Itsasoko Langileen Erregimen Bereziko alta, baja eta datuen aldaketak

Datuen alta, baja eta aldaketak nahitaez jakinarazi behar zaizkio Gizarte Segurantzari, langile baten lan-jardueraren hasierari, bukaerari edo Gizarte Segurantzara afiliatutako langileen identifikaziorako eta laneko datuen aldaketei buruzko informazioa emanez.

Besteren konturako Langileak:

•  Enpresariak bere langileen alta, baja eta datuen aldaketak jakinarazteko obligazioa du.

Norbere konturako Langileak:

• Langileak alta eta bajaren eskaera egiteko eta datuen aldaketak jakinarazteko obligazioa du.

Besteren konturako Langileak:

•  Alta eta datuen aldaketak: TA2/S Eredua
•  Baja: TA2/S eta TA2/S-Erraztua Ereduak.

Norbere konturako Langileak:

• Alta, baja eta datuen aldaketak:  TA.0825 Eredua

• ISMren Zuzendaritza Probintzialetan eta tokiko zuzendaritzetan.
• RED Sistemaren Bidez.

Besteren konturako Langileak:

• Alta-eskaera:
• Lan-harremana hasi aurretik, 60 egun natural lehenagora arte.
• Baja eta datu-aldaketaren Eskaera:
• 3 egun natural.

Norbere konturako Langileak:

•  Alta-eskaera:
  • 30 egun natural.
•  Baja eta datu-aldaketaren Eskaera:
  • 3 egun natural.

Alta:

• Aurrez aurkeztutako altek jarduera hasten den egunetik aurrera izango dute eragina.
• Epez kanpo aurkeztutako altek eskaera aurkezten den egunetik aurrera izango dute eragina, kuotak arauzko epearen barnean ordaindu diren kasuetan izan ezik; orduan, altaren eragina atzeratu egingo da, dagokion langilearen lehen kuotak ordaindu diren egunera arte.
• Ofizioz egindako alten eragina hori eragin duten gertakariak ezagutu diren egunera arte atzeratuko dira.

Baja:

• Langilearen bajak zerbitzuak emateari uzten dionetik izango du eragina.
• Langilearen baja-eskaerak amaituko du kotizatzeko beharra, lana utzi zuenetik.
• Baja epez kanpo eskatzen bada, kotizatzeko betebeharra Gizarte Segurantzako Diruzaintza Orokorrak lana eten dela jakiten duen egunean bertan amaitzen da.
• Gizarte Segurantzako Diruzaintza Orokorrak ofiziozko baja bideratzen duenean, kotizatzeko betebeharra deuseztatu egingo da, ikuskaritza-lana gauzatzen den edo lanaren etena egiaztatzen duten datuak edo dokumentuak jasotzen diren egunean bertan.

• Enpresariek enpresan beren zerbitzuak ematen dituzten langileen alta, baja edo datuen aldaketa jakinarazi behar dituzte. Hauek egiten ez badute, langileak zuzenean egin  dezake Gizarte Segurantzako Diruzaintza Orokorrean.
• Enpresak edo langileak egiten ez dutenean, alta, baja eta datuen aldaketak Itsasoko Gizarte Institutuaren Zuzendaritza Probintzialak eta Tokiko Zuzendaritzak egin ahal izango dute.
• Ontziak enpresa inskribatuta dagoen tokitik urrun nabigatzen duenean, 6 egun  naturaleko epea izango dute honetarako eta ontzia inskribapena egina duen probintziako portura iristen den unetik zenbatzen hasiko da, alta, baja edo langilearen datuen aldaketak izapidetzeko; langilea enpresan lanean hasi den unearen eta afiliazio- eta alta-eskaeraren artean ezingo da 10 egun natural baino gehiagoko aldea egon.