Aviso Cookies

Este sitio web utiliza cookies para que vostede teña unha mellor experiencia de usuario. As cookies non se utilizan para recoller información de carácter persoal. Para máis información consulte a nosa política de cookies.

Valore esta página
Valore este contenido

Traballadores desprazados a Corea

Traballadores desprazados a Corea

|art.Como norma xeral, os traballadores desprazados están sometidos á lexislación de Seguridade Social do país en cuxo territorio están a exercer a súa actividade laboral. Agora ben, se se trata dun traslado temporal poden manter a lexislación española de Seguridade Social nos termos e requisitos que se indican a continuación:

Aplícase a todos os traballadores, independentemente da nacionalidade destes.

Desprazamento Inicial

Para os traballadores por conta allea que exercen a súa actividade nunha empresa española e que son desprazados por esta a realizar temporalmente a súa actividade en Corea e os traballadores por conta propia que temporalmente vaian realizar a súa actividade en Corea, solicitarase, ante a Dirección Provincial da Tesouraría Xeral da Seguridade Social ou Administracións desta, a expedición do formulario ES/KR.01 "Certificado de lexislación aplicable".

Formulario que hai que tramitar

A empresa efectuará a súa solicitude mediante o modelo TA.300  "Solicitude de información sobre a lexislación de Seguridade Social aplicable". A Dirección Provincial correspondente expedirá o formulario ES/KR.01. O formulario certifica que o traballador continúa sometido á lexislación española de Seguridade Social durante o seu desprazamento nese país, e en consecuencia está exento de cotizar á Seguridade Social coreana.

Período que hai que autorizar

O prazo máximo da duración do desprazamento é de sesenta meses. Ata completar este período de sesenta meses considérase desprazamento inicial.

Considérase un desprazamento novo cando se produce unha interrupción de mais de dous meses e tamén cando se produce unha modificación da empresa en Corea. Neste suposto empeza a computar un novo período de sesenta meses.

Prórroga ordinaria

Se os traballadores por conta allea ou por conta propia deben prolongar a súa estancia nese país máis alá dos sesenta meses inicialmente previstos, o empresario ou traballador por conta propia deberán solicitar con suficiente antelación á finalización do período autorizado, a prórroga do mantemento da lexislación española de Seguridade Social ante a Subdirección Xeral de Afiliación, Cotización e Xestión do Sistema RED da Tesouraría Xeral da Seguridade Social.

Formulario que hai que tramitar

A solicitude de prórroga deberá efectuarse no modelo TA.300  "Solicitude de información sobre a lexislación de Seguridade Social aplicable".

Cando as Institucións competentes coreanas dean a súa conformidade ao mantemento da Seguridade Social española emitirase o formulario  ES/KR.01 para acreditar esta situación.

Período que hai que autorizar

O Convenio non determina o período máximo que hai que tramitar.

Outros desprazamentos

Os desprazamentos relativos a:

  • Os traballadores asalariados a bordo de buques marítimos ou de aeronaves
  • Funcionarios
  • Persoal non funcionario ao servizo da Administración Pública española
  • Persoal empregado en Misións Diplomáticas ou Oficinas Consulares

tramítanse na Subdirección Xeral de Afiliación, Cotización e Xestión do Sistema RED da Tesouraría Xeral da Seguridade Social.

A solicitude efectuarase no modelo TA.300 e a mencionada Subdirección Xeral expedirá o formulario  ES/KR.01.

Outras excepcións

A tramitación das solicitudes doutras excepcións lévase a cabo pola Subdirección Xeral de Afiliación, Cotización e Xestión do Sistema RED da Tesouraría Xeral da Seguridade Social.

A empresa ou traballador por conta propia efectuarán a súa solicitude mediante o modelo TA.300 "Solicitude de información sobre a lexislación de Seguridade Social aplicable".

Dada a conformidade por parte das Institucións coreanas emitirase o formulario ES/KR.1 e remitirase ao solicitante para acreditar a situación de desprazamento.

Complementary Content
${loading}