Persoas traballadoras autónomas cun cambio de base solicitado a 1 de xaneiro de 2024

A base de cotización dos traballadores que a 31 de decembro de 2023 solicitasen un cambio da súa base de cotización con efectos dende o 1 de xaneiro de 2023 será a solicitada sempre que se encontre nalgún dos tramos das táboas do apartado 1 e cumpra o establecido no Real Decreto-Lei 13/2022, do 26 de xullo, polo que se establece un novo sistema de cotización para os traballadores por conta propia ou autónomos e se mellora a protección por cesamento de actividade.

Familiares da persoa traballadora autónoma e societarios

Os familiares do traballador autónomo incluídos neste réxime especial ao abeiro do establecido no artigo 305.2.k) e os traballadores autónomos incluídos neste réxime especial ao abeiro do establecido nas letras b) e e) do artigo 305.2, artigos todos eles do texto refundido da Lei Xeral da Seguridade Social, non poderán elixir unha base de cotización mensual inferior a 1.000 euros durante o ano 2024. Para a aplicación desta base de cotización mínima abondará con ter figurado 90 días en alta neste réxime especial en calquera destes supostos.

Persoas traballadoras autónomas que a 31/12/2022 cotizasen por unha base superior á que lles correspondería polos seus rendementos e non a modificasen en 2023

Durante 2024 poderán manter a mesma base de cotización, ou unha inferior, aínda que os seus rendementos determinen a aplicación dunha base por debaixo da elixida.

Persoas traballadoras autónomas dedicadas á venda ambulante ou a domicilio

Os traballadores autónomos dedicados á venda ambulante (CNAE 4781 Comercio polo miúdo de produtos alimenticios, bebidas e tabaco en postos de venda e mercados; 4782 Comercio polo miúdo de produtos téxtiles, pezas de vestir e calzado en postos de venda e mercados e 4789 Comercio polo miúdo doutros produtos en postos de venda e mercados) poderán elixir cotizar por unha base equivalente a un 77 por cento da base mínima do tramo 1 da táboa reducida.

O establecido no presente apartado será tamén de aplicación aos socios traballadores de cooperativas de traballo asociado dedicadas á venda ambulante que perciben os seus ingresos directamente dos compradores.

Socios traballadores de cooperativas de traballo asociado dedicados á venda ambulante

Os socios traballadores de cooperativas de traballo asociado dedicados á venda ambulante que quedasen incluídos no Réxime Especial dos Traballadores por Conta Propia ou Autónomos en aplicación do establecido no artigo 120.catro.8 da Lei 2/2008 do 23 de decembro, de Presupostos xerais do Estado para o ano 2009, terán dereito, durante o ano 2024, a unha redución do 50 por cento da cota que hai que ingresar.

Tamén terán dereito a esa redución os socios traballadores de cooperativas de traballo asociado dedicados á venda ambulante que iniciasen a súa actividade e quedasen incluídos no citado réxime especial a partir do 1 de xaneiro de 2009.

A redución aplicarase sobre a cota que resulte de aplicar sobre a base mínima elixida, o tipo de cotización vixente no Réxime Especial dos Traballadores por Conta Propia ou Autónomos. Esta redución non será de aplicación se o traballador autónomo elixise unha base superior á base mínima.

Pluriactividade

Os traballadores autónomos coticen en réxime de pluriactividade, e o fagan durante o ano 2024, tendo en conta tanto as cotizacións efectuadas neste réxime especial coma as achegas empresariais e as correspondentes ao traballador no réxime de Seguridade Social que corresponda pola súa actividade por conta allea, terán dereito ao reintegro do 50 por cento do exceso en que as súas cotizacións por continxencias comúns superen a contía de 16.030,82 euros, co tope do 50 por cento das cotas ingresadas neste réxime especial en razón da súa cotización polas continxencias comúns.

