• Mediku eta erietxe itunduak ez badira, Eskola Aseguruak tarifen araberako fakturak ordainduko ditu. Alderik bada, ikaslearen kontura izango da.

• Presako laguntzaren kasuan, bai ikaslea ez dagoelako ospitalea hautatzeko moduan, bai itundutako zentroraino dagoen distantziagatik, ikasleari sortutako gastu guztiak ordainduko zaizkio.

Laguntza medikoa, dagokionean ospitalizazioa barne hartzen duena, honako zerbitzu hauek osatzen dute: kirurgia orokorra, neuropsikiatria, biriketako eta hezur-muineko tuberkulosia eta tokologia:

Kirurgia orokorra:

• Espezialitate guztiak sartzen dira, estetika hutsekoak  izan ezik, eta bertan sartzen dira ostatu- eta mantenu-zerbitzuak, ebakuntza-gela, laguntza medikoa eta farmazeutikoa, bai eta ordezkapen-protesiak ere (ez ortopedikoak).

• Ospitaleratzean ospitalizazioaren egunetik altaren egunera bitartean sortutako gastuak, bai eta ebakuntza kirurgikoa eragiten duen diagnostikoaren ondoriozko gastuak ere.

Neuropsikiatria:

• Horren barruan, prozesu neuropsikiatriko guztien internamendu erregimeneko edo anbulatorioko tratamendua ematen da, gaixotasunaren larritasunak ikasketen jarraipenari eragiten dionean. Kanpoan geratuko da haurtzaroan eta nerabezaroan hasi ohi diren garapen psikologikoaren, portaeraren edo emozioen nahasmendua.
• Psikologoek egindako psikoterapia sesioak barne hartuta egongo dira psikiatra batek agintzen baditu.

Tokologia:

• Erditu aurretik tokologoarenera egiten diren bisitak, zerbitzu medikoak (tokologoa, anestesista, erizaina eta emagina) eta ospitaleratze gastuak, kirurgia balitz bezala.
• Jaioberriei emandako arretaren gastuak ez dira barruan sartzen.

Tuberkulosia: 

• Biriketako tuberkulosiaren kasuan, honako hauek sartzen dira: osasun-zentro egokietako ostatu- eta mantenu-zerbitzuak, zainketa medikoak, kirurgia toraziko txiki eta handia eta beharrezko farmazia-laguntza.

• Hezur-tuberkulosiaren kasuan, zentro egokietako ostatu- eta mantenu-zerbitzuak, tratamendu mediko  kirurgikoa eta farmazia-sorospena sartzen dira.

• Ospitalizazio- edo tratamendu-aldia 18 hilabetekoa izango da, eta 3 hilabetez luzatu ahal izango da, gehienez ere 3 urtez, etenik gabe.

Kasu batzuetan, fisioterapia, kobaltoterapia, erradioterapia, giltzurrun artifiziala eta erradioterapia prestazioak eman daitezke.

Fisioterapia:

• Kirurgiaren ondorengo tratamenduetan edo eskola-istripuaren ondoriozko traumatismoetan medikoki justifikatuta dagoenean onartuko da.

• Tratamenduak gehienez ere 30 saio izanen ditu, baina saio kopuru hori gainditu ahal izanen da, aparteko kasuetan, eskola aseguruaren mediku aholkulariak beharrezkotzat jotzen badu.

• Indarrean dauden tarifen arabera ordainduko da.

Kimioterapia, erradioterapia eta kobaltoterapia:

Prestazioa jasotzeko agindua Gizarte Segurantzako mediku batek ematen duenean, ikasleari Gizarte Segurantzako onuradun gisa ordaindutako %40aren eta Eskola Aseguruak estaldutako ikasle gisa dagokion %30aren arteko diferentzia ordainduko zaio.