Bases e tipos de cotización 2022

BASES DE COTIZACIÓN EN PERÍODOS DE ACTIVIDADE.

A cotización poderá efectuarse, a opción do empresario, por bases diarias, en función das xornadas reais realizadas, ou por bases mensuais. En caso de que o empresario non exercite expresamente esta opción, entenderase que este elixiu a modalidade de bases mensuais de cotización.

A modalidade de cotización por bases mensuais resultará obrigatoria para os traballadores por conta allea con contrato indefinido, sen incluír entre estes os que presten servizos con carácter fixo descontinuo, respecto aos cales terá carácter opcional.

A partir do 01 xaneiro 2022, as bases aplicables para os traballadores incluídos neste Sistema Especial determinaranse conforme o establecido no artigo 147 do Real Decreto Lexislativo 8/2015, do 30 de outubro, polo que se aproba texto refundido da Lei Xeral da Seguridade Social.

Cando a cotización se efectúe por bases diarias, o establecido no parágrafo anterior entenderase referido a cada xornada real realizada, sen que poida ser inferior á base mínima diaria de cotización que se estableza legalmente.

Aos traballadores incluídos neste Sistema especial non lles será de aplicación a cotización adicional por horas extraordinarias.

Tampouco será de aplicación a cotización adicional por continxencias comúns, establecida nos contratos temporais de duración efectiva igual ou inferior a trinta días.

1.- BASES DE COTIZACIÓN MENSUAIS.

A partir do 1 de xaneiro de 2022, as bases mensuais de cotización por continxencias comúns durante os períodos de actividade para os traballadores que presten servizos durante todo o mes, son as seguintes:

Esta modalidade de cotización mensual é aplicable con carácter obrigatorio para os traballadores por conta allea con contrato indefinido, sen incluír entre estes os que presten servizos con carácter fixo descontinuo, respecto aos cales terá carácter opcional.

2 - BASES DE COTIZACIÓN XORNADAS REAIS. 

Cando se realicen no mes natural 22 ou máis xornadas reais, a base de cotización aplicable será a correspondente ás bases mensuais de cotización por continxencias comúns.

3.-TIPOS DE COTIZACIÓN EN PERÍODOS DE ACTIVIDADE

Bases de cotización para Continxencias comúns e Accidentes de Traballo Y Enfermidades Profesionais

Base de cotización para Desemprego, FOGASA e Formación Profesional

Durante o ano 2022 aplicarase aos traballadores que se atopen en situación de incapacidade temporal, risco durante o embarazo e risco durante a lactación natural así como maternidade e paternidade causadas durante a situación de actividade, calquera que sexa o grupo no que queden encadrados, unha redución na cota á cotización por desemprego de 2,75 puntos porcentuais da base de cotización.

4.-REDUCIÓNS ACHEGAS EMPRESARIAL

4,1. Reducións na cotización por continxencias comúns en situacións de actividade

Durante o ano 2022 aplicaranse as seguintes reducións nas achegas empresariais á cotización a este Sistema Especial durante os períodos de actividade con prestación de servizos. 

a) Na cotización respecto aos traballadores encadrados no grupo de cotización 1, aplicarase unha redución de 8,10 puntos porcentuais da base de cotización, resultando un tipo efectivo de cotización por continxencias comúns do 15,50 por 100.
En ningún caso a cota empresarial resultante será superior a 279,00 euros ao mes o 12,68 por xornada real traballada.

b) Na cotización respecto aos traballadores encadrados nos grupos de cotización 2 a 11, a redución axustarase ás seguintes regras:

       Para bases mensuais de cotización a fórmula que hai que aplicar será a seguinte:

A cota empresarial resultante non poderá ser inferior a 117,07 euros mensuais ou 5,32  euros por xornada real traballada.

4,2. Reducións na achega empresarial por desemprego durante as situacións de Incapacidade Temporal, Risco durante o embarazo, Risco durante a lactación natural, así como de Nacemento e coidado do menor e Corresponsabilidade no coidado do lactante, causadas durante a situación de actividade.
Durante o ano 2022 aplicarase aos traballadores que se encontren  nestas situacións,  calquera que sexa o grupo no que queden encadrados, unha redución  de 2,75 puntos porcentuais da base de cotización

Os traballadores autónomos dedicados á venda ambulante ou a domicilio:

Calquera que sexa a idade do traballador e os anos cotizados de forma efectiva á Seguridade Social, as bases mínimas de cotización destes traballadores (CNAE: 4781, 4782, 4789, 4799) a partir do 01/01/2022, este día incluído, serán:

1) Socios traballadores de cooperativas de traballo asociado:

a) Mercados menos de 8 horas día: opción de base mínima de autónomos (960,60 euros/mes) ou 528,30 euros/mes.

b) Mercados máis de oito horas día e traballadores que non perciben ingresos directamente dos compradores: opción entre 884,10 euros/mes ou base mínima de autónomos (960,60 euros/mes) ou 528,30 euros/mes para actividade CNAE 4799.