En tales supostos, a Tesourería Xeral da Seguridade Social procederá a aboar o reintegro que en cada caso corresponda, nun prazo máximo de catro meses desde a regularización prevista no artigo 308.1.c) do texto refundido da Lei Xeral da Seguridade Social, salvo cando concorran especialidades na cotización que impidan efectualo nese prazo ou resulte necesaria a achega de datos por parte do interesado, en cuxo caso o reintegro se realizará con posterioridade a este.

Membros de vida consagrada da Igrexa Católica

Aos membros de institutos de vida consagrada da Igrexa Católica, incluídos neste réxime especial en virtude do Real Decreto 3325/1981, de 29 de decembro, pola que se incorpora ao Réxime Especial da Seguridade Social dos Traballadores por Conta Propia ou Autónomos aos relixiosos de Dereito diocesano da Igrexa Católica, e da Orde TAS/820/2004, de 12 de marzo, pola que se incorpora ao Réxime Especial da Seguridade Social dos Traballadores por Conta propia ou Autónomos os relixiosos da Igrexa Católica, non se lles aplicará a cotización en función dos rendementos da actividade económica ou profesional.

En calquera caso, deberán elixir a súa base de cotización mensual nun importe igual ou superior á base mínima do tramo 3 da táboa reducida de bases de cotización.

As bases de cotización mensuais elixidas por eles non serán obxecto de regularización, ao non cotizar en función de rendementos.

Tampouco será esixible a cobertura da continxencia por incapacidade temporal, das continxencias de accidente de traballo e enfermidade profesional, polo cesamento de actividade e por formación profesional.

O tipo de cotización aplicable á base de cotización dos membros de institutos de vida consagrada da Igrexa Católica incluídos no Réxime Especial de Traballadores por Conta Propia ou Autónomos será o 27,15 por cento, do que o 26,51 por cento corresponde á cobertura de continxencias comúns, excluída a incapacidade temporal, e o 0,64 por cento, ás continxencias profesionais correspondentes a incapacidade permanente e a morte e supervivencia, non estando cuberta a protección por cesamento de actividade, sempre que os devanditos institutos conten coa autorización da Seguridade Social para colaborar na xestión da prestación económica de incapacidade temporal.

As persoas traballadoras incluídas neste sistema especial que non optasen por dar cobertura, no ámbito de protección dispensada, á totalidade das continxencias de accidentes de traballo e enfermidades profesionais, efectuarán unha cotización adicional equivalente ao 0,10 por cento, aplicado sobre a base de cotización elixida, para a finalización das prestacións previstas para o risco durante o embarazo e risco durante a lactancia natural.

Determinación da situación de inactividade

A estes efectos, entenderase que existen períodos de inactividade dentro dun mes natural cando o número de días naturais en que o traballador figure de alta no sistema especial no devandito mes sexa superior ao número de xornadas reais no mesmo multiplicado por 1,3636.

O número de días de inactividade do mes é a diferenza entre os días en alta laboral no mes e o número de xornadas reais no mes multiplicadas por 1,3636.

A cotización polos días de inactividade no mes é o resultado de multiplicar o número de días de inactividade no mes pola base de cotización diaria correspondente e polo tipo de cotización aplicable.

Base de cotización na situación de inactividade

O importe da base mensual de cotización aplicable para os traballadores por conta allea incluídos neste sistema especial, durante os períodos de inactividade, será o establecido para a base mínima por continxencias comúns correspondente ao grupo 7 da escala de grupos de cotización do Réxime Xeral da Seguridade Social, polo tanto, desde o 1 de xaneiro de 2024 a base mensual de cotización será de 1.323,00 euros.

Tipo de cotización en situación de inactividade

O tipo de cotización nesta situación será o 11,50 por cento, sendo a cotización resultante a cargo exclusivo do traballador.

Mecanismo de equidade interxeracional 

Dende o 1 de xaneiro de 2024 aplícase aos períodos de inactividade o 0,7 por cento sobre a base de cotización por continxencias comúns, a cargo do traballador.

Beneficios na cotización

Con efectos dende o un de xaneiro de 2024, aos traballadores que tivesen realizado un máximo de 55 xornadas reais cotizadas no ano 2023, aplicaráselles ás cotas resultantes durante os períodos de inactividade en 2024 unha redución do 19,11 por cento.

