Traballadores desprazados

Como norma xeral, os traballadores desprazados están sometidos á lexislación de Seguridade Social do país en cuxo territorio estean exercendo a súa actividade laboral. Agora ben, se se trata dun traslado temporal poden manter a lexislación española de Seguridade Social nos termos e requisitos que se indican a continuación:

Aplícase aos traballadores por conta allea e por conta propia, independentemente da súa nacionalidade.

Desprazamento Inicial

Os traballadores por conta allea que exerzan a súa actividade nunha empresa española que os traslada temporalmente a Paraguai para realizar alí a súa actividade e os traballadores por conta propia que exerzan normalmente a súa actividade en España e que se trasladen temporalmente a Paraguai para realizar o seu traballo deberán solicitar ante a Dirección Provincial da Tesourería Xeral da Seguridade Social ou Administracións dela, a expedición do correspondente certificado de desprazamento.

Formulario que hai que tramitar

A empresa efectuará a súa solicitude mediante o modelo TA.300 "Solicitude de información sobre a lexislación de Seguridade Social aplicable" e acompañarán o formulario ES/PA1 "Certificado de lexislación aplicable" cuberto en triplicado exemplar.

O formulario expedido pola Dirección Provincial ou Administración correspondente certifica que o traballador continúa sometido á lexislación española de Seguridade Social durante o seu desprazamento nese país e, en consecuencia, está exento de cotizar á Seguridade Social paraguaia.

Período que se debe tramitar

O período máximo da duración do desprazamento é de vinte e catro meses, tanto para os traballadores por conta allea como para os traballadores por conta propia.

Prórroga ordinaria

Se o desprazamento ou traslado nese país debe prolongarse máis ala dos dous anos antes indicados, o empresario ou traballador por conta propia deberán efectuar a solicitude de prórroga antes da finalización do período xa autorizado, ante a Subdirección Xeral de Afiliación, Cotización e Xestión do Sistema RED da Tesourería Xeral da Seguridade Social.

Formulario que hai que tramitar

A solicitude de prórroga deberá efectuarse no modelo TA.300 "Solicitude de información sobre a lexislación de Seguridade Social aplicable", e acompañaranse catro exemplares, debidamente cubertos, do formulario ES/PA2 “Solicitude de prórroga de desprazamento e outros acordos”, para o seu envío á Institución competente de Paraguai.

A expedición deste formulario pola seguridade social paraguaia, acredita que o traballador continua suxeito á seguridade social española durante o período indicado neste e, polo tanto, está exento das disposicións de seguridade social de Paraguai.

Período que hai que autorizar

O Convenio non determina o período máximo de prórroga. 

Outros Desprazamentos

Direccións Provinciais ou Administracións da Tesouraría Xeral da Seguridade Social.

Serán os órganos competentes para autorizar os desprazamentos relativos a:

• O persoal itinerante das empresas de transporte aéreo que desempeñe a súa actividade no territorio de ambos países (artigo 7.1 apartado 2º do Convenio).
• Os traballadores que teñan a condición de funcionarios públicos en España e estean destinados en Paraguai (artigo 7.1 apartado 6º do Convenio).

A autorización expedirase a través do modelo ES/PA1, "Certificado de lexislación aplicable". A empresa deberá efectuar a súa solicitude no modelo TA.300.

Subdirección Xeral de Afiliación, Cotización e Xestión do Sistema RED.

Para os desprazamentos relativos a:

• as persoas enviadas en misións de cooperación (artigo 7.1 apartado 9º do Convenio)

os cales están sometidos á lexislación española de Seguridade Social, á Subdirección Xeral de Afiliación, Cotización e Xestión do Sistema RED expedirá a petición do Organismo público de emprego o "Certificado de lexislación aplicable", ES/PA1.

Para os desprazamentos relativos a: (artigo 7.1 apartados 7º e 8º do Convenio)

• O persoal administrativo e técnico e os membros do persoal de servizo das Misións Diplomáticas e das Oficinas Consulares en Paraguai, que sexan españois e
• O persoal ao servizo privado dalgún dos seus membros, tamén españois,

que opten pola lexislación española de Seguridade Social, a Subdirección Xeral de Afiliación, Cotización e Xestión do Sistema RED, expedirá o modelo ES/PA3 "Exercicio do dereito de opción" para toda a duración do desprazamento e a petición do Organismo público ou do traballador.

Outras Excepcións

A tramitación das solicitudes doutras excepcións é levada a cabo pola Subdirección Xeral de Afiliación, Cotización e Xestión do Sistema RED da Tesouraría Xeral da Seguridade Social.

A empresa efectuará a súa solicitude mediante o modelo TA.300 "Solicitude de información sobre a lexislación de Seguridade Social aplicable” e acompañaranse catro exemplares, debidamente cubertos, do formulario ES/PA2 “Solicitude de prórroga de desprazamento e outros acordos”, para o seu envío á Institución competente de Paraguai.

A expedición deste formulario pola seguridade social paraguaia acredita que o traballador continua suxeito á seguridade social española durante o período indicado neste e, polo tanto, está exento das disposicións de seguridade social de Paraguai.