2) Traballadores individuais: Opción entre 884,10 euros/mes ou base mínima de autónomos (960,60 euros/mes) agás:

a) Se CNAE é 4799: entre a base mínima de autónomos (960,60 euros/mes) ou 528,30 euros/mes.

b) Mercados menos de 8 horas día: entre base mínima de autónomos (960,60 euros/mes) ou 528,30 euros/mes.

Os traballadores autónomos que nalgún momento do ano 2021 e de xeito simultáneo tivesen contratado ao seu servizo un número de traballadores por conta allea igual ou superior a dez, a base mínima de cotización a partir do 01/01/2022, este día incluído, será de 1.234,80 euros/mes.

Os traballadores que exerzan  as funcións de dirección e xerencia que implica o cargo de conselleiro ou administrador, ou presten outros servizos para unha sociedade de capital, a título lucrativo e de forma habitual, persoal e directa, sempre que posúan o control efectivo, directo ou indirecto, daquela, a base mínima de cotización a partir do 01/01/2022, este día incluído, será 1.234,80 euros/mes. 

Os socios traballadores das sociedades laborais, cando a súa participación no capital social xunto co do seu cónxuxe e parentes por consanguinidade, afinidade ou adopción ata o segundo grao cos que convivan, alcance polo menos o 50 por cento, agás cando acrediten que o exercicio do control efectivo da sociedade require o concurso de persoas alleas ás relacións familiares, a base mínima de cotización a partir do 01/01/2022, este día incluído, será de 1.234,80 euros/mes.

Pluriactividade

Os traballadores que causen alta por vez primeira no Réxime Especial dos Traballadores Autónomos no caso de pluriactividade con xornada laboral a tempo completo ou a tempo parcial superior ao 50 por cento, as contías serán durante o ano 2022 como tope mínimo:

a) Se a xornada laboral é a tempo completo:

• O 50 por cento  da base mínima de cotización, durante os primeiros 18 meses.
• O 75 por cento da base mínima de cotización, durante os 18 meses seguintes.
  

b) Se a xornada laboral é a tempo parcial superior ao 50 por cento:

• O 75 por cento da base mínima de cotización, durante os primeiros 18 meses.
• O 85 por cento da base mínima de cotización, durante os seguintes 18 meses.

Como tope máximo: as aplicables ao réxime.

A aplicación das medidas anteriores será incompatible con calquera outra bonificación ou redución establecida como medida de fomento do traballo autónomo, así como a devolución de cotas establecida no art. 313 TRLGSS.

Cotización para traballadores maiores de 65 anos

Os traballadores maiores de 65 anos e 38 anos e 6 meses de cotización ou 67 anos e 37 anos de cotización, a partir do 01/01/2022 estarán obrigados a cotizar unicamente por:

• Incapacidade Temporal
• Continxencias Profesionais

Cotización en supostos de compatibilidade de xubilación e traballo por conta propia.

Durante a realización dun traballo por conta propia compatible coa pensión de xubilación, os traballadores cotizarán a este réxime especial unicamente por:

• Incapacidade Temporal
• Continxencias Profesionais

Se ben quedarán suxeitos a unha cotización especial de solidariedade do 9 por cento sobre a base por continxencias comúns, non computable para os efectos de prestacións.

A contía da pensión de xubilación compatible co traballo será equivalente ao 50 por cento do importe resultante no recoñecemento inicial, unha vez aplicado, se procede, o límite máximo de pensión pública, ou do que se estea a percibir, no momento de inicio da compatibilidade co traballo, excluído, en todo caso, o complemento por mínimos, calquera que sexa a xornada laboral ou a actividade que realice o pensionista.

Se se acredita ter contratado, polo menos, un traballador por conta allea, a contía da pensión compatible co traballo alcanzará o 100 por cen.

Os traballadores incluídos neste Sistema Especial que non optasen por dar cobertura, no ámbito de protección dispensada, á totalidade das continxencias de accidentes de traballo e enfermidades profesionais, efectuarán unha cotización adicional equivalente ao 0,10 por cento, aplicado sobre a base de cotización elixida, para a finalización das prestacións previstas para o risco durante o embarazo e risco durante a lactancia natural.

Para os traballadores que de forma voluntaria se acollan á cobertura de Cesamento de Actividade, o tipo de cotización aplicable será o 2,20 por cento.

Determinación da situación de inactividade

A estes efectos, entenderase que existen períodos de inactividade dentro dun mes natural cando o número de días naturais en que o traballador figure de alta no sistema especial no devandito mes sexa superior ao número de xornadas reais no mesmo multiplicado por 1,3636.

