Reino Unido

Este convenio, publicado no Boletín Oficial do Estado do 31 de marzo de 1975, entrou en vigor o 1 de abril de 1975.

Como norma xeral, os traballadores desprazados están sometidos á lexislación de Seguridade Social do país en cuxo territorio están exercendo a súa actividade laboral. Agora ben, se se trata dun traslado temporal poden manter a lexislación española de Seguridade Social nos termos e requisitos que se indican a continuación:

Só é aplicable aos traballadores, de calquera nacionalidade, desprazados ás illas de Jersey ou de Man no Reino Unido, xa que nestes territorios non son de  aplicación os Regulamentos Comunitarios.

Desprazamento inicial

Para os traballadores por conta allea, que exercen a súa actividade nunha empresa española e que son desprazados pola mesma empresa para realizar temporalmente a súa actividade nas illas de Jersey ou de Man (Reino Unido), solicitarase ante a Dirección Provincial da Tesourería Xeral da Seguridade Social ou Administracións desta, a expedición do correspondente certificado de desprazamento.

Os traballadores por conta propia non poden acollerse ao disposto neste apartado, para que nos seus desprazamentos ás illas de Jersey ou de Man (Reino Unido), poidan manter a lexislación española de Seguridade Social. Así e todo, poden realizar a súa solicitude de acordo co establecido no apartado "Outras excepcións".

Formulario que se debe tramitar

A empresa efectuará a súa solicitude mediante o modelo TA.300 "Solicitude de información sobre a lexislación de Seguridade Social aplicable" e acompañarán o formulario E/UK.1 "Certificado de desprazamento", cuberto en triplicado exemplar.

O formulario expedido pola Dirección Provincial, ou Administración correspondente, certifica que o traballador continúa sometido á lexislación española de Seguridade Social durante o seu desprazamento nese país, e en consecuencia está exento de cotizar á Seguridade Social inglesa.

Período que se autoriza.

O prazo máximo de duración do desprazamento é de doce meses.

Prórroga ordinaria

Se os traballadores por conta allea deben prolongar a súa estancia neses territorios máis alá dos doce meses inicialmente previstos, o empresario deberá solicitar con suficiente antelación á finalización do período autorizado, a prórroga do mantemento da lexislación española de Seguridade Social ante a Subdirección Xeral de Afiliación, Cotización e Xestión do Sistema RED da Tesouraría Xeral da Seguridade Social.

Formulario que se debe tramitar

A solicitude de prórroga deberá efectuarse no modelo TA.300 "Solicitude de información sobre a lexislación de Seguridade Social aplicable" y acompañarase o formulario E/UK.2 "Prórroga de desprazamento" cuberto en cuadriplicado exemplar, para a súa remisión ao outro país.

A expedición deste formulario pola Seguridade Social inglesa, acredita que o traballador continúa sometido á lexislación española de Seguridade Social durante o período autorizado nel.

Período que se autoriza.

O prazo máximo da prórroga é de doce meses.

Outras excepcións

A tramitación das solicitudes doutras excepcións é levado a cabo pola Subdirección Xeral de Afiliación, Cotización e Xestión do Sistema RED da Tesouraría Xeral da Seguridade Social.

A empresa ou traballador por conta propia efectuarán a súa solicitude mediante o modelo TA.300 "Solicitude de información sobre a lexislación de Seguridade Social aplicable".

Dada a conformidade por parte da Seguridade Social do Reino Unido, a Subdirección Xeral de Afiliación, Cotización e Xestión do Sistema RED da Tesouraría Xeral da Seguridade Social expedirá o formulario E/UK.1, que acredita que o traballador continúa sometido á Seguridade Social española durante o período que foi autorizado.

Asistencia Sanitaria

O convenio non recolle a prestación da asistencia sanitaria no outro país.