Pode enlazar á sección Trámites e Xestións para ver unha versión simplificada

A prestación por xubilación, na súa modalidade contributiva, cobre a perda de ingresos que sofre unha persoa cando, alcanzada a idade establecida, cesa no traballo por conta allea ou propia, poñendo fin á súa vida laboral, ou reduce a súa xornada de traballo e o seu salario nos termos legalmente establecidos.

Esta prestación está incluída dentro da acción protectora do Réxime Xeral e dos Réximes Especiais que integran o Sistema da Seguridade Social, coas particularidades e salvidades que, en cada caso e para cada modalidade, se indican no respectivo Réxime Especial. Xunto a ela, persiste a pensión de vellez do Réxime residual do SOVI.