Nos supostos nos que exista unha  soa persoa  beneficiaria da prestación.

1. A contía desta prestación será o 70 por cento da súa base reguladora, sempre que se cumpra o seguinte requisito: que os rendementos da unidade familiar de convivencia, incluídas as persoas orfas, dividido polo número de membros que a compoñen, non superen en cómputo anual o 75 por cento do Salario Mínimo Interprofesional vixente en cada momento, excluída a parte proporcional das pagas extraordinarias. 

2. Se non se cumpre o requisito anterior, a contía da prestación será o 20 por cento da base reguladora.

Nos supostos nos que houbera máis  dunha persoa beneficiaria da prestación.

Aplicaranse as letras a) e b) do apartado anterior e terase en conta, ademais, que con independencia da porcentaxe que corresponda aplicar, a suma das porcentaxes dos beneficiarios non pode exceder o 118 por cento da base reguladora.

Cando a suma das porcentaxes ascenda ao 118 por cento, aplicarase como garantía o 118 por cento da base mínima de cotización de entre todas as existentes vixente no momento do feito causante.

Cando a suma das porcentaxes sexa inferior ao límite do 118 por cento e, por superarse o límite de ingresos, a suma das porcentaxes sexa inferior ao límite do 118 por cento, aplicarase como garantía o importe da pensión mínima de viuvez con cargas familiares.

A prestación de orfandade aboarase, en 14 pagas, a quen teña ao seu cargo os beneficiarios segundo determinación regulamentaria.