Cookiei buruzko oharra

Webgune honek cookieak erabiltzen ditu, erabiltzaile gisa esperientzia hobea izan dezazun. Cookieak ez dira erabiltzen informazio pertsonala jasotzeko. Informazio gehiago nahi izanez gero, kontsultatu gure cookie-politika.

Portal de la Seguridad social
Ir a contenido Desplegar campo de búsqueda
Valore esta página
Valore este contenido

Eskubidea aitortu eta ordaintzea

Honi dagokio eskubidea onartzea:

  • Gizarte Segurantzako Institutu Nazionalari (INSS), Itsasoko Gizarte Institutuari (ISM) edo enpresako kontingentzia arruntak edo profesionalak estaltzen dituen Gizarte Segurantzako Mutualitate Laguntzaileari.
  •  Erregimen Orokorraren kudeaketan nahita laguntzeko baimena duten enpresei, laguntzarekin lotuta dauden kontingentzien ondorioz denean. 2019ko apirilaren 1etik aurrera, borondatezko lankidetza lan istriputik eta lanbide gaixotasunetik eratorritako kontingentzien (kontingentzia profesionalak) gainean soilik egin ahal izango da.

1. 2018ko abenduaren 31n Gizarte Segurantzaren Lege Orokorraren testu bategineko 102.1.b) artikuluan xedatutako lankidetza-modalitatea duten enpresek, (Gaixotasun arruntaren eta lanekoa ez den istripuaren ondoriozko aldi baterako ezgaitasunagatiko prestazio ekonomikoak), lankidetza hori utziko dute 2019ko martxoaren 31tik aurrera, eta egun horren hurrengo 3 hilabeteko epean, lankidetzari dagozkion eragiketen likidazioa egin beharko dute, Gizarte Segurantzako Erregimen Orokorrean enpresen lankidetza erregulatzen duen 1966ko azaroaren 25eko 14 eta 15 quater artikuluetan zehaztutakoaren arabera.

Aurreko paragrafoan adierazitakoa gorabehera, uzten den egunean dauden gaixotasun arruntetik edo lanekoa ez den istriputik eratorritako aldi baterako ezgaitasunaren prozesuei dagokienez, horietatik eratorritako subsidioaren ordainketaren ardura enpresa laguntzailearena izango da aldi baterako ezgaitasunaren iraungipen-datara arte edo, hala badagokio, ondorio ekonomikoen luzapen-datara arte. Eta halakoetan, enpresak ezin izango dio konpentsatu Gizarte Segurantzari dagozkien kotizazio-likidazioetan.

2. Gizarte Segurantzaren Lege Orokorraren testu bategineko 102.1.b) artikuluan aurreikusitako lankidetza-modalitatea uzten duten enpresek, aurreko ataleko lehen paragrafoan ezarritako baldintzetan, gaixotasun arruntaren eta lanekoa ez den istripuaren ondoriozko aldi baterako ezgaitasunagatiko prestazio ekonomikoaren babesa formalizatzea erabaki dezakete Gizarte Segurantzako mutualitate laguntzaile batekin, 83.1.a) artikuluko legezko arauaren bigarren eta hirugarren paragrafoetan ezarritakoaren arabera. Aukera hori 2019ko apirilaren 1a baino lehen gauzatu beharko da.

  • GSIN, IGI ,Gizarte Segurantzako Mutualitate Laguntzailea edo kudeaketan laguntzeko baimena duen enpresa arduratuko da aldi baterako ezgaitasunagatiko (ABE) prestazioez.

Laneko istripuen edo lanbideko gaixotasunen kasuan, subsidioa ordainduko da laneko bajaren hurrengo egunetik aurrera, bajako eguneko soldata enpresariaren kargu dagoelarik osorik.

Eritasun arruntaren edo lanetik kanpoko istripuaren kasuan, sorospena laneko bajaren laugarren egunetik aurrera ordainduko da, baina bajaren laugarren egunetik hamabosgarrenera, biak barne, sorospena enpresaburuaren kontura izango da.

Bigarren mailako ezgaitasuna dela-eta aldi baterako ezgaitasun egoeran, sorospena Gizarte Segurantzaren kargura ordainduko da, lanean baja hartzen den egunetik hasita.

Haurdunaldia eteteagatiko aldi baterako ezgaitasuneko egoera berezian, bai eta haurdunaldiko egoera berezian ere, haurdunaldiko hogeita hemeretzigarren asteko lehen egunetik hasita, sorospena Gizarte Segurantzaren kontura ordainduko da, lanean baja hartu eta hurrengo egunetik hasita. Enpresaburuaren kontura izango da bajaren eguneko soldata osoa.

Enpresak soldatak ordaintzen dituen aldizkakotasun berarekin ordainduko ditu prestazioak, Gizarte Segurantzako Erregimen Orokorraren kudeaketan nahitaez kolaboratu behar duela oinarritzat hartuz, subsidioaren zenbatekoari IRPF atxikipena eta Gizarte Segurantzaren kuotak kendu ondoren.

