Serán causantes os fillos nacidos ou adoptados por parto ou adopción múltiples, sempre que:

• O número de nacidos ou adoptados sexa igual ou superior a dous. Para estes efectos:

  • Entenderanse como nacidos, os que reúnan as condicións que expresa o artigo 30 do Código Civil: "A personalidade adquírese no momento do nacemento con vida, unha vez producido o enteiro desprendemento do seo materno. "

  • Se algún dos fillos estivese afectado por unha discapacidade igual ou superior ao 33%, computará o dobre. Non causa dereito á prestación o nacemento ou adopción dun só fillo cunha discapacidade igual ou superior ao 33%. 

• O nacemento ou a formalización da adopción tivese lugar en España. Para estes efectos, reputarase producido en España o nacemento ou a adopción que teña lugar no estranxeiro cando se acredite que o fillo se integrou de xeito inmediato nun núcleo familiar con residencia en territorio español. 

As persoas que reúnan os seguintes requisitos:

• Residir legalmente en territorio español. Considérase cumprida esta condición no suposto de traballadores trasladados pola súa empresa fóra do territorio español, que se atopen en situación asimilada á de alta e coticen no correspondente réxime de Seguridade Social español.

• Non teñan dereito a prestacións desta mesma natureza en calquera outro réxime público de protección social.

• Se existe convivencia dos proxenitores ou adoptantes, será beneficiario:

  • Calquera deles, de común acordo. Presúmese que existe acordo, cando a prestación se solicite por un daqueles.

  • A falta de acordo, será beneficiaria a nai.

• Se non existe convivencia dos proxenitores ou adoptantes, será beneficiario o que teña ao seu cargo a garda e custodia dos fillos.

• Cando os suxeitos causantes queden orfos dos dous proxenitores ou adoptantes ou sexan abandonados, será beneficiaria a persoa física que legalmente se faga cargo dos nacidos ou adoptados.

A prestación consiste nun pagamento único, cuxa contía será:

SMI MENSUAL: 1.134 euros

SMI DIARIO: 37,8 euros

A prestación por parto ou adopción múltiples é compatible con:

• A prestación familiar por familia numerosa, monoparental ou pai ou nai con discapacidade causa polo mesmo ou diferente suxeito.
• As asignacións económicas por fillo ou menor acollido a cargo.
• A pensión de orfandade e en favor de netos e irmáns que, se é o caso, poidan corresponder.
• Outras axudas económicas análogas concedidas por unha Administración Local ou Autonómica.
• O subsidio especial de maternidade por parto múltiple causado por un mesmo suxeito.
  

• Cando concorran nos dous proxenitores ou adoptantes ou, no seu caso, nos acolledores as circunstancias necesarias para ter a condición de beneficiarios, o dereito a percibir a prestación só poderá ser recoñecido en favor dun deles.

• A prestación é incompatible coa percepción, por parte dos proxenitores ou adoptantes ou, no seu caso, dos acolledores, de calquera outra prestación análoga establecida nos restantes réximes públicos de protección social.

• No suposto de que un dos proxenitores ou adoptantes estea incluído, en razón da actividade desempeñada ou pola súa condición de pensionista, nun réxime público de Seguridade Social, a prestación correspondente será recoñecida por este réxime, sempre que reúna os requisitos necesarios para ser beneficiario desta prestación.

• Cando os beneficiarios poidan ter dereito á mesma prestación, por un mesmo suxeito causante, en varios réximes públicos de protección social, deberán optar por un deles.

EXHIBICIÓN DOS SEGUINTES DOCUMENTOS EN ORIXINAL E EN VIGOR

1. Españois: Documento Nacional de Identidade (DNI) do solicitante e do outro proxenitor/a adoptante.

2. Estranxeiros:    

• Cidadáns da UE/|EEE   ou Suíza: certificado de rexistro de cidadán da Unión ou Certificado do dereito a residir con carácter permanente xunto con pasaporte ou documento de identidade en vigor (art.  7.1 e 10.1 do |RD  240/2007, do 16 de febreiro).
• Membros da familia dun cidadán da UE/EEE ou Suíza que non ostenten a nacionalidade dun dos devanditos Estados: tarxeta de residencia de familiar de cidadán da Unión ou resgardo acreditativo da presentación da solicitude da tarxeta (art. 8 e 10.3 do RD 240/2007, do 16 de febreiro).

• Non nacionais da UE/EEE ou Suíza que residan en territorio nacional:

  • Tarxeta de identidade de estranxeiro (TIE) para os solicitantes, outros proxenitores e causantes ou autorización de residencia temporal ou permanente, segundo proceda.

  • Solicitude da tarxeta ou da autorización de residencia, para fillos nacidos en España de non nacionais da UE/EEE ou Suíza.

    Número de Identidade de estranxeiro (NIE) en todos os supostos.

PRESENTACIÓN DOS SEGUINTES DOCUMENTOS EN ORIXINAL E EN VIGOR E FOTOCOPIAS COMPULSADAS OU COPIAS PARA PROCEDER Á SÚA COMPULSA:

3. Certificado de empadroamento de beneficiarios e causantes (só nos supostos previstos no RD 523/2006, do 28 de abril).

4. Libro de familia o certificado en extracto das partidas de nacemento dos fillos, expedido polo Rexistro Civil correspondente.

SÓ SE SE ATOPA NUNHA DESTAS SITUACIÓNS:

5. En supostos de separación xudicial ou divorcio: sentenza xudicial que acredite estas situacións ou documento polo que se establece a garda e custodia dos fillos.

6. No suposto de fillos con discapacidade: título de discapacidade expedido polo IMSERSO ou organismo competente da Comunidade Autónoma. 

7. No suposto de tutela: resolución xudicial mediante a que se constitúe a tutela.