FAQs relacionadas

Non. A solicitude do convenio especial poderase realizar ata o 31 de decembro de 2028.
Pode consultar a información completa sobre este convenio especial no apartado “Convenio especial por prácticas” dispoñible nesta páxina web.

Se me vin afectado pola Sentenza da Sala Terceira do Tribunal Supremo que anula o Real Decreto 1707/2011, do 18 de novembro, polo que se regulan as prácticas académicas externas dos estudantes universitarios, podo solicitar a subscrición do convenio especial?

No caso de prácticas realizadas ao abeiro do Real decreto 1707/2011, do 18 de novembro, polo que se regulan as prácticas académicas externas dos estudantes universitarios, e que foron afectados pola Sentenza da Sala Terceira do Tribunal Supremo, poderase solicitar a subscrición do convenio especial se as devanditas prácticas se realizaron con anterioridade á anulación da Sentenza, é dicir, polos períodos de prácticas realizados con anterioridade ao 28 de xuño de 2013.

Calquera das causas de extinción mencionadas na pregunta anterior determinará que unicamente se recoñecerán como cotizados os períodos de prácticas correspondentes ás mensualidades que se ingresasen.

O convenio especial extinguirase por calquera das seguintes causas:

1. Por falta de pagamento da totalidade do seu importe ou, no caso de fraccionarse, das cotas correspondentes a tres mensualidades consecutivas ou a cinco alternativas, agás causa xustificada de forza maior debidamente acreditada.
2. Por adquirir o subscritor a condición de pensionista por xubilación ou por incapacidade permanente en calquera dos réximes do sistema da Seguridade Social.
3. Por falecemento do subscritor.
4. Por decisión do subscritor, comunicada por medios electrónicos ou por escrito á Tesouraría Xeral da Seguridade Social. A solicitude de baixa do convenio especial pódese realizar a través das canles indicadas no apartado "Alta, baixa ou variación de datos do convenio especial" da sección "Trámites e Xestións de convenios especiais". Neste suposto, a extinción do convenio especial terá lugar a partir do día primeiro do mes seguinte á data desa comunicación.

Podes optar por realizar un único pagamento ou fraccionar o pagamento mensualmente, nun período de ata o dobre das mensualidades obxecto de cómputo, cun máximo de 84 mensualidades.

Unha vez calculado pola TXSS o importe total da cotización a ingresar por este convenio especial, o importe da cota que cargará na conta na que domiciliases os pagamentos.

No caso de que no mesmo ano existise máis de unha base de cotización, tomarase a vixente a 31 de decembro.

Para o cálculo da túa cota aplicarase, á base mínima do grupo 7 de cotización do Réxime Xeral da Seguridade Social vixente no período en que realizaches as prácticas, o tipo de cotización do 28,30 %. Á cantidade resultante, aplicaráselle o coeficiente do 0,77 e ese será o importe de cota que deberás ingresar.

O convenio especial producirá efectos a partir do mes seguinte ao da súa subscrición, no que se aboará a totalidade do seu importe ou o primeiro dos seus pagamentos.

Non obstante, o dereito a causar as prestacións será efectivo cando se producise o ingreso da totalidade da cotización que corresponda por este convenio especial. No caso de fraccionarse o pagamento das cotas do convenio, a súa extinción determinará que unicamente se recoñecerán como cotizados os períodos de prácticas correspondentes ás mensualidades que se ingresaron.

As solicitudes presentadas entre o 1 de xuño de 2024 e o día anterior á entrada en vigor da orde, é dicir, o 1 de agosto de 2024, que non fosen resoltas á devandita data, resolveranse de conformidade co establecido nesta.

As persoas que xa presentasen a súa solicitude e desexen ampliala á vista da nova regulación (ampliación de supostos de subscrición, redución da cota do convenio,...), poderán presentar unha nova solicitude de alta de convenio especial a través das canles indicadas no apartado "Alta, baixa ou variación de datos do convenio especial" da sección "Trámites e Xestións de convenios especiais", achegando conxuntamente os certificados acreditativos dos períodos de prácticas ou de formación que pretendan lle sexan recoñecidos para os efectos deste convenio especial.

A solicitude de subscrición deste convenio especial pódese presentar entre o 1 de xuño de 2024 e o 31 de decembro de 2028, a través das canles indicadas no apartado "Alta, baixa ou variación de datos do convenio especial" da sección "Trámites e Xestións de convenios especiais".

O 31 de decembro de 2028 para todos os supostos.

Poderás facelo mediante certificación expedida pola universidade ou o centro educativo no que se cursaron os respectivos estudos, debendo constar se as prácticas foron ou non remuneradas, e o período de duración destas:

1. Se foron remuneradas, no certificado deberá constar as datas concretas de realización (data de inicio e de fin das mesmas).
2. Se non fosen remuneradas, deberanse indicar as datas de inicio e fin do período ou do cuadrimestre no que se realizasen, sempre que se realizasen na totalidade dos días do período ou cuadrimestre indicado. En caso contrario, o número de días nos que se realizasen as prácticas no devandito período, ou ben, o número de horas de prácticas computables correspondentes aos créditos asignados, considerando para estes efectos un día completo cada 8 horas de prácticas. Neste último caso, as fraccións de día computaranse como día completo.

En caso de prácticas remuneradas, a certificación poderá ser expedida pola empresa ou entidade na que se realizasen as prácticas ou entidades que as financiasen.

