Dereito de opción / Aboamento

• Os traballadores que, reunindo todos os requisitos para obter o recoñecemento do dereito á pensión de xubilación na data de entrada en vigor (5-8-97) da Lei 24/1997, de 15 de xullo, de Consolidación e Racionalización do Sistema de Seguridade Social, non o exercitasen, aínda que non cesasen no traballo, poderán optar por acollerse á lexislación anterior para obter a pensión nas mesmas condicións a que tivesen dereito o día anterior ao da entrada en vigor desta lei.


• Nos supostos de opción a favor da lexislación anterior á citada lei, as cotizacións efectuadas a partir de 5-8-97 non se computarán a efecto algún nin procederá a súa devolución.


• A opción terá carácter irrevogable.

• As pensións abóanse en 14 pagas, unha por cada un dos meses do ano e dúas pagas extraordinarias ao ano, que se fan efectivas xunto coas mensualidades de xuño e novembro e polo mesmo importe que o da mensualidade ordinaria correspondente a estes meses.

Nos supostos de recoñecemento inicial ou de continuación da percepción dunha pensión, así como nos casos de suspensión da percepción da pensión ou extinción da mesma, a paga extraordinaria correspondente aboarase en razón de sextas partes.

• Garántense contías mínimas, segundo idade e cargas familiares.

• A pensión, incluído o importe da pensión mínima, revalorizarase ao comezo de cada ano, de acordo co Índice de Prezos ao Consumo previsto para este ano.

• A pensión de xubilación está suxeita a tributación nos termos establecidos nas normas reguladoras do Imposto sobre a renda das persoas físicas (IRPF) e sometida, no seu caso, ao sistema xeral de retencións a conta do Imposto.