O número de días de inactividade do mes é a diferenza entre os días en alta laboral no mes e o número de xornadas reais no mes multiplicadas por 1,3636.

A cotización polos días de inactividade no mes é o resultado de multiplicar o número de días de inactividade no mes pola base de cotización diaria correspondente e polo tipo de cotización aplicable.

Base de cotización na situación de inactividade

Durante o ano 2021, o importe da base mensual de cotización aplicable para os traballadores por conta allea incluídos neste sistema especial, durante os períodos de inactividade, será o establecido para a base mínima por continxencias comúns correspondente ao grupo 7 da escala de grupos de cotización do Réxime Xeral da Seguridade Social.

No ano 2021, a base mensual de cotización aplicable para os traballadores por conta allea incluídos no Sistema Especial, durante os períodos de inactividade, será de 1.125,90 euros.

Tipo de cotización en situación de inactividade

O tipo de cotización nesta situación será o 11,50 por cento.

Beneficios na cotización

Con efectos dende o un de xaneiro de 2021, aos traballadores que tivesen realizado un máximo de 55 xornadas reais cotizadas no ano 2020, aplicaráselles ás cotas resultantes durante os períodos de inactividade en 2021 unha redución do 19,11 por cento.

Dende o 1 de xaneiro de 2022, as bases de cotización por continxencias comúns a este sistema especial serán as determinadas na seguinte escala, en función da retribución mensual percibida polos empregados de fogar por cada relación laboral.

 
• Continxencias profesionais (AT e EP), tarifa de primas disposición adicional cuarta Lei 42/2006, do 28 de decembro, de Orzamentos Xerais do Estado para 2007, en redacción dada pola disposición final quinta do Real Decreto-Lei 28/2018, do 28 de decembro (clave epígrafe 97) sendo a cota resultante a cargo exclusivo do empregador.
  
• IT: 0,80%.
• IMS: 0,70%.

REDUCCÓN 

• Durante o exercicio de 2022 será aplicable unha redución do 20 por 100 na achega empresarial á cotización á Seguridade Social por continxencias comúns neste sistema especial.

• Serán beneficiarios desta redución os empregadores que contratasen, baixo calquera modalidade contractual, e dado de alta no Réxime Xeral a un empregado de fogar a partir do 1 de xaneiro de 2012, sempre e cando o empregado non figurase en alta no Réxime Especial de Empregados de Fogar a tempo completo, para o mesmo empregador, dentro do período comprendido entre o 2 de agosto e o 31 de decembro de 2011.

• Esta redución de cotas ampliarase cunha bonificación ata chegar ao 45 por 100 para familias numerosas, nos termos previstos no artigo 9 da Lei 40/2003, do 18 de novembro, de protección ás familias numerosas.

BONIFICACIÓN

• Bonificación do 45 por 100 para familias numerosas, nos termos previstos no artigo 9 da Lei 40/2003, do 18 de novembro, de protección ás familias numerosas, aínda que non cumpran cos requisitos establecidos para que se aplique a redución do 20 por 100.

EXCEPCIÓNS

• Estes beneficios na cotización á Seguridade Social a cargo do empregador, non serán de aplicación nos supostos en que os empregados de fogar que presten os seus servizos durante menos de 60 horas mensuais por empregador asuman o cumprimento das obrigas en materia de encadramento, cotización e recadación no devandito sistema especial, de acordo co establecido na disposición adicional vixésimo cuarta.

(*) Cando proceda cotizar por desemprego nos contratos para a formación, a base de cotización será a base mínima correspondente ás continxencias por accidentes de traballo e enfermidades profesionais, para o ano 2022 (1.125,90 euros), á que será de aplicación o tipo do 7,05 %, distribuído conforme o seguinte detalle: 5,50 % a cargo da empresa e 1,55 % a cargo do traballador.

• Esta cotización tamén será aplicable:   
• Ás persoas asimiladas a traballadores por conta allea a que se refire o Real Decreto 1493/2011, do 24 de outubro, polo que se regulan os termos e as condicións de inclusión no Réxime Xeral da Seguridade Social das persoas que participen en programas de formación, en desenvolvemento do previsto na disposición adicional terceira da Lei 27/2011, do 1 de agosto, sobre actualización, adecuación e modernización do sistema da Seguridade Social, e as persoas que realicen prácticas non laborais ao abeiro do disposto no Real Decreto 1543/2011, do 31 de outubro, polo que se regulan as prácticas non laborais en empresas. Non existirá obriga de cotizar polas continxencias de desemprego, fondo de garantía salarial nin por formación profesional.

Acceso á plataforma de valoración