Praktikak nazioarteko prestakuntza-programetan

Ba al du garrantzirik praktikak egiten diren entitateak Espainiako edo atzerriko IFK izateak?

Ez da garrantzitsua kanpoko praktikak Espainiako edo atzerriko IFK duten erakundeetan egitea.

Zer gertatzen da praktika Espainian hasi eta atzerrian jarraitzen bada? Eta atzerrian hasi eta Espainian jarraitzen bada?

XGren aplikazio-eremuan sartzeko edo ez sartzeko irizpideak ez dira aldatuko praktika guztiak estatu batean edo gehiagotan egiten direlako. Praktikak direla eta, ikaslea 52. XGren eremuan sartzen bada, bere horretan jarraituko du egoerak, nahiz eta ikaslea beste estatu batera joan hura bukatzera.

ERASMUS + -eko edo antzeko programetako zein ikasle daude 52. XGren aplikazio-eremuan?

Praktika horiek Erasmus praktikoen modalitatean edo atzerrian antzeko prestakuntza-programaren bidez egiten dituzten Espainiako ikastetxeetako ikasleak GSLOren 52. XGren aplikazio-eremuan sartuko dira.

Praktika horiek Erasmus praktikoen modalitatean edo atzerrian antzeko prestakuntza-programaren bidez egiten dituzten Espainiako ikastetxeetako ikasleak GSLOren 52. XGren aplikazio-eremuan sartuko dira, baldin eta lankidetza-hitzarmen edo -akordioan ezartzen bada Gizarte Segurantzako betebeharrak Espainiako prestakuntza-eskaintzaren ardura duen prestakuntza-zentroari dagozkiola.

Praktikak egitera Espainiara joaten diren atzerriko zentroetan matrikulatutako ikasleak, ordaindutakoak izan edo ez, 52. XG delakoaren aplikazio-eremutik kanpo daude.

Ordaindutako praktikatzat hartzen al dira ERASMUS + prestakuntza-praktiketako programetan sartutako guztiak?

Ez. “0. beka” ERASMUS programetako prestakuntza praktikek ez dute ordainsaririk jasotzen, ez baitakarte berekin ikasleak inolako onura ekonomikorik jasotzea, onura hori edozein mota edo zenbatekokoa izanda ere.

Beren aplikazio eremuan sartzen al dira ERASMUS praktika-programak edo antzeko programa guztiak?

Ordaindutako praktiken kasuan, praktika horiek Erasmus praktikoen modalitatean edo atzerrian antzeko prestakuntza-programaren bidez egiten dituzten Espainiako ikastetxeetako ikasleak GSLOren 52. XGren aplikazio-eremuan sartuko dira.

Ordaindu gabeko praktiken kasuan, praktika horiek Erasmus praktikoen modalitatean edo atzerrian antzeko prestakuntza-programaren bidez egiten dituzten Espainiako ikastetxeetako ikasleak GSLOren 52. XGren aplikazio-eremuan sartuko dira, baldin eta lankidetza-hitzarmen edo -akordioan ezartzen bada Gizarte Segurantzako betebeharrak Espainiako prestakuntza-eskaintzaren ardura duen prestakuntza-zentroari dagozkiola.

Eta lankidetza-hitzarmen edo -akordioan ezartzen ez bada Gizarte Segurantzako betebeharrak Espainian dagoen prestakuntza-eskaintzaren ardura duen prestakuntza-zentroari dagozkiola, ikasle horiek GSLOren 52. XGren aplikazio-eremutik kanpo geratuko lirateke.

52. XGren aplikazio-eremuan sartzen al dira Erasmus programa eta mugikortasun-programa baliokide guztiak?

Ez. 52. XGak bere aplikazio-eremuan sartzen ditu prestakuntza-programetan sartutako enpresa, erakunde edo entitateetan prestakuntza-praktikak egiten dituzten ikasleak, bai eta kanpoko praktika akademikoak egiten dituztenak; beraz, Erasmus programa praktikoak edo atzerrian egindako antzeko trebakuntza programak baino ez dira sartzen, eta beren esparrutik kanpo geratzen dira Erasmus ikasketa-programak edo atzerrian egindako antzeko ikasketa-programak.