Compatibilidades /Incompatibilidades

• É compatible a percepción da pensión de incapacidade permanente absoluta ou grande incapacidade co traballo?

  Categoría: Incapacidade permanente > Tema: Compatibilidades /Incompatibilidades

  Ambas as pensións son compatibles co exercicio daquelas actividades, sexan ou non lucrativas, compatibles co estado do incapacitado, sempre que non representen un cambio na capacidade de traballo do pensionista que poida dar lugar a revisión por parte da Entidade xestora. Se as actividades realizadas exceden as condicións establecidas, serán incompatibles podendo suspenderse a pensión.
  
  Se se realizan traballos susceptibles de inclusión nalgún Réxime da Seguridade Social, existe obriga de alta e cotización, debendo comunicar ao Instituto Nacional da Seguridade Social o inicio de calquera traballo por conta allea ou propia, salvo no caso que derive de enfermidade profesional, no que será necesaria a autorización previa.

  Accións dispoñibles

  Ver modal 4
• E compatible o cobro da pensión de incapacidade permanente total co traballo?

  Categoría: Incapacidade permanente > Tema: Compatibilidades /Incompatibilidades

  A percepción dunha pensión de incapacidade permanente total é incompatible co desempeño dun posto da mesma categoría ou grupo profesional, e é compatible con outro tipo de actividade laboral na mesma empresa ou noutra distinta.
  
  Agora ben, o cobro do incremento do 20% da base reguladora da incapacidade permanente total é incompatible coa realización de traballos por conta allea ou propia, e tamén coas prestacións de Seguridade Social que poidan derivarse deses traballos, como son o subsidio de incapacidade temporal ou de maternidade que persiste máis aló da relación laboral ou da actividade profesional, ou as prestacións de desemprego que puidesen corresponder por estes.

  A realización de calquera traballo polo pensionista debe serlle comunicada ao Instituto Nacional da Seguridade Social, salvo no caso de que derive de enfermidade profesional, no que será necesaria a autorización previa.
  

  Accións dispoñibles

  Ver modal 4
• E compatible o cobro da prestación por desemprego e a incapacidade permanente?

  Categoría: Incapacidade permanente > Tema: Compatibilidades /Incompatibilidades

  Nos supostos nos que ao estar incapacitado, o perceptor dunha incapacidade permanente total perda ou se lle suspenda un traballo compatible coa súa situación de pensionista, terá dereito a percibir a prestación ou o subsidio por desemprego que lle corresponda, ademais da pensión.

  Accións dispoñibles

  Ver modal 4
• E compatible a pensión de incapacidade permanente coa xubilación?

  Categoría: Incapacidade permanente > Tema: Compatibilidades /Incompatibilidades

  • É incompatible coa pensión de xubilación do mesmo réxime, polo que se debe optar por unha delas.
    
    
  • A pensión de incapacidade permanente pode ser compatible cunha pensión de xubilación doutro réxime distinto, excepto que, para acreditar o dereito, ou para o perfeccionamento deste, se teña que acudir ao réxime que recoñeza a xubilación (situación de alta ou asimilada, acreditación da carencia, importe da base reguladora). Neste caso hai que optar por unha delas.
    
    Non obstante, se as cotizacións do réxime polo que se recoñece a xubilación serviron unicamente para cuantificar o importe da incapacidade permanente e pode prescindirse delas para xerar o dereito, é posible o recoñecemento de dúas pensións compatibles entre si, calculando cada unha delas coas cotizacións de cada un dos réximes. Para iso, sería necesario recalcular a pensión de incapacidade, sen ter en conta as cotizacións do réxime que recoñece a xubilación. 
    
    
  • No caso de que se tratase dunha pensión de incapacidade derivada de AT  concedida ao amparo do antigo Regulamento de accidentes de traballo do 22-06-1956, sería compatible con calquera outra pensión.
    

  Accións dispoñibles

  Ver modal 4
• E compatible o cobro dunha indemnización por lesións permanentes non invalidantes coa pensión de incapacidade permanente en calquera dos seus graos?

  Categoría: Incapacidade permanente > Tema: Compatibilidades /Incompatibilidades

  • É incompatible coas prestacións económicas establecidas para a incapacidade permanente, agás que as lesións, mutilacións ou deformidades sexan totalmente independentes das tomadas en consideración para declarar a incapacidade permanente e o seu grao.
    
    
  • É compatible co traballo na mesma empresa.

  Accións dispoñibles

  Ver modal 4
• E necesaria a autorización expresa por parte do INSS para compatibilizar o cobro da pensión de incapacidade permanente co exercicio dunha actividade laboral?

  Categoría: Incapacidade permanente > Tema: Compatibilidades /Incompatibilidades

  Con independencia da compatibilidade ou incompatibilidade que, de ser o caso, poida producir o exercicio dunha actividade, só se require, en principio, a comunicación da actividade laboral á entidade xestora competente.
  
  Con todo, os pensionistas de incapacidade permanente derivada de enfermidade profesional só poderán realizar traballos por conta allea se obtiveron, previamente, a autorización do INSS.
  

  Accións dispoñibles

  Ver modal 4