Convenio especial para a formación. Real Decreto 1493/2011, do 24 de outubro.

• As persoas que con anterioridade á entrada en vigor do RD participasen en programas de formación, vinculados a estudos universitarios ou de formación profesional con realización de prácticas formativas con contraprestación económica.
• As persoas que, á entrada en vigor do RD se atopen participando en programas de formación, vinculados a estudos universitarios ou de formación profesional con realización de prácticas formativas con contraprestación económica.
• As persoas que tivesen participado en programas de formación de natureza investigadora, sempre que tal participación tivese lugar con anterioridade ao 4 de novembro de 2003.

A solicitude do Convenio Especial efectuarase mediante a presentación do modelo correspondente (modelo TA.0040 formación) ante a Dirección Provincial da Tesourería Xeral da Seguridade Social ou Administración desta.

As solicitudes puidéronse presentar entre o 01/11/2011 e o 31/12/2014.

Actualmente non é posible a súa solicitude.

Acreditar por parte do solicitante o ter participado en programas de formación mediante certificación expedida polas entidades ou organismos que os financien, na que haberá de constar que o programa de formación reúne os requisitos esixidos, así como a súa duración.

No suposto de que os programas estean confinanciados por dous ou máis entidades ou organismos, a referida certificación será expedida por aquel ao que corresponda facer efectiva a respectiva contraprestación económica.

Recoñeceranse como asimilados á alta os períodos de formación realizados anteriores ao 01/11/2011 e ata 2 anos como máximo.

O convenio extinguirase de concorrer algunha das seguintes circunstancias:

Por falecemento do interesado/a.

Por decisión do interesado/a comunicada por escrito á Tesourería Xeral da Seguridade Social.

Por falta de aboamento de tres cotas consecutivas ou cinco alternativas.