As prestacións do Seguro Escolar poden clasificarse:

Polo risco que as causa:

Accidente escolar.
Enfermidade.
Infortunio Familiar.

Pola súa natureza:

• Prestacións económicas: consisten no recoñecemento en favor do estudante dun pagamento único ou pensión polas afeccións sufridas, como pode ser unha incapacidade por accidente ou unha indemnización por infortunio familiar.
• Prestacións de asistencia sanitaria: o Seguro Escolar non presta a asistencia sanitaria, senón que reembolsa, co límite das tarifas aplicables a cada tratamento ou medicación, a asistencia sanitaria que se prestase nun centro privado sanitario.

A asistencia nun centro dun Servizo Público de Saúde non ten cobertura do Seguro Escolar, xa que esta é unha asistencia que recibe gratuitamente o estudante, e o Seguro Escolar destínase a paliar os efectos negativos do gasto sanitario privado asumido polo alumnado.

A asistencia nun centro privado poderá recibirse nun centro colaborador ou non colaborador. A diferenza entre ámbolos centros reside en quen sufraga inicialmente os gastos da asistencia.

Sempre que se recoñeza a prestación, se se asiste a un centro colaborador, o Seguro Escolar reembolsará todo ou parte do importe ao centro sanitario. A listaxe de centros colaboradores atópase na seguinte ligazón: Seguridade Social: Prestacións / Pensións de Traballadores (seg-social.es).

Se o estudante asiste a un centro non colaborador, o estudante aboará primeiro o tratamento ao centro sanitario, e poderá solicitar o reembolso de todo ou parte ao Seguro Escolar.