Aviso Cookies

Este sitio web utiliza cookies para que vostede teña unha mellor experiencia de usuario. As cookies non se utilizan para recoller información de carácter persoal. Para máis información consulte a nosa política de cookies.

Valore esta página
Valore este contenido

Traballadores desprazados (agás Quebec)

Traballadores desprazados

Como norma xeral, os traballadores desprazados, están sometidos á lexislación de Seguridade Social do país en cuxo territorio estean a exercer a súa actividade laboral.  Agora ben, se se trata dun traslado temporal poden manter a lexislación española de Seguridade Social nos termos e requisitos que se indican a continuación


Aplícase a traballadores de calquera nacionalidade

Desprazamento inicial

Para os traballadores por conta allea que exercen a súa actividade nunha empresa española e que son desprazados por esta para realizar temporalmente a súa actividade en Canadá, solicitarase, ante a Dirección Provincial da Tesourería Xeral da Seguridade Social ou administracións desta, a expedición do correspondente certificado de desprazamento.

Os traballadores por conta propia non poden acollerse ao disposto neste apartado para que nos seus desprazamentos a Canadá poidan manter a lexislación española de Seguridade Social. Así e todo, poden realizar a súa solicitude de acordo co establecido no apartado "Outras excepcións".

Formulario que se debe tramitar

A empresa efectuará a súa solicitude mediante o modelo TA.200   "Solicitude de mantemento da lexislación española de Seguridade Social.-Desprazamentos iniciais" e achegará o formulario E/CDN-3  "Certificado relativo á lexislación aplicable", cubrindo en triplicado exemplar.

O formulario expedido pola dirección provincial ou administración correspondente, certifica que o traballador continúa sometido á lexislación española de Seguridade Social durante o seu desprazamento nese país e, en consecuencia, está exento de cotizar á Seguridade Social canadense.

Período de autorización

O prazo máximo de duración do desprazamento é de cinco anos (prazo establecido no artigo 3 do Protocolo do 19 de outubro de 1995, publicado no Boletín Oficial do Estado do 8 de febreiro de 1997).

Prórroga ordinaria

Se os traballadores por conta allea deben prolongar a súa estadía nese país máis alá dos cinco anos inicialmente previstos, o empresario deberá solicitar con suficiente antelación á finalización do período autorizado, a prórroga do mantemento da lexislación española de Seguridade Social ante a Subdirección Xeral de Afiliación e Procedementos Especiais da Tesourería Xeral da Seguridade Social.

Formulario que se debe tramitar

A solicitude de prórroga deberá efectuarse no modelo TA.202   "Solicitude de mantemento da lexislación española de Seguridade Social en aplicación do |art. 17 do Regulamento CEE  1408/71 e doutras prórrogas dos Convenios Bilaterais"

Dada a conformidade por parte da Seguridade Social de Canadá, a Subdirección Xeral de Afiliación e Procedementos Especiais da Tesourería Xeral da Seguridade Social expedirá o formulario E/CDN.3, que acredita que o traballador continúa sometido á Seguridade Social española durante o período autorizado.

Período de autorización

O prazo máximo da prórroga non se especifica.

Outros desprazamentos


Direccións provinciais ou administracións da Tesourería Xeral da Seguridade Social

Serán os órganos competentes para autorizar os desprazamentos de:

  • Membros da tripulación de buques con bandeira española.

A autorización expedirase a través do modelo modelo E/CDN-3, "Certificado relativo á lexislación aplicable". A empresa, xunto a este formulario cuberto en triplicado exemplar, achegará a solicitude |TA 200" Solicitude de mantemento da lexislación española de Seguridade Social.-Desprazamentos iniciais".

Subdirección Xeral de Afiliación e Procedementos Especiais.

É o órgano competente para autorizar os desprazamentos dos españois que realizan a súa actividade ao servizo do Goberno español en Canadá e que están sometidos á lexislación española.

A autorización para estes desprazamentos expedirase mediante o modelo E/CDN-3, "Certificado relativo á lexislación aplicable".

Outras excepcións

A tramitación das solicitudes doutras excepcións será xestionada pola Subdirección Xeral de Afiliación e Procedementos Especiais da Tesourería Xeral da Seguridade Social.

A empresa ou traballador por conta propia efectuarán a súa solicitude mediante o modelo TA.202  "Solicitude de mantemento da lexislación española de Seguridade Social en aplicación do art. 17 do Regulamento CEE 1408/71 e doutras prórrogas dos Convenios Bilaterais".

Dada a conformidade por parte da Seguridade Social de Canadá, a Subdirección Xeral de Afiliación e Procedementos Especiais da Tesourería Xeral da Seguridade Social expedirá o formulario E/CDN.3,  que acredita que o traballador continúa sometido á Seguridade Social española durante o período autorizado.

Complementary Content
${loading}