Cookiei buruzko oharra

Webgune honek cookieak erabiltzen ditu, erabiltzaile gisa esperientzia hobea izan dezazun. Cookieak ez dira erabiltzen informazio pertsonala jasotzeko. Informazio gehiago nahi izanez gero, kontsultatu gure cookie-politika.

Valore esta página
Valore este contenido

% 65 edo gehiagoko ezintasuna duten langileen erretiro aurreratua

Erretiroa hartzeko ohiko adina beheratu egin daiteke koefiziente murriztaileak aplikatuz, % 65eko edo gehiagoko minusbaliotasuna duten langileen kasuan.

 

Onuradunak / baldintzak

Erregimen Orokorrean eta Itsasoko Langileen eta Ikatz Meatzaritzaren Erregimen Berezietan barne hartutako besteren konturako langileak, ordainpeko jarduera bat egiten dutenak eta bitarte horretan minusbaliotasun maila bat egiaztatzen dutenak, betiere, ezarritako gainerako baldintzak (kotizazio aldia eta gertaera eragilea) betetzen badituzte.

    Erretiro-adinaren murrizketa

    Erretiroagatiko pentsioa jasotzeko ezarritako ohiko adinari lanean egindako denborari adierazten diren koefizienteak aplikatzearen ondoriozko epe baliokidea kenduko zaio, betiere, egindako lan aldietan zehar honako minusbaliotasun mailak egiaztatuz gero:

    • 0,25eko koefizientea, langileak % 65eko edo gehiagoko minusbaliotasun maila egiaztatzen badu.
    • 0,50eko koefizientea, langileak % 65eko edo gehiagoko minusbaliotasun maila egiaztatzen badu eta eguneroko bizitzako funtsezko ekintzak egiteko beste pertsona baten laguntza behar duela egiaztatzen badu.

    Gutxieneko adina:

    2008-01-01etik aurrera, adinaren koefiziente murriztaileak aplikatzeak ezin dio interesdunari 52 urte bete aurretiko erretiroagatiko pentsioa jasotzeko aukerarik eman.

    Mugaketa horrek ez die eragingo Erregimen Berezietako langileei (Ikatz Meatzaritza eta Itsasoko Langileak) , 2008-01-01ean erretiro adinaren koefiziente murriztaileak aitortuta zituztenei; horiei aurreko araudia aplikatuko zaie.

    Lanean egindako denboraren zenbaketa: 

    Lanera egindako falta guztiak deskontatuko dira, honako hauek izan ezik:

    • Gaixotasun arrunt, gaixotasun profesional edo laneko zein bestelako istripu baten ondoriozko baja medikoak eragindakoak.
    • Amatasuna, adopzioa edo harrera, haurdunaldiko edo edoskitzaro naturaleko arriskua dela eta lan kontratua etetearen ondoriozkoak.
    • Dagozkion lan xedapenetan ordainsari eskubidearekin baimendutakoak.

    Ondorioak:

    2008-01-01etik, koefiziente murriztaileak ez dira kontuan hartuko:

    •  Erretiro partziala (zuzenbide iragankor bidez 2008-01-01aren aurreko legeria aplikatzen ez bada), mutualistaren erretiro aurreratua eta aurreratutako beste edozein erretiro mota hartzeko ezarritako adina egiaztatzeko.
    • Ezta une bakoitzean erretiroa hartzeko ezarritako ohiko adinaren ondoren erretiroa hartzen dutenentzat ezarritako portzentaje gehigarria sortzeko ere.

    Pentsioaren kalkulua

    Langilearen erretiro-adina jaitsiko den aldia, kotizatutakotzat emango da erretiro-pentsioaren zenbatekoa kalkulatzeko aplikatuko den portzentajea zehazteko.

    Erretiro-koefizienteen eragina beste erregimenetan

    Adinaren murrizketari eta zenbaketari dagokienez, kotizatzeko, haren ondoriozko denborari dagokionez,  Gizarte Segurantzaren beste edozein erregimenetan  sortuko den pentsioa aplikatuko da.

    Aurretiazko erretirorako sarbidea

    • %65eko edo gehiagoko desgaitasuna duten langileek, 1967-1-1ean edo horren aurretik besteren konturako langileen edozein mutualitatetan mutualista izan direlako eskubidea badute, LGSSren  testu bategineko hirugarren xedapen iragankorreko 1.2 atalean ezarritakoarekin bat etorriz, 60 urte betetzen dutenetik aurrera erretiroagatiko pentsioa kobratzeko, 0,25 edo 0,50eko tasa aplikatuko da kasu bakoitzean dagokion pentsioaren zenbatekoaren koefiziente murriztailea ezartze aldera. Gainerako ondorioetarako, langilearen benetako adina hartuko da kontuan.

    Erretiratzeko adina aurreratzeko aukerari dagokionez, 1967ko urtarrilaren 1ean bildutako erreferentziak arau erregulatzaileetan zehaztutako datan hartuko dira egindakotzat, beste egun bat jasotzen duten erregimen edo kolektiboei dagokienez.

    • Berdina egingo da %65 edo gehiagoko desgaitasuna duten eta lehenago erretiratu nahi diren langileekin, aipatutako testu bategineko 206. artikuluan ezarritakoa batez, betiere, 61 urte beteta dituztenean.

    Ezintasuna egiaztatzea

    Ezintasuna eta ezintasun maila egiaztatzeko, Adinekoen eta Gizarte Zerbitzuen Institutuak edo erakunde horrek autonomia erkidego bakoitzean bere funtzioak eta zerbitzuak eskuordetu dizkion organoak emandako egiaztagiria aurkeztuko beharko da.

    Erakunde horiek eskumenik ez edukitzeagatik ziurtagiririk eman ezin dutenean, ezintasun egoera egiaztatzeko une horretan horretarako esleitutako erakundeak igorritako ezintasuna badela dion egiaztagiria edo administrazio egintza aurkeztu beharko da eta, horrelakorik ezean, Gizarte Segurantzako erakunde kudeatzaileak egokitzat jotzen duen beste edozein froga aurkeztu beharko da.

    Complementary Content
    ${loading}