Traballadores con contrato a tempo parcial

• Artigo 22 da Orde TAS/2865/2003, do 18 de outubro pola que se regulamenta o convenio especial no Sistema da Seguridade Social
• No non establecido no citado artigo, resultará de aplicación o establecido no Capítulo I da Orde TAS/2865/2003, do 13 de outubro, relativo á regulación do Convenio especial ordinario.
  

Suxeito responsable do ingreso da cota

O suxeito responsable de ingresar a cota é o establecido con carácter xeral para o Convenio especial ordinario.

Base de cotización

A base de cotización aplicable é a diferenza entre a base de cotización polo contrato a tempo parcial e, a opción do interesado, unha das bases seguintes:

• Base mínima de Réxime Especial de Traballadores Autónomos vixente na data de efectos do convenio, ou
• Base mínima da súa categoría profesional, se fose superior á anterior, ou
• Base media dos últimos 12 meses ou, en caso de ter acreditado un período inferior, a media do devandito período.

Ata a base de cotización que sexa o resultado de dividir por 12 a suma das bases por continxencias comúns polas que se efectuasen cotizacións durante os doce meses consecutivos anteriores.

Cando durante a vixencia do convenio se modifique a base de cotización do contrato a tempo parcial, a base elixida poderase manter ata a finalización do ano.

A base de cotización correspondente ao contrato a tempo parcial poderase modificar con efectos distintos ao 1 de xaneiro, debendo coincidir a data de efectos da modificación co día 1 do mes de que se trate.

Determinación da cota a ingresar

O cálculo da cota a ingresar polo subscritor deste convenio especial é o establecido con carácter xeral para o Convenio especial ordinario.

Prazo de ingreso

O prazo de ingreso da cota é o mes natural seguinte ao que esta está referida.

Forma de pagamento

A forma de pagamento deste convenio especial é domiciliación bancaria.

Incremento da base de cotización con posterioridade á subscrición do convenio especial

O incremento da base de cotización con posterioridade á subscrición deste convenio é o establecido con carácter xeral para o Convenio especial ordinario.

• Polas mesmas causas que o Convenio especial ordinario.
• Pola realización de actividade a tempo completo, no mesmo réxime ou noutro.
  

A solicitude de alta deste convenio especial pódese presentar en calquera momento.

A solicitude de subscrición pódese presentar a través dalgún dos medios indicados no apartado "Alta, baixa ou variación de datos do Convenio especial" da sección "Trámites e Xestións de Convenios especiais".

O prazo para resolver a solicitude de subscrición deste convenio especial é o establecido con carácter xeral para as solicitudes de alta do Convenio especial ordinario.

A cotización neste convenio especial ten por obxecto a cobertura das mesmas prestacións que o Convenio especial ordinario.

A data de inicio deste convenio especial dependerá de cando se presente a solicitude de alta:

• Se a solicitude de alta se presenta dentro dos 90 días naturais seguintes ao inicio da contratación a tempo parcial, o interesado poderá optar porque o convenio produza efectos:

• • Desde o día de presentación da solicitude.
  • Dende o día seguinte ao inicio da contratación a tempo parcial. De non se efectuar opción, esta última será a data de efectos.

• Se a solicitude de alta se presenta fóra do prazo dos 90 días naturais seguintes ao inicio da contratación a tempo parcial, a data de inicio do convenio será desde o día da presentación da solicitude da alta deste.
  

• Cando se formulen a través do servizo “Alta en convenio especial” dispoñible na Sede Electrónica da Seguridade Social, as solicitudes han de ir acompañadas da documentación que se describe no apartado “Documentación adxunta” do citado servizo.
• Cando se formulen a través da presentación do Modelo TA.0040 - Solicitude de alta/ variación de datos/baixa/suspensión/renovación do convenio especial, as solicitudes han de ir acompañadas da documentación que se describe nas instrucións do citado formulario.