Erresuma Batua

Hitzarmen hau, 1975eko martxoaren 31eko Estatuko Aldizkari Ofizialean argitaratuta, 1975eko apirilaren 1ean jarri zen indarrean.

Arau orokorra hauxe da: Lekualdatutako langileak, beren lan jarduera burutzen duten herrialdeko Gizarte Segurantzaren legeriaren menpe egongo dira. Hori hala izan arren, aldi baterako lekualdeketa bada, ondoren azaltzen diren termino eta baldintzetan Espainiako Gizarte Segurantzaren legeriaren menpe jarraitu ahalko dute:

Erresuma Batuko Jersey edo Man uharteetara lekualdatutako edozein nazionalitatetako langileentzat da aplikagarria, izan ere, lurralde horietan ez dira  aplikagarriak Komunitateko Araudiak.

Hasierako lekualdaketa

Espainiako enpresa batean jarduera  egiten duten eta enpresak aldi batez jarduera Jersey edo Man uharteetan  (Erresuma Batua) egitera bidaltzen dituen besteren konturako langileentzat, Gizarte Segurantzako Diruzaintza Orokorraren Probintziako Zuzendaritzan edo haren Administrazioetan dagokion lekualdaketaren ziurtagiria eskatuko da.

Norbere konturako langileek ezin dute atal honetan xedatutakoaren arabera jardun Jersey edo Man  uharteetarako (Erresuma Batua) lekualdaketetan Gizarte Segurantzaren Espainiako legedia mantendu ahal izateko. Dena dela, bere eskaera "Bestelako salbuespenak" atalean ezarritakoaren arabera egin dezake.

Izapidetu beharreko inprimakia

Enpresak TA.300 ereduaren bidez, "Gizarte Segurantzaren legeria aplikagarriari buruzko informazio eskaera", egingo du, eta, horrekin batera, E/UK. 1 formulario ziurtagiria aurkeztuko du, "Lekualdatze ziurtagiria", hiru aletan beteta.

Probintziako Zuzendaritzak edo dagokion Administrazioak igorritako formularioak herrialde horretarako lekualdaketan Gizarte Segurantzako Espainiako legediaren mende dagoela egiaztatzen du, eta ondorioz, Erresuma Batuko Gizarte Segurantzan kotizatzeaz salbuetsita dagoela.

Baimendu beharreko epea

Lekualdaketaren gehieneko iraupena hamabi hilabetekoa da.

Ohiko luzapena

Besteren konturako langileek hasieran aurreikusitako hamabi hilabete baino gehiagoz lurralde horietako egonaldia luzatu behar badute, enpresariak baimendutako epea amaitu baino lehenago, behar den aurrerapenez, Gizarte Segurantzako Diruzaintza Orokorraren Afiliazio, Kotizazio eta RED Sistemaren Kudeaketarako Zuzendariordetza Nagusian eskatu beharko du Gizarte Segurantzaren Espainiako legeria mantentzeko luzapena.

Izapidetu beharreko inprimakia

Luzapen eskaera TA.300 ereduan egin beharko da ("Gizarte Segurantzaren legeria aplikagarriari buruzko informazio eskaera") eta E/UK.2 formularioarekin ("Lekualdatzearen luzapena") batera aurkeztuko da, lau aletan beteta, beste herrialdera igor dadin.

Erresuma Batuko Gizarte Segurantzak igorritako formulario horrek baimendutako epean langileak Espainiako Gizarte Segurantzaren mende jarraitzen duela egiaztatuko du.

Baimendu beharreko epea

Luzapenaren gehieneko epea hamabi hilabetekoa da.

Bestelako salbuespenak

Beste salbuespenezko kasu batzuen eskaeren izapideak Afiliazio, Kotizazio eta Gizarte Segurantzako Diruzaintza Orokorreko RED Sistemaren Kudeaketarako Zuzendariordetza Orokorrean egin behar dira.

Enpresak edo beren konturako langileak TA.300 ereduaren bidez egingo du eskaera ("Gizarte Segurantzaren legeria aplikagarriari buruzko informazio eskaera").

Erresuma Batuko Gizarte Segurantzak adostasuna ematen duen unean, Gizarte Segurantzako Diruzaintza Orokorraren Afiliazio, Kotizazio eta RED Sistemaren Kudeaketarako Zuzendariordetza Nagusiak E/UK.1 formularioa igorriko du, langilea baimendutako aldirako Espainiako Gizarte Segurantzaren menpe dagoela egiaztatzen duena.

Osasun Laguntza

Hitzarmenak ez du biltzen beste herrialdeko osasun-laguntza.