Inicio
Ayuda económica familiar complementaria
Resultados de la búsqueda
A páxina á que intenta acceder non está dispoñible no idioma seleccionado. Desculpe as molestias.
Idiomas dispoñibles:
A páxina á que intenta acceder non está dispoñible no idioma seleccionado. Desculpe as molestias.
Idiomas dispoñibles:
Garante uns ingresos mínimos mensuais á unidade familiar afectada, que se encontre nunha situación de necesidade e a conseguinte carencia da posibilidade de xerar recursos económicos.
A axuda ten carácter complementario e é compatible con todo tipo de ingresos, sempre que non superen os niveis establecidos legalmente.
Requisitos
A contía dos ingresos mensuais da Unidade Familiar debe ser inferior aos mínimos establecidos segundo o baremo na Orde ISM/741/2022, do 22 de xullo, pola que se actualizan as contías da axuda económica familiar complementaria e da axuda domiciliaria en favor dos afectados pola Síndrome Tóxica, pola que se determina a contía da axuda económica familiar complementaria considerando o número de membros da familia e o número de afectados desta, aplicado sobre o IPREM.
Inicio
O nacemento do dereito producirase o día primeiro do mes seguinte ao de presentación da solicitude.
Variación
Producirase unha variación cando exista unha modificación nos datos económicos ou familiares.
Extinción
Por desaparición das circunstancias que a motivaron.
Tramitación
O procedemento para o recoñecemento do dereito iniciarase a instancia do interesado, mediante solicitude, remitida a través de:
- A plataforma de servizos sen Certificado da nosa Sede Electrónica:
- Solicitar ou revisar a Axuda Económica Complementaria Familiar para afectados da Síndrome Tóxica
- Solicitar a Axuda Domiciliaria para afectados da Síndrome Tóxica
- Carta postal ou presencialmente na Dirección Provincial correspondente.
Lugar de tramitación
A tramitación lévase a cabo nas Direccións Provinciais do INSS de Ávila, Burgos, Cantabria, Guadalaxara, León, Palencia, Salamanca, Segovia, Soria, Valladolid, Zamora e Madrid. Para o resto das provincias a tramitación levarase na Dirección Xeral de Madrid.
Resolución
A competencia para resolver será do Subdirector Xeral de Xestión de Incapacidade Temporal, Prestacións Económicas da Seguridade Social na súa Modalidade Non Contributiva, e Outras Prestacións a Curto Prazo, e dos responsables das Oficinas Provinciais.
Reclamación
Interpoñerase ante o Subdirector Xeral de Xestión de Incapacidade Temporal, Prestacións Económicas da Seguridade Social na súa Modalidade Non Contributiva e Outras Prestacións a Curto Prazo, e responsables das Oficinas Provinciais.
Máis información
Para obter máis información poden poñerse en contacto co número 91 568 88 86.