Lege-oharra

GIZARTE SEGURANTZAREN ATARIAREN ERABILERARI BURUZKO BALDINTZA OROKORRAK

Gizarte Segurantzak jakinarazten du www.seg-social.es web-orriaren erabilera eta bertarako sarbidea Lege-ohar honetan adierazitakoaren araberakoa dela. Web-orriaren barnean daude ere bertako azpidomeinu nahiz direktorioak (aurrerantzean, Ataria deituak, modu bateratuan), baita haren bidez lortutako zerbitzu nahiz edukiak ere. Edonola ere, baliteke horietako zenbait zerbitzu nahiz edukietarako sarbiderako Baldintza Orokor gehigarri batzuk onartu behar izatea.

Ondorioz, Lege-ohar honetan adierazitakoa onartzen ez baduzu, Ataria ez erabiltzea eskatzen dizugu. Izan ere, Ataria edo bertako edukia edo zerbitzuak erabiltzen badituzu, testu honetan bildutako zehaztapen legalak onartzen dituzula ulertuko da.

Gizarte Segurantzak eskubidea du Atarian aldaketak egiteko aldez aurretik jakinarazi gabe, Atariaren edukia edo diseinua eguneratu, zuzendu, aldatu, gehitu edo ezabatzeko asmoz. Atariak eskaintzen dituen eduki eta zerbitzuak aldizka eguneratzen dira. Informazioaren eguneratzea berehalakoa ez denez, Atariko informazioaren, zerbitzuen eta edukien indarraldia eta zehaztasuna egiaztatzea iradokitzen dizugu.

Baliteke ohar honetan biltzen diren baldintzak eta zehaztapenak aldatzea; ondorioz, zehaztapenak berrikustea gomendatzen dizugu Ataria berriro bisitatzen duzunean. Gizarte Segurantza ez da izango www.seg-social.es web-orrian jasotako tresna eta informazioak erabiltzeagatik jazo daitezkeen kalteen erantzulea, administrazio-prozeduren hasierari, garapenari edo emaitzari buruzko erabakiei dagokienez. Erabaki horiek eskumeneko zentro, erakunde edo sailetan egiaztatu beharko dira. Edonola ere, Web honetan jasotzen diren informazioa eta edukiak ezin izango dira erabili Administrazio Publikoarekin egindako prozesu kontraesankorretan. Ez du erantzukizunik hartuko eskumeneko Administrazioak inprimatutako dokumentuen eta orri hauetako argitalpen elektronikoaren artean egon litezkeen desberdintasunetan.
JABEGO INTELEKTUALAREN ESKUBIDEAK

Atariaren diseinua eta haren iturburu-kodeak, logotipoak, markak eta agertzen diren gainerako zeinu bereizgarriak Gizarte Segurantzarenak edo Erakunde laguntzaileenak dira, eta jabetza intelektualeko eskubideen babesa dute. Halaber, jabetza intelektualeko eskubideek ere babesten dituzte Gizarte Segurantzaren zerbitzarian dauden irudiak etab.

Webgune honetan jasotzen den informazioa, kontrakoa berariaz adierazi ezean, berriz erabil daiteke, eta baimena dago osorik edo partzialki kopiatzeko, aldatzeko, banatzeko eta jakinarazteko, erabilera komertzial eta ez-komertzialetarako, baldintza hauen arabera:
- Guztiz debekatuta dago informazioaren edukiari naturaltasuna kentzea.
- Erabiltzaileak berrerabili diren dokumentuen iturria aipatu behar du.
- Erabiltzaileak berrerabili diren dokumentuen azken eguneratzearen data aipatu behar du.
Gizarte Segurantzak hirugarrenen jabetza intelektualeko eskubideak errespetatzen ditu; horregatik, webgune hau eskubideak urratzen ari dela uste baduzu, jarri harremanetan Gizarte Segurantzarekin inprimaki honen bidez: Iradokizunak eta kexak.
LINK EDO HIPERESTEKAK

