Como acceder

Cl@ve Móbil é un sistema de acceso electrónico aos servizos públicos que permite ao cidadán autenticarse no trámite que estea a realizar na Sede Electrónica. O sistema ofrece a novidade de permitir escanear un código QR que evita ao usuario a necesidade de incorporar os seus datos identificativos na pantalla de acceso. Se non pode escanear o código QR poderá confirmar a petición de autenticación que lle chegará á APP Cl@ve.
Para poder utilizar cl@ve Móbil débense realizar os seguintes pasos:

1.Descargar a aplicación Cl@ve que está dispoñible para a súa descarga gratuíta en APP Store e Google Play.
2.Activar a aplicación seguindo os pasos que se indican na propia app; é moi sinxelo.3.
Seleccionar Clave Móbil na pasarela de identificación á que che dirixirá o servizo administrativo que queres consultar.
4. Redirixiráseche ao provedor de identidade, onde se mostrará un código QR que poderás escanear desde a APP Cl@ve. Tamén poderá seleccionar a opción de introducir o teu DNI/NIE e data de validez do DNI (ou data de expedición se é un DNI permanente) ou número de soporte do NIE.
5. Abrir a APP Cl@ve para escanear o código QR ou se introduciches o teu DNI/NIE, premer no aviso ou abrir a APP para visualizar a petición de autenticación con Cl@ve Móbil.
6. Por seguridade, debes comprobar que o Organismo e o código de verificación que se mostran na APP son os mesmos que aparecen onde estás intentando acceder. Unha vez confirmada a petición de Cl@ve Móbil na APP co factor de autenticación (desbloqueo) que teñas configurado no teu dispositivo móbil (patrón, pegada, etc.), serás redirixido automaticamente ao trámite que desexes realizar.

Pódese consultar a listaxe de servizos dispoñibles con acceso Cl@ve Móbil.

Cl@ve permanente é un contrasinal que poderás definir no momento de activación e que ten unha validez de 1 ano. Unha vez activada, poderás acceder aos servizos da administración co número do teu documento de identidade e o contrasinal que estableceses.
Para activar a túa Cl@ve permanente precisarás o código de activación que obtiveches ao rexistrarte en Cl@ve. Unha vez activado en clave permanente podes cambiar o teu contrasinal ou, se non o lembras, volver activalo dende os servizos de Cl@ve: xestión de contrasinais. No caso de volver activalo por esquecemento, precisarás de novo o código de activación.

Unha vez rexistrado se non atopas ou non lembras o código de activación podes solicitalo dende rexenerar código de activación.

Ao seleccionar Cl@ve Permanente como modo de acceso para acceder a un servizo de administración electrónica, o sistema pedirache que introduzas o teu documento de identidade e o teu contrasinal.

Se o contrasinal introducido é correcto, e o servizo non require un nivel de seguridade máis elevado, permitirache o acceso a este.
Para os servizos de administración electrónica que requiran un nivel de seguridade elevado, o sistema reforza a autenticación coa solicitude de introdución dun código numérico dun só uso (One Time Password, OTP) que se envía previamente por mensaxe SMS ao teléfono móbil que rexistraches en Cl@ve.

O sistema Cl@ve por rexistro avanzado incorpora a posibilidade de realizar sinatura electrónica mediante certificados electrónicos centralizados, é dicir certificados electrónicos almacenados e custodiados pola Administración Pública.