Alta, baixa e variación de datos no Réxime Especial de Traballadores Autónomos

A alta, a baixa e as variacións de datos son comunicacións obrigatorias que deben facerse á Seguridade Social para informar sobre o comezo da actividade laboral do traballador, sobre o cesamento na mesma ou sobre as modificacións de datos identificativos, domiciliarios ou laborais.

O traballador autónomo é responsable directo de cumprir a obriga de solicitar a súa alta, baixa e variación de datos.
Se o traballador incumpre a súa obriga a Tesouraría Xeral da Seguridade Social poderá actuar de oficio.

Máis información sobre suxeitos obrigados

Desde o 1 de outubro de 2018 será obrigatoria a realización polos traballadores autónomos dos seus trámites coa Seguridade Social telematicamente a través dos Servizos dispoñibles na SEDE electrónica ou ben mediante un autorizado a través do Sistema RED.

Solicitude da alta:

• Previo ao inicio da actividade ata 60 días naturais antes.

Solicitude da baixa e variacións de datos:

•  3 días naturais.

Altas:

• Ata tres altas dentro de cada ano natural terán efectos desde o día en que concorran todas as condicións, sempre que se solicitasen no prazo regulamentario.
• O resto das altas que, se é o caso, se produzan dentro de cada ano natural terán efecto desde o primeiro día do mes natural en que concorran todas as condicións, sempre que se solicitase no prazo regulamentario.
• As altas solicitadas fóra do prazo regulamentario terán así mesmo efectos desde o día primeiro do mes natural en que se reúnan os requisitos para a inclusión neste Réxime Especial.
  

Máis información sobre altas

Baixas:

• Ata tres baixas dentro de cada ano natural terán efectos desde o día en que o traballador cesase na actividade determinante da súa inclusión, sempre que se solicitasen no prazo regulamentario.
• O resto das baixas que, se é o caso, se produzan dentro de cada ano natural producirán efectos desde o día primeiro do mes seguinte a aquel en que o traballador cesase na actividade determinante da súa inclusión solicitada no prazo regulamentario.
• Cando o traballador non solicitase a baixa ou a solicitase en forma e prazo distintos aos establecidos para o efecto ou a esta se practicase de oficio, a alta así mantida producirá efectos en canto á obriga de cotizar e non será considerado en situación de alta en canto ao dereito das prestacións.
  

Máis información sobre baixas

• Os traballadores autónomos con dereito á prestación por incapacidade temporal noutro réxime do Sistema da Seguridade Social no que tamén se atopen en alta en tanto se manteña se situación de pluriactividade.
• Traballadores incluídos no Sistema Especial para traballadores por Conta Propia Agrarios.

Máis información sobre Cobertura do risco de Incapacidade Temporal

Así mesmo, desde o 1 de xaneiro de 2019 será obrigatoria, con carácter xeral, a cobertura das continxencias de accidentes de traballo e enfermidades profesionais así como a cobertura da protección por cesamento de actividade e formación profesional.

Máis información sobre cobertura do risco de continxencias profesionais