Haien web-orriaren eta Gizarte Segurantzaren web-orriaren artean hiperesteka bat ezarri nahi duten erabiltzaileek honako hau kontuan hartu beharko dute:
1. Hiperesteka ezartzeak ez du berresten Gizarte Segurantzaren eta web-orriaren artean inolako harremanik egotea, ezta Gizarte Segurantzak haren edukiak edo zerbitzuak onartzea ere. Beraz, ez da adieraziko ezta ulertaraziko Gizarte Segurantzak hiperesteka berariaz baimendu duenik, ezta gainbegiratu edo hiperesteka ezartzen den web-orrian eskura jarritako zerbitzuak bere gain hartu dituenik ere.
2. Gizarte Segurantzak ez du bermatzen hiperestekak eskain ditzakeen eduki edo zerbitzuen kalitatea, zehaztasuna, fidagarritasuna, zuzentasuna edo moraltasuna, ezta erantzukizunik hartzen ere. Erabiltzaileak horren ondorio, kalte edo hiperestekaren web-orria gehitzeak eragin litzakeen ekintzak bere gain hartuko ditu.
3. Hiperesteka duen web-orriak ezin du izan Gizarte Segurantzaren markarik, izenik, logotiporik, esloganik edo hari dagozkion bestelako zeinu bereizgarririk, hiperestekaren beraren zeinuak izan ezik.
4. Hiperesteka duen web-orriak ez du izango legez, moralaren eta oro har onartutako ohitura onen eta ordena publikoen aurkako edukiak dituzten informaziorik. Halaber, ez du izango hirugarrenen eskubideen kontrako edukirik.
FRAMEAK

Gizarte Segurantzak berariaz debekatzen du "framing” egitea; hots, hirugarrenek Atariaren diseinua, jatorrizko konfigurazioa edo edukia aldatzeko mekanismoak erabiltzea.
PRIBATUTASUNA

Datuak Babesteko Erregelamendu Orokorrari (DBEO) eta abenduaren 5ko 3/2018 Lege Organikoari jarraikiz, datu pertsonalak babestekoa eta eskubide digitalak bermatzekoa (DBLO-GSK), Gizarte Segurantzak konpromisoa hartzen du datuak tratatzean bere betebeharrak errespetatzera, indarrean dagoen araudiari jarraikiz. Efektu horietarako, beharrezko neurri teknikoak nahiz antolakuntzakoak ezarriko dira, datuen segurtasuna bermatzeko.
Datu pertsonalak jaso eta tratatzearen helburua da une bakoitzean erabiltzaileak eskatzen dituen zerbitzuak kudeatzea, eskaintzea, zabaltzea eta hobetzea, baita erabiltzaileek egindako kontsulten jarraipena egitea ere.
Aukera izango duzu Gizarte Segurantzaren fitxategietan dauden zure datu pertsonaletan sartzeko, haiek zuzentzeko, ezabatzeko, eramateko, haiei aurka egiteko edo tratamendua mugatzeko eskubideak erabiltzeko. Horretarako, posta elektroniko bidez eskatu beharko duzu, helbide honetara idatzita: delegado.protecciondatos@seg-social.es.
Gizarte Segurantzak datu pertsonalak babestuko ditu, DBEOaren 32. artikuluari jarraikiz, datuen segurtasunari buruzkoa. Gainera, eskura dituen baliabide tekniko guztiak erabili ditu Gizarte Segurantzari ematen dizkiozun datu horien galera, erabilera okerra, aldatzea, baimenik gabeko sarbidea eta lapurreta saihesteko. Horrez ez du esan nahi Interneteko segurtasun-neurriak menderaezinak direnik.
Gizarte Segurantzak Pribatutasun-politika hau aldatzeko eskubidea izango du arau edo lege berriei egokitzeko eta Datuak Babesteko Espainiako Bulegoak interpretatzeko. Kasu horretan, Gizarte Segurantzak aldaketa horiek jakinaraziko ditu, egindako aldaketak argi eta denbora nahikoaz azalduz eta, beharrezkoa denean, aldaketa horiek onartuz.
LEGE APLIKAGARRIA ETA JURISDIKZIOA

Lege-oharra eratzen duten zehaztapenak interpretatzetik eratorritako eztabaida edo gatazkei aplikagarria zaien legea Espainiakoa izango da, baita Atari honen zerbitzuekin erlazionatutako edozein auzirena ere.

Ataria bisitatzeagatik edo bertan eskaintzen diren zerbitzuen erabilerarengatik sortutako edozein gatazka ebazteko, Gizarte Segurantzak eta erabiltzaileak Erabiltzailearen hiriko auzitegi eta epaitegietara jo beharko dute, baldin eta Espainian kokatuta badaude.
ZIURTAGIRI ELEKTRONIKOEN POLITIKA. ESKAKIZUNAK

Gizarte Segurantzaren zerbitzu eta izapideetan ziurtagiri elektronikoaren bidez sartu ahal izateko, nortasuna egiaztatu beharko duzu, hala eskatzen zaizun kasuetan, eta aurkeztutako idazkiak elektronikoki sinatu behar dituzu. Xede horietarako, Gizarte Segurantzak onartutako ziurtagiri digitalak onartuko dira.