Klase Pasiboen pentsioen arloko berrikuntzak

Nori eragiten dio? Bi seme-alaba edo gehiago dituzten Klase Pasiboetako pentsiodunei, ezgaitasunagatiko erretiroagatik edo nahitaezko erretiroagatik, eta alarguntasun-pentsiodunei, 2016ko urtarrilaren 1etik 2021eko otsailaren 3ra bitartean, betiere amak eskubide bera aitortuta ez badu.

Zenbatekoa da? Aitortutako pentsioaren zenbatekoaren ehuneko bat, seme-alaben kopuruaren arabera.

Ondorio ekonomikoak pentsioaren egitate eragilearen datatik aurrera izango dira, eta gehienez ere 4 urteko atzeraeragina izango dute. (Erregulazioa: 47/2003 Legea. 26,11. 25. artikulua)

Nola eskatu? Eskaera idatziz egin beharko dute interesdunek, amaren deiturak, izena eta NANa adieraziz, eta familia-liburuaren kopia edo seme-alaben jaiotza-ziurtagiri literalak ere aurkeztu beharko dituzte.

“Erretiro-pentsioak/ Arau orokorrak eta kasu bereziak i) eta j) puntuetan” eta “Senideen aldeko pentsioak / Alarguntza-pentsioak” ataletan aurki dezakezu informazio guztia.

Osagarri honek amatasunagatiko osagarria ordezten du.

• Nori eragiten dio? 2021eko otsailaren 4tik aurrera, seme-alaba bat edo gehiago dituzten Klase Pasiboetako pentsiodunei (gizonak edo emakumeak), erretiratze behartuagatik, ezgaitasunagatik eta alarguntasun-pentsiodunei, betiere beste gurasoak eskubide bera aitortuta ez badu

• Zenbatekoa da? 2023. urte honetarako, onartutako zenbatekoa hileko 30,40 € izango da seme-alaba bakoitzeko, gehienez lau.

• Nola eskatu? Eskaera idatziz egin beharko dute interesdunek, beste gurasoaren deiturak, izena eta NANa adieraziz, eta familia-liburuaren kopia edo seme-alaben jaiotza-ziurtagiri literalak ere aurkeztu beharko dituzte.

“Erretiro-pentsioak/ Arau orokorrak eta kasu bereziak i) eta j) puntuetan” eta “Senideen aldeko pentsioak / Alarguntza-pentsioak” ataletan aurki dezakezu informazio guztia.

Osagarri honek amatasunagatiko osagarria ordezten du.

Nori eragiten dio? Klase Pasiboetako pentsiodunei, nahitaezko erretiroagatik, 2022ko urtarrilaren 1etik aurrera, zerbitzu aktiboan jarraitzea luzatzen duten urte oso bakoitzeko.

Zenbatekoa da? Honako formula hauek aukeratu beharko dituzu:

1. Luzatutako urte oso bakoitzeko pentsioaren % 4, hilean, edo
2. Oroharreko kopuru bat, kotizatutako urte osoen arabera, edo
3. Bien konbinazioa. (Aukera hori oraindik ez da erregelamendu bidez garatu; beraz, gaur egun ez dago eskuragarri).

Nola eskatu? Interesdunek beren erretiro-eskaeran zer aukera hautatu duten adierazi beharko dute, zerbitzuak ematen zituzten ministerioko edo erakundeko beren erretiro-organo eskudunean aurkeztuta.

Une horretan zure aukera adierazten ez baduzu, Zuzendaritza Nagusi honek idazki bat bidaliko dizu, zure erretiro-pentsioa onartzeko zure ministerioaren edo erakundearen dokumentazioa jaso bezain laster aukeratzeko eskubide hori balia dezazun.

Erreferentziazko informazio guztia atal honetan aurki dezakezu. - “Erretiro-pentsioak/ Arau orokorrak eta kasu bereziak, b) puntua”.

Indarrean dagoen legediaren arabera hogeita bat urtetik gorako umezurtzen onurarako zurztasun-pentsioen seinalamendu berriak egiteko debekua kentzea, 1984.eko abenduak 31n indarrean zegoen legeriaren edo gerrako legeria bereziaren babesean zeudenak. (2022ko urriaren 21etik dago indarrean).

Non arautzen da? 2022ko urriaren 21etik indarrean dagoen Memoria Demokratikoaren urriaren 19ko 20/2022 Legearen xedapen indargabetzaile bakarraren 2. apartatuan. ZURZTASUNAGATIKO PENTSIOA.

Nori eragiten dio? Klase Pasiboen antzinako legedian eta gerrako pentsioetan zurztasun-pentsioetarako ezarritako baldintzak betetzen dituzten interesdunei, bereziki TRLCPEren 59. artikuluan aurreikusitakoak.

Nola eskatu? Eredu ofizialak aurkeztuz:

• Elektronikoki. NAN elektronikoa edo ziurtagiri elektronikoa baduzu, Klase Pasiboen Egoitza Elektronikoa erabil dezakezu.

• Postaz. Idazki bidez edo inprimaki ofiziala deskargatuz “Eskaerak eta Prozedurak” atalean, eta eredu hau aukeratuz: 1985/1/1 baino lehen erretiratutako edo hildako funtzionarioen familia-pentsioaren eskaera (pdf) Gerra Zibiletik eratorritako familia-pentsioaren eskaera (pdf). Helbideak eta telefonoakatalean aurki ditzakezu gure Klase Pasiboen bulegoak.

• Bertan. Eskaera gure bulegoetan aurkeztea nahiago baduzu, aldez aurretik HITZORDUA eskatu behar duzu “Zerbitzuak.  Beste izapide batzuk” atalean, eskuragarri dauden hitzorduen egutegia, eguna eta ordua aukeratu ahal izango dituzu. Izapide hau ezinbestekoa da bulegoetan arreta jaso ahal izateko.