Xestión e solicitudes

Xestión, recoñecemento do dereito e control

Dende a entrada en vigor do Real Decreto-lei 7/2018, do 27 de xullo, sobre o acceso universal ao Sistema Nacional de Saúde, o 1 de agosto de 2018, o recoñecemento e control do dereito á protección da saúde e á atención sanitaria con cargo a fondos públicos corresponde ao Ministerio de Sanidade, coa colaboración do Instituto Nacional da Seguridade Social (INSS) e do Instituto Social da Mariña (ISM) como entidades imprescindibles para comprobar a concorrencia dos requisitos.

Non obstante, en tanto non se determina regulamentariamente a forma desta colaboración, mantéñense os procedementos vixentes e as bases de datos existentes antes da súa entrada en vigor, de forma que, ata a data mantense o procedemento de previa comprobación de requisitos e posterior recoñecemento do dereito por parte do INSS e do ISM, nos seus respectivos ámbitos de xestión, quedando gravada esta información na Base de Datos de Aseguramento Sanitario xestionada polo INSS.

Nos supostos de asistencia sanitaria ás persoas estranxeiras non rexistrados nin autorizados como residentes en España, solicitantes de protección internacional, vítimas de trata de seres humanos en período de restablecemento e reflexión, así como ás subscritoras do convenio especial regulado no R.D 576/2013, do 26 de xullo, a competencia para o recoñecemento do dereito á asistencia sanitaria corresponde ás Comunidades Autónomas (Servizos Públicos de Saúde).

Unha vez recoñecido o dereito á protección da saúde e á atención sanitaria con cargo a fondos públicos, este farase efectivo polas administracións sanitarias competentes, que facilitarán o acceso dos cidadáns ás prestacións de asistencia sanitaria mediante a expedición da tarxeta sanitaria individual.

Os órganos competentes en materia de estranxeiría poderán comunicar ao Ministerio de Sanidade e ao INSS ou ao ISM, sen contar co consentimento do interesado, os datos que resulten imprescindibles para realizar a comprobación necesaria do recoñecemento e control do dereito á protección da saúde e á atención sanitaria con cargo a fondos públicos.

Do mesmo xeito, o Ministerio de Sanidade, o INSS ou o ISM, poderán tratar os datos recollidos nos ficheiros das entidades xestoras, servizos comúns e órganos das administracións públicas competentes que resulten imprescindibles para verificar a concorrencia do recoñecemento e control do citado dereito. A mencionada cesión destes datos non precisará do consentimento do interesado.

O Ministerio de Sanidade e o INSS ou o ISM, tratarán a información á que se refiren os dous parágrafos anteriores coa finalidade de comunicar ás administracións sanitarias competentes os datos necesarios para verificar en cada momento que se manteñen as condicións e os requisitos esixidos para o recoñecemento do dereito á protección da saúde e atención sanitaria con cargo a fondos públicos, sen precisar para iso do consentimento do interesado.

Calquera modificación ou variación que poidan comunicar o Ministerio de Sanidade e o INSS ou o ISM, deberá producir os efectos que procedan na tarxeta sanitaria individual.

Documentos que deben acompañar á solicitude

EN TODOS OS CASOS, XUNTO Á SOLICITUDE DEBERANSE PRESENTAR OS SEGUINTES DOCUMENTOS EN VIGOR:

Acreditación da identidade do solicitante, dos seus beneficiarios e, se é o caso, da persoa que represente ao solicitante, mediante a seguinte documentación:

Españois: Documento Nacional de Identidade (DNI), para todos os maiores de 14 anos.
Estranxeiros: tarxeta de identidade de estranxeiro (TIE) ou no seu caso pasaporte ou documento de identidade vixente no seu país.

Documentación acreditativa da representación, segundo se trate de:

Persoa física que representa a outra: documento normalizado de representación.

Persoa que presta medidas de apoio a persoas con discapacidade, documentación que o acredite.
Gardador de feito, documento que acredite a garda e a convivencia.
Curador ou defensor xudicial, a resolución xudicial correspondente.

Cando a solicitude é para un titular ou beneficiario non nacionalizado, acreditación da súa residencia legal en España.

Certificado de empadroamento no municipio de residencia correspondente, cando se formalizase recentemente e puidese non constar aínda rexistrado na base de datos do padrón.

Certificado emitido pola institución competente en materia de Seguridade Social ou de asistencia sanitaria do país de procedencia, acreditando que non recoñece a exportación do dereito á asistencia sanitaria, cando se trate de cidadáns dos Estados membros da Unión Europea (UE) ou Estados parte do Acordo sobre o Espazo Económico Europeo (EEE) ou Suíza, de Reino Unido ou de países con Convenio Bilateral que regula a exportación do dereito a España (Andorra, Chile, Marrocos e Tunisia).

ADICIONALMENTE, EN CASO DE SOLICITAR O DEREITO PARA BENEFICIARIOS:

Acreditación do parentesco co titular, polos seguintes medios:

Cónxuxe: libro de familia ou certificado de inscrición de matrimonio.

Parella de feito: certificado de inscrición nalgún dos rexistros públicos existentes ou, no seu defecto, o documento público correspondente para acreditar a existencia dunha parella de feito.

Fillo/a, neto/a e irmán/a: libro de familia ou certificado de nacemento
- para fillo/a menor de tres meses NON será obrigatorio presentar esta documentación.
- para fillo/a, neto/a e irmán/a maior de 26 anos con discapacidade recoñecida en grao igual ou superior ao 65%, será necesario ademais, o certificado de recoñecemento ou a tarxeta acreditativa do grao de discapacidade.
Tutelado/a ou acollido/a: documento expedido pola autoridade competente para acreditar a condición de tutelado, ou acollido polo titular, o seu cónxuxe, ou parella de feito.

Nos supostos de menor tutelado pola Administración, a Administración que tutela o menor deberá presentar certificado de constitución da tutela.