Europar Batasuneko funtzionarioak/agenteak

Hitzarmen berezi hau sinatzeko, baldintza hauek bete behar dira:

• Gizarte Segurantzaren Espainiako Sisteman baja ematea.
• Europar Batasunaren zerbitzuko funtzionario edo agente izatea.
• Eskubide pasiboak afiliatuta dagoen aurreikuspen-sistema nazionaletik Erkidegoko langileen gizarte-aurreikuspeneko sistemara transferitzeko eskubidea baliatu izana.
• Gizarte Segurantzako Zenbakia izatea.

Hitzarmen Bereziaren modalitate honetarako ez da eskatzen hitzarmen berezia eskatu aurreko kotizazio-aldirik.

Hitzarmen berezi honen alta-eskaera urtebeteko epean aurkez daiteke, aukera eskubidea erabiltzen denetik kontatzen hasita, “Hitzarmen berezien izapideak eta kudeaketak” ataleko “Hitzarmen bereziaren alta, baja eta datu-aldaketak” atalean adierazitako bitartekoen bidez.

• Erretiroa
• Heriotza eta biziraupena (alarguntza, zurztasuna eta ahaideen aldeko beste prestazio batzuk)
  

Alta-eskaera noiz aurkezten den, data horren araberakoa izango da hitzarmen berezi honen ondorioen hasiera-data:

• Erkidegoko langileen gizarte-aurreikuspeneko sistemara eskubide pasiboak transferitzeko eskubidea erabili eta hurrengo 90 egun naturalen barruan aurkezten bada alta-eskaera, sinatzaileak honako data hauen artean aukeratu ahal izango du hitzarmen bereziaren ondorioak hasteko:

• • Eskabidea aurkezten den egunetik.
  • Transferentzia-eskubidea gauzatu eta hurrengo egunetik aurrera. Aukerarik egiten ez bada, azken hori izango da ondorio-data.

• Transferentzia-eskubidea erabili eta 90 egun naturaletatik kanpo aurkezten bada alta-eskaera, alta emateko eskaera aurkezten den eguna izango da hitzarmenaren hasiera-data.
  

Kuota ordaintzeko erantzukizuna duen subjektua

Kuota sartzeaz arduratzen den subjektua oro har Hitzarmen berezi arrunterako ezarritakoa izango da.

Kotizazio-oinarria

Aplikatzekoa den kotizazio-oinarria sinatzaileak hautatuko du Hitzarmen berezi arruntean indarrean daudenen artean.

Ordaindu beharreko kuota zehaztea

Hitzarmen berezi hau izenpetzen duenak ordaindu beharreko kuota kalkulatzeko modua Hitzarmen berezi arrunterako ezarri den orokorra izango da. Koefiziente murriztailea 0,25 da.

Ordaintzeko epea

Kuota sartzeko epea, oro har, Hitzarmen berezi arrunterako ezarritakoa izango da.

Ordaintzeko modua

Banku-helbideratzea edo kotizazio-buletina dira hitzarmen berezi hau ordaintzeko moduak.

Kotizazio-oinarriaren gehikuntza, hitzarmen berezia sinatu ondoren

Hitzarmen hau sinatu ondoren kotizazio-oinarriak izango duen gehikuntza Hitzarmen berezi arrunterako ezarritako orokorra izango da.

Gizarte Segurantzaren Sistemako hitzarmen berezia arautzen duen urriaren 18ko TAS/2865/2003 Aginduaren 13. artikulua.

• Zerbitzuaren bidez formulatzen direnean “Alta hitzarmen berezianGizarte Segurantzaren Egoitza Elektronikoan dago eskuragarri, eta eskaerekin batera, “ atalean deskribatzen den dokumentazioa aurkeztu behar da”.Erantsitako dokumentazioa”, zerbitzu horrena.

• TA.0040 eredua - Alta/datu-aldaketa/baja/etetea/hitzarmen bereziari berrekitea eskatzea aurkeztearekin batera eskatzean, inprimaki horretako jarraibideetan azaltzen den dokumentazioa aurkeztu behar da.