Minbizia edo beste gaixotasun larri bat duten adingabeak zaintzea

Subsidio honen bidez, gurasoek, adoptatzaileek edo harreragileek diru-sarreretan jasaten duten galera konpentsatzen da; izan ere, langile horiek lanaldia eta soldata murrizten dituzte, euren ardurapean dagoen adingabea, minbiziak edo legez zehaztutako beste gaixotasun larri batek jota dagoena, zuzenean, modu jarraituan eta iraunkorrean zaintzeko.

Prestazioa jasotzeko eskubidea lanaldi-murrizketa hasten den egunean bertan sortzen da, betiere eskaera murrizketa egin eta hiru hilabeteko epean egiten bada.
Eskaera epez kanpo aurkezten bada, ondorio ekonomikoek gehienez ere hiru hilabeteko atzeraeragina izanen dute.

Hasierako azterketa-epea hilabetekoa izango da, eta bi hilabetez luzatu ahal izango da, baldin eta adingabea zaintzeko beharrak irauten badu. Hori egiaztatzeko, Osasun Zerbitzu Publikoko medikuak edo adingabearen osasun-laguntzaz arduratzen den autonomia-erkidegoko organoak adierazpen bat egin beharko du.

Onuradunaren kargura dauden 18 urtetik beherako seme-alabak edo etxean hartutako adingabeak, Gizarte Segurantzaren Lege Orokorraren testu bateginaren 190. artikuluan aurreikusitako adina izan ezik, honako hauengatik zainketa zuzena, jarraitua eta iraunkorra behar dutenak:

• Minbizia edo iraupen luzeko ospitaleratzea eskatzen duen gaixotasun larria izatea, edo
• Etxean mediku-tratamendua egiten jarraitu behar izatea, diagnostikoa egin eta ospitaleratu ondoren.

Lanaldiaren iraupena gutxienez % 50 murrizten duten inoren edo norberaren konturako langileak, horien sexua edozein dela ere, adingabekoa zaintzeko.

Bi gurasoek, adoptatzaileek edo familia-hartzaileek subsidioa jasotzeko eskubidea badute, bietako bati bakarrik aintzatetsiko zaio.

• Gurasoek, adoptatzaileek edo harreragileek, familia-unitate bakoitzaren barruan, dagokion elkargo profesionalak ezarritako Gizarte Segurantzaren edo Gizarte Aurreikuspeneko Mutualitatearen araubide publikoren batean afiliatuta eta alta emanda egon beharko dute.
• Eskatutako kotizazio-aldia izatea:
  21 urtetik beherakoak: ez da gutxieneko kotizazio epea eskatzen.
  21 urte  eta 26tik beherakoak: Atsedenaldia hasi aurreko 7 urteetan 90 eguneko kotizazioa beteta izatea edo, txandaka, 180 egun kotizatuta izatea lan-bizitzan zehar.
  26 urtetik gorakoak: Atsedenaldia hasi aurreko 7 urteetan 180 eguneko kotizazioa beteta izatea edo, txandaka, 360 egun kotizatuta lan-bizitzan zehar.
• Gizarte Segurantzako kuota guztiak eguneratuta izatea.

Oinarri arautzailearen % 100aren baliokidea den sorospena gertakari profesionalen ondoriozko aldi baterako ezgaitasunaren prestaziorako ezarria, edo gertakari arruntena, haien estaldura hautatu ez denean, lanaldiak duen murrizketa-ehunekoa aplikatuta.

Dagokion entitate kudeatzaileak edo Gizarte Segurantzarekin elkarlanean diharduen mutualitateak egingo du, zeinarekin langileak estalita izango baititu laneko gertakizunak, edo, laneko arriskuen estaldurarik ez dagoenean, gertakizun arruntak estalita dituen harekin.

Ordainketei buruzko informazio gehiago 

Erakunde kudeatzaileak edo mutualitateak berariazko ebazpena emango dute, eta hogeita hamar eguneko epean jakinaraziko dute, eskaera jasotako egunetik zenbatzen hasita.

Horretarako onartutako eredua duen eskaera eta nortasuna eta eskubidea zehazten duten inguruabarrak egiaztatzeko beharrezko dokumentuak aurkeztuko dira.

Prestazioa eten egingo da lan-harremana etetea eragin duen edozein arrazoirengatik, edo, subsidioa jasotzea txandakatzen bada, beste gurasoa aintzatesten denean.
Prestazioaren iraungipena:

• Onuraduna lanean erabat hastea.
• Adingabekoa zaintzeko beharrari amaiera ematea.
• Gurasoetako batek bere lan-jarduera uzten duenean.
• Adingabekoak 18, 23 edo 26 urte betetzen dituenean.
• Prestazioaren onuraduna edo adingabea hiltzea.

Informazio gehiago ukatzeari, deuseztatzeari, eteteari eta iraungitzeari buruz