Kotizazioa

Gaixotasun arrunten eta lanekoak ez diren istripuen ondorio diren ezintasun iraunkorreko, heriotzako eta biziraupeneko gertaerentzat eta gizarte-zerbitzuentzat, sartu beharreko kuota kuota osoari (kontzeptu horiengatik oinarriari indarreko tasa ezarri ondoren lortzen dena) kontingentzia horiei dagokien koefizientea ezarri ondoren lortutako emaitza izango da.

Erretiro kontingentziagatik sartu beharreko kuota zehazteko, aurreko atalean xedatutakoa ezarriko da; horretarako, kotizazio-oinarritzat erretiroari dagokiona hartuko da, eta kuota osoari ezarri beharreko koefizientea ere kontingentzia horri dagokiona izango da.

Guztira sartu beharreko kuota aurreko bi arauen arabera kalkulatutako kuoten gehiketaren emaitza izango da.

Interesdunak aukeratutako kotizazio-oinarri guztiarengatik, ezintasun iraunkorraren, heriotzaren eta bizirautearen kontingentziak estaltzeko: 0,14.

Aukeratutako kotizazio-oinarri horren eta Estatuko Enpleguaren Zerbitzu Publikoan uneoro kotizatutakoaren arteko aldearengatik, erretiroaren kontingentzia estaltzeko: 0,80.

Hitzarmen Berezia 1998ko urtarrilaren 1a baino lehen adostu izan balitz, edota data hori baino lehen baimendutako Enplegu erregulazioko Espedientean kausa balu, koefiziente hauek aplikatuko dira:

Interesdunak aukeratutako kotizazio-oinarri guztiarengatik, ezintasun iraunkorraren, heriotzaren eta bizirautearen kontingentziak estaltzeko: 0,33.

Aukeratutako kotizazio-oinarri horren eta Estatuko Enpleguaren Zerbitzu Publikoan uneoro kotizatutakoaren arteko aldearengatik, erretiroaren kontingentzia estaltzeko: 0,40.

Hitzarmen bereziko kotizazio oinarria zehazteko, honako arau hauek ezarriko dira:

• Gaixotasun arrunten eta lanekoa ez den istripuen ondorio diren ezintasun iraunkorreko, heriotzeko eta biziraupeneko gertaerentzat eta gizarte zerbitzuentzat, interesdunak aukeratutako kotizazio-oinarria hartuko da, eta erregulazio orokorreko atalean azaldutako arauak ezarriko dira.
  
• Erretiro kontingentziarako, kotizazio-oinarria aurreko arauan aipatutako kotizazio-oinarriaren eta Enpleguko Institutuak, Estatuko Enpleguaren Zerbitzu Publikoak une bakoitzean kotizatzen ari denaren arteko aldea hartuko da.