Buques de asistencia médica e loxística.

Situados en zonas de gran concentración de flota española, prestan asistencia sanitaria “in situ” a calquera barco que o solicite e se atope dentro da súa área de cobertura, facilitando tanto a consulta por radio, ambulatoria e mesmo a hospitalización a bordo dos pacientes cando é así prescrita. Se a gravidade do caso o require, tamén realizan a evacuación a terra do enfermo no medio máis adecuado e rápido posible.

Desempeñan a súa actividade en estreita colaboración co Centro Radio-Médico do Instituto Social da Mariña e co Centro Nacional de Coordinación de Salvamento Marítimo da Sociedade Estatal de Salvamento Marítimo, responsable de organizar a evacuación do tripulante dende alta mar no medio dispoñible máis adecuado, nos casos que precisan evacuación urxente a porto.

Como complemento da actividade sanitaria, tamén prestan apoio loxístico de emerxencia, como desenganche de redes, servizo de mergulladores, reparacións eléctricas, etc.,  aos barcos españois que o precisen e, mesmo, recollida de náufragos.

Buques sanitarios e de apoio loxístico "Esperanza del Mar" e “Juan de la Cosa”.

Trátase de barcos especificamente deseñados coma buques hospitais para prestar asistencia sanitaria e loxística aos barcos pesqueiros españois en calquera caladoiro e para navegar por todos os mares do mundo e ante condicións climatolóxicas extremas.

Foron construídos en estaleiros españois, e contan co mellor equipamento sanitario e os últimos avances técnicos, sendo os únicos buques destas características que existen no mundo e que, ademais, son propiedade da Administración da Seguridade Social.

O deseño de ambos barcos realizouse tomando como base un hospital que ocupa unha cuberta completa dende proa, con acceso directo ao heliporto e á cuberta, o que facilita o traslado de enfermos e náufragos á zona hospitalaria.

A zona hospitalaria está dotada, entre outros servizos, de:

• Quirófano.
• Laboratorio.
• Sala de Coidados Intensivos.
• Sala de curas.
• Sala de exploracións radiográficas.
• Sala de illamento (para o tratamento de queimados, infecciosos e psiquiátricos).

Ademais, contan cunha zona de náufragos, camarotes, áreas comúns e áreas de servizo.

A capacidade inicial do “Esperanza del MAR” é de 17 pacientes na zona hospitalaria e 30 na de náufragos, sendo as áreas de enfermos e náufragos independentes do resto das dependencias do buque. O “Juan de la Cosa” pola súa parte ten unha capacidade para 10 pacientes na cuberta do hospital máis 12 camas para ampliación do hospital e uso diverso.

A seguridade está presente en todo momento, tanto pola amplitude de camarotes, disposición das camas ou sistema de compartimentos nos mesmos, coma no que respecta aos dispositivos de posta a flote e recuperación de lanchas salvavidas. Esta é unha operación clave tanto na saída urxente dos médicos para atender aos enfermos a bordo dos seus propios buques, como para subir a estes ao buque hospital.

Os servizos que se prestan dende os barcos, tanto sanitarios coma loxísticos, son os seguintes:

• Servizos de apoio Sanitario:
  • Consultas radiomédicas.
  • Consultas a través de videoconferencia.
  • Consultas ambulatorias a bordo do propio buque.
  • Desprazamentos do equipo sanitario a buques que solicitan axuda ou  Hospitalizacións na clínica de a bordo.
  • Intervencións cirúrxicas menores.
  • Evacuacións por helicóptero, outras embarcacións ou no propio barco.
• Servizos de Apoio Loxístico de Urxencia:
  • Traballos efectuados por mergulladores.
  • Asistencias mecánicas.
  • Asistencias eléctricas.
  • Asistencias electrónicas.
  • Remolques.
  • Subministro de auga.
  • Subministro de combustible en emerxencia.
  • Colaboración con buques da Armada na zona.

A comunicación cos buques asistenciais é posible a través dos seguintes medios:

Frecuencias de Radio: 2.182 Quilohertz (kHz). Very High Frecuency (VHF): canle permanente o 16

Esperanza del Mar:

Distintivo: EBUQ.

MMSI: 224731000

Zonas Sistema Mundial de Socorro e Seguridade Marítima (GMDSS): A1-A2-A3-A4

• Chamada selectiva dixital (DSC):
  Frecuencias VHF, Medium Frecuency (MF)/High Frecuency (HF) do GMDSS.
  Radiotelex NBDP nº 08731
  Chamada selectiva DSC 2177/VHF 16.
• INMARSAT TLX, EGC.
  Std-C (581) 4 224 731 20
• Radiotelefonía.
  Frecuencias de chamadas entre buques: 2272 kHz.
  MF 2182, VHF ch. 16.
• INMARSAT Voz.
  Std-B,1  00 871 3 224 731 10
  Fleet 77,2  00 870 7 639 794 18
  Fleet 77,3  00 870 7 639 794 15
  Mini-M, 1  00 870 7 628 629 79
  Mini-M, 2  00 870 7 618 308 44
  Mini-M, 3  00 870 7 628 629 45
• INMARSAT Fax.
  Fleet 77,3  00 870 6 003 821 56
  Mini-M, 2  00 870 7 618 308 45

Juan de la Cosa:

Distintivo: ECJE.

MMSI: 224612000

Zonas GMDSS: A1-A2-A3-A4

• Chamada selectiva dixital (DSC):
  Frecuencias VHF, MF/HF de GMDSS.
  Radiotelex NBDP nº 08612
• INMARSAT TLX, EGC.
  INMARSAT C: (581) 4 224 612 20
  INMARSAT C: (581) 4 224 612 10
• Radiotelefonía.
  Frecuencias de chamadas entre buques: 6224 kHz.
  Frecuencias Espaderos: 12.356 kHz.
• INMARSAT Voz.
  Fleet 1  00 870 764 618 166
  Fleet 2  00 870 764 618 168
  Mini-M” Nº1 00 870 764 618 162
  Mini-M” Nº2 00 870 764 618 158
• INMARSAT Fax.
  Fleet 1:  00 870 764 618 167 (Prioritario)
  Fleet 2:  00 870 764 618 169 (Prioritario)
  En caso de avaría dos fax citados poden ser substituídos por:
  Mini-M” Nº1 00 870 764 618 163
  Mini-M” Nº2 00 870 764 618 159