Bases mensuais de cotización

Dende o 1 de xaneiro de 2024, as bases de cotización por continxencias comúns a este sistema especial serán as determinadas na seguinte escala, en función da retribución mensual percibida polos empregados de fogar por cada relación laboral.

Para os efectos da determinación da retribución mensual do empregado de fogar, o importe percibido mensualmente deberá ser incrementado, conforme o establecido no artigo 147.1 do texto refundido da Lei Xeral da Seguridade Social, coa parte proporcional das pagas extraordinarias que teña dereito a percibir o empregado.

Tipos de cotización

• Continxencias comúns
  Desde o 1 de xaneiro de 2024, o tipo de cotización polas continxencias comúns é o 28,30 por cento, sendo o 23,60 por cento a cargo do empregador e o 4,70 por cento a cargo do empregado.

• Continxencias profesionais
  Sobre a base de cotización que corresponda, aplicarase o tipo de cotización previsto na tarifa de primas aprobada pola disposición adicional cuarta da Lei 42/2006, do 28 de decembro, de Presupostos Xerais do Estado para o ano 2007, en redacción recollida na disposición final quinta do Real Decreto-Lei 28/2018, do 28 de decembro (clave epígrafe 97), sendo a cota resultante a cargo exclusivo do empregador.

• Desemprego
  Os tipos de cotización por desemprego serán, a partir do 1 de xaneiro de 2024, os seguintes:
  1. Contratación indefinida: o 7,05 por cento, do que o 5,5 por cento será a cargo do empresario e o 1,55 por cento será a cargo do empregado.
  2. Contratación de duración determinada: o 8,30 por cento, do que o 6,70 por cento será a cargo do empresario e o 1,60 por cento será a cargo do empregado.

• Fondo de Garantía Salarial (FOGASA)
  O tipo de cotización ao Fondo de Garantía Salarial será do 0,2 a cargo exclusivo do empregador.

• Mecanismo de equidade interxeracional (MEI).

A partir do 1 de xaneiro de 2024 será o 0,7 por cento aplicable sobre a base de cotización por continxencias, do que o 0,58 por cento será a cargo do empregador e o 0,12 por cento será a cargo do empregado.

Beneficios na cotización

Salvo que se estableza o contrario, unicamente poderán obter reducións, bonificacións ou calquera outro beneficio nas bases, os tipos e as cotas da Seguridade Social e por conceptos de recadación conxunta, as persoas empregadoras que se encontren ao corrente no cumprimento das súas obrigas de pagamento coa Seguridade Social, na data da súa concesión. 

A falta de ingreso en prazo regulamentario das cotas da Seguridade Social e por conceptos de recadación conxunta, devindicadas con posterioridade á obtención dos beneficios na cotización dará lugar unicamente á súa perda automática respecto das cotas correspondentes a períodos non ingresados neste prazo, agás que sexa debida a erro da Administración da Seguridade Social.

Os beneficios na cotización aplicables neste Sistema Especial son os seguintes:

• Redución por alta no réxime do 20% na cota empresarial á Seguridade Social por continxencias comúns.
• Beneficio do 45% na cota empresarial á Seguridade Social por continxencias comúns, pola contratación de coidadores en familias numerosas (non acumulable coa redución por alta no réxime do 20%). En calquera caso, esta bonificación só será aplicable pola contratación dun único coidador por cada unidade familiar que teña recoñecida oficialmente a condición de familia numerosa.
• Bonificación do 80 % na achega empresarial á cotización por desemprego (vixente dende o 1 de outubro de 2022).
• Bonificación do 80 % na cotización ao FOGASA (vixente dende o 1 de outubro de 2022).
• Redución do 75 % da cota empresarial á Seguridade Social por continxencias comúns durante a situación de incapacidade temporal das persoas traballadoras que fixesen 62 anos (vixente dende o 1 de xaneiro de 2022).
  
