As prestacións son un conxunto de medidas que pon en funcionamento a Seguridade Social para prever, reparar ou superar determinadas situacións de infortunio ou estados de necesidade concretos, que adoitan orixinar unha perda de ingresos ou un exceso de gastos nas persoas que os sofren. Na súa maioría económicas, as prestacións son as seguintes:

• Asistencia sanitaria.
• Incapacidade temporal.
• Risco durante o embarazo.
• Risco durante a lactación natural. 
• Coidado de menores afectados por cancro ou outra enfermidade grave. 
• Incapacidade permanente.
• Lesións permanentes non invalidantes. 
• Xubilación.
• Morte e supervivencia: 
  • Auxilio por defunción.
  • Pensión de viuvez.
  • Prestación temporal de viuvez.
  • Pensión de orfandade.
  • Pensión en favor de familiares.
  • Subsidio en favor de familiares.
  • Indemnización especial a tanto alzado, nos supostos de accidente de traballo e enfermidade profesional.
• Prestacións familiares: 
  • Prestación económica por fillo ou menor acollido a cargo.
  • Prestación económica por nacemento/adopción de fillo, en supostos de familias numerosas, monoparentais e nos casos de nais con discapacidade.
  • Prestación económica por parto ou adopción múltiples.
  • Prestación non económica.
• Prestacións por desemprego (SPEE)
• Prestación por cesamento de actividade dos traballadores autónomos.
• Servizos sociais (IMSERSO ou órganos competentes das Comunidades Autónomas con competencias transferidas).
• Prestacións do Seguro Obrigatorio de Vellez e Invalidez (SOVI):
  • Vellez SOVI.
  • Invalidez SOVI.
  • Viuvez SOVI.
• Prestacións do Seguro Escolar.