Seme-alaba baten jaiotza edo adopzioagatiko prestazio ekonomikoa, familia ugarien, guraso bakarreko familien eta desgaitasuna duten ama edo aiten kasuan

Kausatzaileak jaiotako edota adoptatutako seme-alabak izango dira, familia ugari batean edota, gertakizun horrengatik, kondizio hori lortzen duen familia batean denean, guraso bakarreko familia batean denean edota % 65eko edo gehiagoko desgaitasuna duten amen kasuetan, baldin eta jaiotza Espainiako lurraldean gertatu bada edota adopzioa espainiar agintari eskudun batek eratu zein aitortu badu. Garrantzitsua: Hori guztia, baldin eta prestazioa haurra jaio edo adoptatu eta hurrengo bost urteetan eskatzen bada. Bestela, ukatu egingo da preskribatu delako. Ondorio horietarako:

• Jaiotzat joko dira Kode Zibilaren 30.artikuluak zehazten dituen baldintzak biltzen dituztenak: "Nortasuna bizirik jaiotzen den unean lortzen da, behin amaren sabeletik guztiz askatuta".

• Familia ugaritzat jotzeko, familia ugarien babeserako 40/2003 Legeak, azaroaren 18koak, ezarritakoari jarraituko zaio.

• Guraso bakarreko familiatzat jotzen da “guraso bakar batek” osatutakoa, guraso hori familiaren sostengatzaile bakarra denean eta jaiotako zein adoptatutako seme-alaba berarekin bizi denean.

  
  

Gurasoak edo adoptatzaileak, haurra jaio edo adoptatzeagatik, baldin eta:

• Legez Espainiako lurraldean bizi badira.
  
• Ez dute jasotzen Estatuko Aurrekontu Orokorrei buruzko Legean urtero ezarritako mugak gainditzen dituen urteko diru-sarrerarik. Elkarbizitza-kasuetan, gurasoen edo adoptatzaileen diru-sarreren baturak ezarritako mugak gainditzen baditu, ez zaie onuradun izaera aitortuko bietako inori.
  
• Gizarte-babeseko beste edozein erregimen publikotan izaera bereko prestazioak jasotzeko eskubiderik ez badute.

• Familia ugarien kasuan, hau izango da onuraduna:
  • Batera bizi badira, gurasoetako edo bi adoptatzaileetako edozein. Adostasunik ezean, ama izango da onuraduna.
    
  • Guraso edo adoptatzaileak elkarrekin bizi ez badira, seme-alabaren zaintza edo tutoretza duena izango da onuraduna.
• Guraso bakarreko familien kasuan: jaiotako edo adoptatutako seme-alabarekin bizi den gurasoa izango da onuraduna, betiere familiako sostengatzaile bakarra bada.
  
• Ezgaitasuna duten gurasoen kasuan: % 65eko edo gehiagoko ezgaitasuna frogatzen duen ama izanen da onuraduna.
  
• Seme-alaba umezurtz gelditzen bada edo abandonatuta badago, legez hura zaintzeko ardura duen pertsona fisikoa izango da onuraduna.

• Prestazioa ordainketa bakarrean ordainduko da, 1.000,00 eurokoa, betiere onuradunaren diru-sarrerek ezarritako muga gainditzen ez badute.

• Desberdintasunaren araberako zenbatekoa: jasotako urteko diru-sarrerek, izaera edozein izanda ere, ezarritako muga gainditzen badute (Gm) baina muga hori eta prestazioaren zenbatekoa batzean lortzen den emaitza baino txikiagoak badira (GM), ordaindu beharreko zenbatekoa hauxe izango da: adierazitako zenbateko bateratuari onuradunak jasotako diru-sarrerak kentzean sortzen den kopurua.

• Ez da prestazioa aitortuko aurreko paragrafoan aipatzen den aldea 10,00 eurotik beherakoa denean.

Diru-sarreren muga hauek kontuan hartuko dira, onuraduna familia ugari bateko kide den ala ez eta bere kargura hiru seme-alaba edo gutxiago dituen arabera.

2026ko jaiotza eta adopzioetarako:

APLIKAZIO-ARAUAK:

• (1) Prestazio osoaren zenbatekoa (A) ordainduko da, urteko diru-sarrerak gutxieneko mugaren (Gm) berdinak edo txikiagoak badira.
• (2) Gehieneko muga konputagarria (GM), desberdintasunengatiko prestazioa (D) badagokion egiaztatzeko. Gehieneko muga (LM) gutxieneko muga (Lm) gehi 1000 euro da.
• (3) Urteko desberdintasunagatiko prestazio bat (D) jasoko da, gehieneko mugaren (GM) eta diru-sarreren (I) arteko alde bera, baldin eta diferentzia hori urteko 10 eurotik gorakoa edo berdina bada.
• (4) Urteko diru-sarrerak (I) zenbateko horiek baino handiagoak badira, ez da prestaziorik jasoko.
• (5) Diru-sarrera orokorren gutxieneko muga % 15 handituko da ardurapeko seme-alaba edo adingabe bakoitzeko, bigarrenetik aurrera, bigarrena barne. Familia ugarien kasuan, diru-sarreren gutxieneko muga 2026an 3.745 eurora handituko da ardurapeko seme-alaba edo adingabe bakoitzeko, laugarrenetik aurrera, laugarrena barne.
  