• Bonificacións na cota empresarial á Seguridade Social, pola contratación de persoas con discapacidade, consonte a Lei 43/2006, do 29 de decembro e o Real decreto-lei 1/2023, do 10 de xaneiro.
• Bonificación do 100% da cota empresarial á Seguridade Social por continxencias comúns, pola formalización de contratos de interinidade, para substituír traballadoras vítimas de violencia de xénero, de acordo co artigo 21, apartado 3, da Lei orgánica 1/2004, do 28 de decembro, de Medidas de Protección Integral contra a Violencia de Xénero.
• Bonificación do 100 % da cota empresarial á Seguridade Social por continxencias comúns, pola formalización de contratos de interinidade, para substituír traballadoras vítimas de violencia sexual que suspendesen o seu contrato de traballo ou exercitase o seu dereito á mobilidade xeográfica ou ao cambio de centro de traballo, de acordo co artigo 38, apartado 3, da Lei Orgánica 10/2022, do 6 de setembro, de garantía integral da liberdade sexual.
  
• Bonificación do 100 % da cota empresarial total á Seguridade Social pola formalización de contratos de interinidade que se celebren con persoas desempregadas para substituír persoas traballadoras que teñan suspendido o seu contrato de traballo por risco durante o embarazo ou por risco durante a lactación natural, por nacemento e coidado de menor e exercicio corresponsable do coidado do lactante, nos termos establecidos no Estatuto dos Traballadores.

Dende o 1 de setembro de 2023, para novas contratacións, esta bonificación será, con carácter xeral, de 366 euros da cota empresarial total á Seguridade Social.

• Bonificación do 100% da cota empresarial total á Seguridade Social das persoas traballadoras substituídas polas causas citadas no parágrafo anterior. Só será de aplicación esta bonificación mentres coincidan no tempo a suspensión da actividade polas devanditas causas e o contrato de interinidade do substituto e, en todo caso, co límite máximo do período de suspensión.

Dende o 1 de setembro de 2023, para novas contratacións, esta bonificación será, con carácter xeral, de 366 euros da cota empresarial total á Seguridade Social.

No caso no que a contratación dunha persoa traballadora puidese dar lugar simultaneamente á súa inclusión en máis de un dos supostos para os que están previstos bonificacións na cotización polas mesmas continxencias, só será posible gozalos respecto dun deles, correspondendo a opción á persoa empregadora no momento da solicitude da alta, ou da variación de datos, da persoa traballadora.

A partir do 1 de xaneiro de 2023 unicamente poderán asumir as citadas obrigas as persoas empregadoras, podendo acceder aos beneficios na cotización aplicables neste Sistema Especial a partir desa data.

ANO 2024

Ano 2024

As persoas que realicen prácticas formativas ou prácticas académicas externas incluídas en programas de formación previstas na disposición adicional quincuaxésimo segunda do Texto Refundido da Lei Xeral da Seguridade Social quedarán comprendidas como asimiladas a traballadores por conta allea no Réxime Xeral da Seguridade Social, excluídos os sistemas especiais deste, salvo que a práctica ou formación se realice a bordo de embarcacións, en cuxo caso a inclusión se producirá no Réxime Especial da Seguridade Social dos Traballadores do Mar.

Prácticas formativas remuneradas:

Esta cotización aplicarase tamén respecto das prácticas realizadas ao abeiro do Real Decreto 1493/2011, do 24 de outubro, e do Real Decreto 1543/2011, do 31 de outubro, polo que se regulan as prácticas non laborais en empresas.

Prácticas formativas non remuneradas:

No ano 2024, para ambos os dous casos de prácticas, ás cotas por continxencias comúns resultaralles de aplicación a redución do 95 por cento establecida no apartado 5.b) da disposición adicional quincuaxésimo segunda do texto refundido da Lei Xeral da Seguridade Social, sen que lles sexa de aplicación outros beneficios na cotización distintos a esta redución. A estas reducións de cotas resultaralles de aplicación o establecido no artigo 20 do texto refundido da Lei Xeral da Seguridade Social, a excepción do establecido nos seus apartados 1 e 3.