A certificación de todos os períodos de prácticas polos que se desexa subscribir o convenio especial deberá presentarse xunto á solicitude de alta do convenio especial.

Este convenio pódeno subscribir as persoas que reúnan as seguintes condicións:

1. Realización da formación no período esixido pola normativa:
   • Alumnos de prácticas formativas:
     • Prácticas non remuneradas, realizadas con anterioridade ao 1 de xaneiro de 2024.
     • Prácticas remuneradas, realizadas con anterioridade ao 1 de novembro de 2011.
     • Universitarios que realizasen prácticas académicas externas retribuídas afectadas pola anulación do Real decreto 1707/2011, do 18 de novembro, con anterioridade ao 28 de xuño de 2013.
   • Bolseiros participantes en programas de formación non dirixidos á obtención dun título, fosen ou non de natureza investigadora, realizados con anterioridade ao 1 de novembro de 2011.
   • Doutorandos participantes en programas de formación de natureza investigadora, realizados con anterioridade ao 4 de febreiro de 2006.
2. Achega, xunto coa solicitude de subscrición do convenio especial, do certificado da realización das prácticas ou formación. En caso de prácticas remuneradas, a certificación poderá ser expedida pola empresa ou entidade na que se realizasen as prácticas ou entidades que as financiasen. Esta certificación deberá cumprir coas esixencias establecidas no artigo 3 da Orde ISM/386/2024, do 29 de abril pola que se regula este tipo de convenio especial.
   A solicitude de alta deste convenio especial entenderase formulada respecto da totalidade dos períodos de prácticas e/ou de formación que consten nas certificacións achegadas xunto a esta.
3. Presentación da solicitude no prazo establecido legalmente.

Realicei 1.000 días de prácticas remuneradas con anterioridade ao 1 de novembro de 2011 e subscribín un convenio especial para rescatar a cotización de 730 días de prácticas en virtude do RD 1493/2011. Podo volver subscribir un novo convenio especial pola realización de prácticas remuneradas realizadas con anterioridade ao 1 de novembro de 2011 e que non foron recuperadas coa subscrición daquel convenio especial?

Si, poderase subscribir este novo convenio especial ata un máximo de 1.825 días, sempre que os períodos polos que se pretende subscribir este novo convenio especial non se superpoñan cos períodos polos que se recoñeceu e subscribiu o convenio especial regulado por Real Decreto 1493/2011, do 24 de outubro.

• A realización de prácticas universitarias, de formación profesional ou de ensinanzas artísticas ou deportivas poderase recoñecer para os efectos deste convenio especial por un máximo de 1.825 días.
• A participación como bolseiros en programas formativos non dirixidos á obtención dun título, poderase recoñecer para os efectos deste convenio especial por un máximo de 1.825 días.
• A participación como doutorandos en programas de formación de natureza investigadora, tanto en España coma no estranxeiro, poderase recoñecer para os efectos deste convenio especial por un máximo de 1.825 días.

A subscrición deste convenio especial será compatible coa subscrición anterior do convenio especial regulado na disposición adicional primeira do Real decreto 1493/2011, do 24 de outubro, sempre que os períodos obxecto de cómputo en ámbolos convenios non se superpoñan no tempo.

1. Respecto aos alumnos de prácticas formativas e de prácticas académicas externas:
   • As prácticas non remuneradas, realizadas con anterioridade ao 1 de xaneiro de 2024.
   • As prácticas remuneradas, realizadas con anterioridade ao 1 de novembro de 2011.
   • Prácticas académicas externas e retribuídas realizadas por universitarios, afectadas pola anulación do Real Decreto 1707/2011, do 18 de novembro, con anterioridade ao 28 de xuño de 2013.
2. Programas de formación non dirixidos á obtención dun título, fosen ou non de natureza investigadora, realizados por bolseiros con anterioridade ao 1 de novembro de 2011.
3. Programas de formación de natureza investigadora realizados por doutorandos con anterioridade ao 4 de febreiro de 2006.

Non poderán subscribir os convenios especiais os pensionistas de xubilación ou de incapacidade permanente da Seguridade Social, agás nos supostos relativos á percepción de tales prestacións en que o artigo 2.2 da Orde TAS/2865/2003, do 13 de outubro, pola que se regula o convenio especial no Sistema da Seguridade Social, permite a súa subscrición.

1. Alumnos de prácticas formativas e de prácticas académicas externas:
• Universitarios, tanto para a obtención de titulacións oficiais de grao, máster e doutorado, coma para a obtención de títulos propios das universidades, xa sexa un máster de formación permanente, un diploma de especialización ou un diploma de experto.
• Universitarios que realizasen prácticas académicas externas retribuídas afectados pola anulación do Real Decreto 1707/2011, do 18 de novembro, efectuada pola Sentenza da Sala Terceira do Tribunal Supremo do 21 de maio de 2013.
• De formación profesional, agás cando as prácticas se prestasen no réxime de formación profesional intensiva.
• De educación artística superior, educación artística profesional e educación deportiva do sistema educativo.
2. Bolseiros participantes en programas de formación non dirixidos á obtención dun título, fosen ou non de natureza investigadora.
3. Doutorandos participantes en programas de formación de natureza investigadora, tanto en España coma no estranxeiro.

Non, debido a que se trata dun programa de prácticas no devandito organismo dirixido a alumnos que xa contan con titulación universitaria e cuxa realización vai motivar a celebración do correspondente contrato en prácticas.