Prestazioak honako hauek ditu bateragarri:

• Erditzeagatiko edota adopzio anizkunagatiko prestazioa, pertsona berak eraginda. 
• Ardurapeko adingabeagatik edota seme-alabagatik laguntza ekonomikoak.
• Zurztasun-pentsioa eta biloben eta neba-arreben aldekoa, horrela dagokionean.
• Toki Administrazio batek zein Autonomia Administrazio batek emandako beste antzeko laguntza ekonomiko batzuk.
• Erditze anizkunagatiko amatasun-subsidio berezia, pertsona berak eraginda.

• Guraso edo adoptatzaile biengan familia-laguntza jasotzeko baldintzak ematen direnean, laguntza jasotzeko eskubidea haietako baten alde baino ez da aitortuko.
• Prestazioa bateraezina izango da guraso edo adoptatzaileetako batek gainerako gizarte-babeseko erregimen publikoetan (MUFACE, ISFAS, MUGEJU?) ezarritako antzeko laguntzaren bat jasotzen badu.
• Onuradunek gizarte-babeseko erregimen publiko ezberdinetan eragile beragatik laguntza bera jasotzeko eskubidea dutenean, bietako bat aukeratu beharko dute.

HONAKO DOKUMENTU HONEN JATORRIZKOA ETA INDARREAN DAGOENA ERAKUTSI:

1. Espainiarrek: Eskatzailearen eta adopzioa egindako beste gurasoaren Nortasun Agiri Nazionala (NAN).
   
   
2. Atzerritarrek:
   
   
   • EB/|EEE  ko edo Suitzako herritarrek: herritarraren erregistroaren ziurtagiria edo bizileku iraunkorra izateko eskubidearen ziurtagiria, pasaportearekin edo indarrean dagoen nortasun agiriarekin batera (|  otsailaren 16ko 240/2007 |ED  ren 7.1. eta 10.1. artikuluak).
     
     
   • Estatu horietako bateko nazionalitatea ez duten EB/EEEko edo Suitzako herritar baten familiako kideek: Batasuneko herritarraren senidearen egoitza-txartela edo txartelaren eskaera aurkeztu izanaren gordekina ( otsailaren 16ko 240/2007 EDren 8. eta 10.3. artikuluak).
     
     
   • EB, EEE edo Suitzako nazionalak ez direnek, lurralde nazionalean bizi direnean:
     
     
     • Atzerritarren identitate-txartela (AIT) eskatzaile, beste guraso eta eragileentzat edo aldi baterako edo behin-betiko bizileku-baimena, halakorik behar denean.
       
       
     • Nortasun-agiri eskaera edo bizileku-baimena, EB, EEE edo Suitzako nazionalak ez direnen Espainian jaiotako seme-alabentzat.
       
       
     Atzerritarren identifikazio-zenbakia (AIZ) kasu guztietan.
   
   HONAKO DOKUMENTU HAUEN JATORRIZKOA ETA INDARREAN DENA ETA KONPULTSATUTAKO FOTOKOPIAK EDO ONDOREN KONPULTSATZEKO KOPIAK AURKEZTU:
   
   
3. Onuradunen eta eragileen errolda-ziurtagiria (apirilaren 28ko 523/2006 EDn aurreikusitako kasuetan bakarrik).
   
   
4. Familia liburua edo seme-alaben jaiotza-agirien Ziurtagiri laburtua, dagokion Erregistro Zibilak luzatutakoa.
   
   
5. Diru-sarreren egiaztagiria. Behar izanez gero, eskarian azaldu errenten maila egiaztatzen duen agiria aurkeztu beharko du.
   
   
   HAUETAKO EGOERAREN BATEAN BAINO EZ BADAGO:
   
   
6. Banaketa judizialeko edo dibortzioko kasuetan: egoera horiek egiaztatzen duten ebazpen judiziala edo seme-alaben zaintza ebazteko agiria.
   
   
7. Seme-alaba minusbaliatuen kasuan: IMSERSOk edo autonomia-erkidegoko eskumeneko erakundeak luzatutako ezgaituaren titulua.
   
   
8. Familia ugariaren kasuetan, familia ugariaren titulua.
   
   
9. Ama edo aita minusbaliatuen kasuan: IMSERSO erakundeak edo autonomia-erkidegoko eskumeneko erakundeak luzatutako ezgaituaren titulua.
   

10. Tutoretzaren kasuan: Tutoretza eratzen duen ebazpen judiziala.