Prestazioa ordaintzeko nahitaezko lankidetzari eutsiko zaio interesdunari sendatzeagatik, hobetzeagatik edo osasun-azterketetara arrazoirik gabe ez agertzeagatik alta medikoaren berri eman arte, edo Gizarte Segurantzako Institutu Nazionalak ezgaitasun iraunkorreko proposamenarekin alta medikoa eman duen hilabeteko azken egunera arte, edo gehienez ere bostehun eta berrogeita bost eguneko epea bete arte. Nolanahi ere, egun horretan bukatuko da. Gizarte Segurantzaren kudeaketan laguntzen duten enpresek prestazioaren ordainketa bere gain hartuko dute alta medikoa edo subsidiorako eskubidea iraungitzen duen ebazpena interesdunari jakinarazten zaion arte, aldi baterako ezgaitasunaren ondorio ekonomikoen luzapen-egoera barne, hala badagokio.

  • Langilea langabeziagatiko kotizaziopeko prestazioak jasotzen ari denean eta aldi baterako ezgaitasunera igarotzen denean, Estatuko Enplegu Zerbitzu Publikoak (EEZP) ordainketa delegatuko erregimenean ordainduko du aldi baterako ezgaitasunagatiko prestazioa, langabezia-prestazioaren iraupena eta Gizarte Segurantzako kotizazioak amaitu arte. Aldi baterako ezgaitasunak irauten duen 365 eguneko epea igaro ondoren, alta ematen bada eta GSINeko Ikuskaritza Medikoak proposatutako txostena aurkezten bada, aldi baterako ezgaitasun-prestazioa ordainketa eskuordetuan ordaintzeko betebeharra kenduko zaio alta medikoa eman den hileko azken egunean, ezgaitasun-proposamenarekin. Une horretatik aurrera, GSINek ordainduko du prestazioa.
  • Etxeko langileentzako Sistema berezian barne hartutako langileak:
    2012-01-01ean ondorioak izanda, ABEgatiko subsidioa, gaixotasun arrunten edo lanekoak ez diren istripuen kasuan, laneko bajaren bederatzigarren egunetik aurrera ordainduko da, eta enplegu-emailearen kontura izango da langilearen prestazioa ordaintzea, aipatutako bajaren laugarren egunetik zortzigarrenera arte, biak barne.
    Lanbide gaixotasuna edo laneko istripua izanez gero, lanean baja hartu eta hurrengo egunetik aurrera ordainduko da, Erregimen Orokorrerako aurreikusitako zenbatekoan, eta enplegatzailearen kontura izango da bajaren egunean langileari prestazioa ordaintzea, soldataren zenbatekoan.
    Sistema berezi horretan barne hartutako langileen subsidioa zuzenean hori kudeatzea dagokion erakundeak ordainduko du eta ezin izango du ordainketa hori eskuordetu.
  • Nekazaritzako besteren konturako langileen Sistema berezian dauden langileak:
    12-01-01etik aurrera, prestazioa zuzenean ordainduko du kudeaketa dagokion Erakundeak, eta ezin izango du ordainketa eskuordetu, LGSSren 283, 284 eta 285 artikuluetan aipatzen den ABE egoerara igarotzen diren eta ordaindutakoaren araberako langabeziagatiko prestazioa jasotzen ari direnen kasuan izan ezik.

Salbuespenak. Zuzeneko ordainketa kasuak:
GSIN, IGI edo Gizarte Segurantzako Mutualitate Laguntzailea dira, kasuan kasu, subsidioa zuzenean ordaintzearen arduradunak ondorengo kasuetan:

  • Ordainketa eskuordetutik kanpo dauden erakunde edo organismoak badira.
  • Enpresariak duen ordainketa eskuordeturako beharra ez betetzeagatik.
  • Hamar langile baino gutxiagoko enpresak, subsidioa sei hilabete jarraian baino gehiago abonatu bada, arauz eskatuz gero.
  • Langilea ABE egoeran egonda, lan harremanaren amaiera.
  • ABE egoerak jarraitzen badu enpresak nahita eten ondoren.
  • ABE egoerak jarraitzen badu diru-laguntza jasotzeko aldia agortutakoan.
  • Langabezia-laguntza jasotzen dutenen txosteneko alta medikua dagoenean.
  • Merkataritza-ordezkariak, zezenketa profesionalak eta artistak baldin badira. Azken horien kasuan, kontratuak 30 egun baino gehiago irauten ez badu.
  • Gehienezko epea igarotzeagatik ABEagortzen den kasuan, prestazioaren efektuen luzapenean zehar eta EItzat kalifikatu arte.
  • EIren espedientea abiarazteagatik, aldi baterako ezgaitasunaren 365 egunetik aurrera, GSINen azterketa medikoa txosten-proposamenarekin egiteagatik.
Complementary Content
${loading}