Heriotza eta biziraupenagatiko prestazioek pertsona batzuen heriotzak beste batzuentzat dakarren behar ekonomikoaren egoera konpentsatzen dute.

Genero Indarkeriaren kontrako Babes Integralerako Neurriei buruzko abenduaren 28ko 1/2004 Lege Organikoko lehen xedapen gehigarrian zehazten denaren arabera, ezingo du heriotza eta biziraupenagatiko prestazioen onuradun izan epai irmo bidez edozein motatako hilketa delitua gauzatzeagatik kondenatu den pertsonak, biktima denean prestazio hori sortzen duena. Haurrak eta nerabeak zaintzeko eta babesteko sistema aldatzeari buruzko uztailaren 28ko 26/2015 Legeko Azken hamargarren (bat) Xedapena.

Erakunde Kudeatzaileak bere momentuan aintzatetsitako heriotza eta biziraupenagatiko prestazioak ordaintzeari utziko dio, ikertzen den subjektuak edozein motatako hilketa delitua gauzatu duenaren susmo arrazionala ondorioztatzen duen epaiketa dagoenean, biktima izango balitz prestazioaren sortzailea, egoera jakinarazi den hurrengo hilabeteko lehen egunean indarrean sartuko delarik. 26/2015 Legeko Azken hamargarren (bi) Xedapena.  

Gizarte Segurantza Sistema osatzen duten Erregimen Orokor eta Erregimen Bereziko ekintza babeslearen barruan sartzen dira, kasu bakoitzari dagokion Erregimen Berezian zehazten diren berezitasunekin. Horien ondoan dago SOVIren alarguntzagatiko pentsioa.