Cookiei buruzko oharra

Webgune honek cookieak erabiltzen ditu, erabiltzaile gisa esperientzia hobea izan dezazun. Cookieak ez dira erabiltzen informazio pertsonala jasotzeko. Informazio gehiago nahi izanez gero, kontsultatu gure cookie-politika.

Portal de la Seguridad social
Ir a contenido Desplegar campo de búsqueda
Valore esta página
Valore este contenido

Lekualdatutako langileak

Oro har, haien lana burutzen ari diren herrialdeko Gizarte Segurantzaren legedia jarraituko dute lekualdatutako langileek.  Dena den, aldi baterako lekualdatzeen kasuan, Gizarte Segurantzaren Espainiako legeriari eutsi ahal izango diote, jarraian zehaztutako baldintzetan:

Edozein nazionalitateko langileei aplikatzen zaie.

Hasierako lekualdaketa

Beren jarduera Espainiako enpresa batean gauzatzen duten eta aldi batez beren jarduera Cabo Verden gauzatu behar duten besteren konturako langileen kasuan eta beren jarduera Espainian gauzatzen duten eta aldi batez Cabo Verden gauzatuko duten beren konturako langileen kasuan, dagokien lekualdaketaren ziurtagiria eskatuko da Gizarte Segurantzako Diruzaintza Orokorreko Zuzendaritza Probintzialean edo haren Administrazioetan.

Egin beharreko formularioa

Enpresak edo norbere konturako langileak TA.300 ereduaren bidez, "Gizarte Segurantzako araudi aplikagarriari buruzko informazio eskaera", egingo du eskaera, eta, horrekin batera, ES/CV.1 ziurtagiria, "Legedi aplikagarriaren ziurtagiria", hiru aldiz sinatuta aurkeztu beharko du.

Zuzendaritza Probintzialak edo dagokion Administrazioak igorritako formularioak langilea herrialde horretarako lekualdaketan Gizarte Segurantzako Espainiako legediaren mende dagoela egiaztatzen du, eta ondorioz, Cabo Verdeko Gizarte Segurantzan kotizatzeaz salbuetsita dagoela.

Baimendu beharreko aldia

Lekualdaketaren gehieneko iraupena hiru urtekoa da, bai norbere konturako langileentzat bai besteren konturako langileentzat.

Ohiko luzapena

Besteren edo norbere konturako langileek herrialde horretan hasiera batean ezarritako hiru urteko aldia baino denbora gehiago igaro behar duten kasuetan, enpresaburuak edo norbere konturako langileak lehen aipatutako epea baino aurrerapen nahikoarekin eskatu beharko du Espainiako Gizarte Segurantzaren legeriarekin jarraitzeko luzapena, Afiliazio, Kotizazio eta Gizarte Segurantzako Diruzaintza Orokorreko RED Sistemaren Kudeaketarako Zuzendariordetza Orokorrean.

Egin beharreko formularioa

Luzapen eskaera TA.300 ereduaren bidez, "Gizarte Segurantzaren legeria aplikagarriari buruzko informazio eskaera", egin beharko da. Eskaera horrekin ES/CV.2  formularioa, "Lekualdaketa eta beste hitzarmen batzuen luzapen eskaera", erantsiko da lau kopia desberdinetan.

Lekualdaketaren gehieneko luzapena urtebetekoa izango da, bai norbere konturako langileentzat bai besteren konturako langileentzat.

Bestelako lekualdaketak


Gizarte Segurantzako Diruzaintza Orokorreko Zuzendaritza Probintzialak edo Administrazioak.

Erakunde eskudunak izango dira hauen inguruko lekualdaketak baimentzeko:

      • Alde batetik bestera dabiltzan eta Espainian egoitza izanik bi herrialdeetan jarduera duten aireko garraioko enpresetako langileak.
      • Cabo Verdeko bandera duen ontzi batean lan egiten duten soldatapeko langileak baina soldata hori Espainian helbideratutako enpresa edo pertsona batek ordaintzen dionean.
      • Espainian bizi diren langile espainiarrak eta Cabo Verden eratutako arrantza enpresa misto batentzat eta Cabo Verdeko bandera duten ontzi batean lan egiten dutenentzat.

Enpresak TA.300 ereduaren bidez, "Gizarte Segurantzaren legeria aplikagarriari buruzko informazio eskaera", egingo du eskaera, eta, horrekin batera, ES/CV.1 ziurtagiria, "Legedi aplikagarriaren ziurtagiria", hiru aletan beteta, .

Zuzendaritza Probintzialak edo dagokion Administrazioak igorritako formularioak langilea herrialde horretarako lekualdaketan Gizarte Segurantzako Espainiako legediaren mende dagoela egiaztatzen du, eta ondorioz, Cabo Verdeko Gizarte Segurantzan kotizatzeaz salbuetsita dagoela.

Afiliazio, Kotizazio eta RED Sistemaren Kudeaketarako Zuzendariordetza Orokorra.

Lekualdaketa hauetarako:

      • Cabo Verdera bidalitako funtzionario espainiarrak, Misio Diplomatiko eta Kontsularretako langileak izan ezik.
      • Lankidetza misioetara bidalitako pertsonak,

Afiliazio, Kotizazio eta RED Sistemaren Kudeaketarako Zuzendariordetza Orokorrean egingo da eskaera, TA.300 ereduarekin. Ereduarekin batera, ES/CV.1 formularioa, "Legedi aplikagarriaren ziurtagiria", aurkeztuko da, hiru aletan.

Lekualdaketa hauetarako:

      •  Cabo Verden Espainiako Misio Diplomatikoetan edo Bulego Kontsularretan lan egiten duten Espainiako langileak, eta
      • Lehen aipatutako Misio edo Bulegoetako ordezkarien zerbitzu pribatuko langile espainiarrek

Gizarte Segurantzako Espainiako legedia hautatzen badute, Afiliazio, Kotizazio eta Diruzaintza Orokorreko RED Sistemaren Kudeaketarako Zuzendariordetza Orokorrak ES/CV.3 formularioa, "Aukera eskubidea gauzatzea", igorriko du, lekualdaketaren iraupen osorako, Organismo publikoak edo langileak eskatuta. Hiru kopia aurkeztu beharko ditu. TA.300 eskaera-eredua gehituko zaio formulario horri.

Beste salbuespen batzuk

Beste salbuespenezko kasu batzuen eskaeren izapideak Afiliazio, Kotizazio eta Gizarte Segurantzako Diruzaintza Orokorreko RED Sistemaren Kudeaketarako Zuzendariordetza Orokorrean egin behar dira.

Enpresak edo norbere konturako langileek TA.300 ereduaren bidez, "Gizarte Segurantzaren legeria aplikagarriari buruzko informazio eskaera", egingo du eskaera, eta, horrekin batera, ES/CV.2 formularioa, " Lekualdaketa eta beste hitzarmen batzuen luzapen eskaera", aurkeztu beharko du, lau kopia, beste herrialdera bidali ahal izateko.

 Cabo Verdeko agintari eskudunek beteko dute "Enplegu-herrialdeko Erakunde eskudunak betetzeko" zatia, eta hiru kopia itzuliko dizkio Gizarte Segurantzako Diruzaintza Orokorrari; horietako bi enpresari igorriko dizkio eta beste bat norbere konturako langileari.

Complementary Content
${loading}