitzu publikoek edo hauekin elkarlanean ari diren enplegu-agentziek eskainitako lanpostu egokiak onartzea. Xede horrekin, lanpostu egokitzat joko da Gizarte Segurantzaren Lege Orokorraren Testu Bateginaren 231.3. artikuluan xedatutakoa.
  • Enplegu-eskaera berritzea, eskaera berritzeko dokumentuan zehazten den eran eta datan, eta, hala eskatuko balute, Enplegu Zerbitzu Publiko, Itsasoko Gizarte Institutu edota horiekin elkarlanean ari diren laneratze ekintzak gauzatu izanez gero, enplegu-agentzien aurrean agertzea.
  • Errentan, ondarean edo familia-unitatean gertatzen diren aldaketen berri ematea, bai eta laguntzarekin bateraezinak izan daitezkeen egoeren berri ere.
  • Behar ez bezala jasotako prestazioak itzultzea.
  • Enpleguko Zerbitzu Publikoei edo, horiekin elkarlanean laneratze ekintzak burutzen dituztelako hala badagokie, enplegu-agentziei bost eguneko epean hauek eskainitako enplegu-eskaintzak betetzeko tokian eta datan agertu izanaren ziurtagiria aurkeztea.
  • Programa indarrean dagoen bitartean eta dagokion zerbitzu publiko eskudunak hala eskatuko balu, enplegua aktiboki bilatu izana egiaztatzea.
  • Programan onartua izateko eta bertan jarraitu ahal izateko beharrezko dokumentazio eta informazioa ematea eta Enplegu Zerbitzu Publiko eta, hala balegokio, Itsasoko Gizarte Institutuari helbidea jakinaraztea. Bestalde, jakinarazpenak jasotzeko helbidea aldatuz gero, hori ere une berean jakinarazi beharko zaie.
  • Enplegu Zerbitzu Publikoek, elkarlanean ari diren enplegu-agentziei programaren eta diru laguntzaren onuradun egoera jakinarazi diezaieten onartzea, baita bestelako enpresei ere, hala eskatuko balute.
  • Enpresei jakinaraztea programaren eskatzaile edo onuradun direla enplegua aktiboki bilatzeko jarduerak egiten dituztenean edo lan-kontratu horiek egiten dituztenean.

Laguntzako diru-laguntzaren bateragarritasuna

Programan onartua izan ondoren, diru-laguntza honako hauekin izango da bateragarria:

  • Enplegurako lanbide-heziketa ekintzetan parte hartzeagatik jasotako edozein motatako laguntzekin.
  • Gehienez bost hilabeteko iraupeneko besteren konturako lanarekin, hau lanaldi osokoa, partzialekoa, iraupen mugagabekoa edota aldi baterakoa bada ere, baldin eta sektore publikokoak ez diren enpresa edo erakundeetan bada.

Epe horretan zehar, enpresariak lege edo hitzarmenaren arabera langileak jaso beharreko soldatari diru-laguntzaren zenbatekoa deskontatuko dio. Kontratua lanaldi partzialekoa izanez gero, soldatari kendu beharreko diru-laguntzaren zenbatekoa lan egindako denborarekiko proportzionala izango da.

Langileak Enplegu Zerbitzu Publikoak esleitutako tutoreari sinatzen dituen kontratuen berri eman beharko dio, diru-laguntza lanarekin bateragarri egiteko xedez.

Diru-laguntza jasotzen ari dela egiaztatzeko, Itsasoko Gizarte Institutuak eskubidea aitortuz emandako ebazpena aurkeztu ahal izango da.

Onuradunaren parte-hartzea amaitu baino lehen lan-kontratua iraungitzen bada eta ordaindutakoaren araberako prestazio edo sorospena jasotzeko baldintzak betetzen ez badira, langileak kontratua iraungi dela jakinarazi beharko dio Itsasoko Gizarte Institutuari hurrengo hamabost egunetan eta jarduera-konpromisoa indarberritu beharko du programan parte hartzen jarraitu ahal izateko eta programaren amaiera arteko epean zehar diru-laguntza osagarria jaso ahal izateko.

Complementary Content
${loading}