Pluriemprego ou pluriactividade. Cesamento en emprego/actividade

Para subscribir este convenio especial é necesario cumprir os seguintes requisitos:

• Ter prestado servizos para dous ou máis empresarios en situación de pluriemprego e se extinga algún dos seus contratos de traballo ou ter prestado servizos en situación de pluriactividade e se produza o cesamento nalgunha das actividades.
• Deberase acreditar, na data de solicitude deste convenio especial, un período de 1.080 días de cotización previa na situación de pluriemprego ou pluriactividade. As cotizacións computables e non computables son as mesmas establecidas para o Convenio especial ordinario.
  

A solicitude de alta deste convenio especial pódese presentar en calquera momento.

A solicitude de subscrición pódese presentar a través dos medios indicados no apartado "Alta, baixa ou variación de datos do convenio especial" da sección "Trámites e Xestións de Convenios Especiais".

A cotización neste convenio especial ten por obxecto a cobertura das mesmas prestacións que o Convenio especial ordinario.

A data de inicio deste convenio especial dependerá de cando se presente a solicitude de alta:

• Se a solicitude de alta se presenta dentro dos 90 días naturais seguintes á data de cesamento nalgunha das actividades por conta allea determinantes da situación de pluriemprego ou a actividade ou actividades por conta propia, ou na prestación ou prestacións de servizos por conta allea constitutivas da súa situación de pluriactividade, o subscritor poderá optar porque o convenio produza efectos:

• • Desde o día de presentación da solicitude.
  • Desde o día seguinte á data determinante da subscrición do convenio. É dicir, aquel en que producise efectos a baixa no Réxime correspondente ou cesamento da actividade. De non se efectuar opción, esta última será a data de efectos. De non se efectuar opción, esta última será a data de efectos.

• Se a solicitude de alta se presenta fóra do prazo dos 90 días, a data de inicio do convenio será desde o día da presentación da solicitude da alta deste.
  

Suxeito responsable do ingreso da cota

O suxeito responsable de ingresar a cota é o establecido con carácter xeral para o Convenio especial ordinario.

Base de cotización

A base de cotización do convenio especial será igual á diferenza entre a suma das bases de cotización do mes natural anterior ao cesamento e o importe das bases polas que cotice tras o citado cesamento nalgunha das actividades ou empregos.

Determinación da cota a ingresar

O cálculo da cota a ingresar polo subscritor deste convenio especial é o establecido con carácter xeral para o Convenio especial ordinario.

Prazo de ingreso

O prazo de ingreso da cota é o establecido con carácter xeral para o Convenio especial ordinario.

Forma de pagamento

A forma de pagamento deste convenio especial é domiciliación bancaria.

Incremento da base de cotización con posterioridade á subscrición do convenio especial

O incremento da base de cotización con posterioridade á subscrición do convenio especial é o establecido con carácter xeral para o Convenio especial ordinario.

O convenio especial extinguirase por calquera das seguintes causas:

• Polas mesmas causas que o Convenio especial ordinario.
• Por perder a condición de traballador en situación de pluriemprego ou pluriactividade.
  

• Artigo 23 da Orde TAS/2865/2003, do 18 de outubro pola que se regulamenta o convenio especial no Sistema da Seguridade Social
• No non establecido no citado artigo, resultará de aplicación o establecido no Capítulo I da Orde TAS/2865/2003, do 13 de outubro, relativo á regulación do Convenio especial ordinario.
  

O prazo para resolver a solicitude de subscrición deste convenio especial é o establecido con carácter xeral para as solicitudes de alta do Convenio especial ordinario.