Prestacións asistenciais e axudas económicas de carácter social

Para atender as situacións derivadas do traballo no mar como consecuencia das circunstancias que concorren no traballo marítimo e pesqueiro:
 
As situacións protexibles son as seguintes:

• Perda de equipaxe individual por naufraxio ou accidente de mar.

• Falecemento a bordo ou desaparición.

• Traslado de cadáveres.

O Instituto Social da Mariña viña atendendo estas situacións a través de convocatorias anuais de axudas económicas de carácter social no ámbito das subvencións públicas. Coa publicación do Real decreto 869/2007, de 2 de xullo, regúlase a súa concesión como prestacións asistenciais do Réxime Especial da Seguridade Social dos Traballadores de Mar.

Son beneficiarios das Prestacións Asistenciais:
 
A) Os traballadores do mar, incluídos no campo de aplicación do Réxime Especial da Seguridade Social dos Traballadores do Mar.

B) Os familiares e asimilados pola seguinte orde:

• O cónxuxe ou parentes por consanguinidade, afinidade ou por adopción, ata o segundo grao incluído, que convivan cos traballadores e ao seu cargo, a non ser que a non convivencia, no caso dos fillos, derive de sentenza xudicial de separación matrimonial ou divorcio.
• O que, sen ser o seu cónxuxe, manteña análoga relación de afectividade e conviva ao seu cargo. Para ser beneficiario destas axudas deberán acreditar un ano, como mínimo, de convivencia ininterrompida.
• Os beneficiarios incluídos nos apartados anteriores tras o falecemento do titular do dereito e pola orde establecida.

• Estar en situación de alta ou asimilada á alta no Réxime Especial da Seguridade Social dos Traballadores do Mar ao sobrevir a continxencia ou situación protexida, sen prexuízo do previsto no artigo 40.4 do texto refundido das Leis 116/1969, do 30 de decembro e 24/1972, do 21 de xuño, polo que se regula o Réxime Especial da Seguridade Social dos Traballadores do Mar.

• Acreditar estar incurso nalgunha das circunstancias protexibles.
   
  

As solicitudes presentaranse nas Direccións Provinciais ou Locais do Instituto Social da Mariña, sen prexuízo do disposto no artigo 38.4 da Lei 30/1992, do 26 de novembro, de Réxime Xurídico das Administracións Públicas e do Procedemento Administrativo Común, de acordo co modelo publicado na Orde de Traballo e Asuntos Sociais (TAS) 29/2008, do 15 de xaneiro.