Poderán subscribir esta modalidade de convenio especial os traballadores que se atopen en situación de alta sen retribucións, cumprimento de deberes públicos, permisos e licencias que non dean lugar a excedencia no traballo, nas que, conforme ao establecido no artigo 69 do Regulamento Xeral sobre Cotización e Liquidación doutros Dereitos da Seguridade Social, aprobado polo Real Decreto 2064/1995, do 22 de decembro, se manteña a obriga de cotizar, se a base de cotización do mes natural anterior á data de iniciación de tales situacións fose superior á base mínima correspondente ao grupo da categoría profesional do traballador.

Debe presentarse solicitude (modelo TA-0040) ante a Dirección Provincial da Tesourería Xeral da Seguridade Social ou Administración da mesma no prazo de 90 días naturais a partir da data causante ou en calquera momento.

O convenio especial ten por obxecto a cobertura de tódalas continxencias que cubra o réxime no que figure dado de alta sen retribución.

Estar de alta sen percibir retribución por cumprimento de deberes públicos, permisos e licencias.

A data de presentación da solicitude ou a data de situación que determina o convenio especial cando a solicitude se realice dentro dos 90 días seguintes a esta data de situación.

- Por adquirir o interesado a condición de pensionista de xubilación ou incapacidade permanente.

- Por quedar comprendido o interesado no campo de aplicación de calquera Réxime da Seguridade Social.

- Por falta de aboamento de tres mensualidades consecutivas ou cinco alternativas.

- Por falecemento do interesado.

- Por decisión do interesado debidamente comunicada á Tesourería Xeral da Seguridade Social.

A base de cotización será a diferenza entre a base do mes anterior á do inicio das situacións e a mínima do grupo de cotización en que figure de alta o traballador. En todo caso, a base de cotización non poderá superar a base máxima de cotización do réxime. O prazo de ingreso da cota será o mes seguinte ao que estea referida a cota.

Este convenio especial regúlase polo artigo 19 da Orde TAS/2865/2003, do 13 de outubro.