Erantzulea

Langile autonomoa izango da bere kuoten ordainketa egingo duena

Legezko Epea

Hilabete bakoitzeko kuotak hilabete horretan bertan ordainduko dira.

Lekua

Gizarte Segurantzako Zerga-biltzaile Bulego bezala jarduteko baimena duen edozein finantza-erakundetan, kotizazioen likidazioko Ordainagiria (RLC) aurkeztuta, langileen esku dagoena, Gizarte Segurantzaren Zuzendaritza Probintzialetan eta Diruzaintza Orokorraren Administrazioetan. Kotizazio-dokumentuak.

Kuoten ordainketa finantza-erakunde batean helbidera daiteke. Helbideratze-eskaera ondoko eretan egin daiteke:

• Finantza-erakundean bertan.
• Gizarte Segurantzaren Diruzaintza Orokorreko Administrazioetan.
• Internet bidez,  Egoitza Elektronikoaren  bitartez - Herritarrak -Kotizazioa- Kontuan helbideratzea.

Errekarguak eta berandutzeagatiko interesak

Gizarte Segurantzaren kuoten ordainketarako arauzko epea igarotakoan, ordaindu ez badira, luzamenduetarako ezarritako berezitasunei kalterik egin gabe, ondoko errekarguak sortuko dira:

• Errekarguak:
  • Zorraren %10eko errekargua, dagozkion kuotak ordainketa egiteko epea amaitu eta hurrengo lehendabiziko hilabete naturalaren barnean ordainduko balira.
    
  • Zorraren %20ko errekargua, dagozkion kuotak ordainketa egiteko epea amaitu eta hurrengo bigarren hilabete naturaletik aurrera ordainduko balira.
• Berandutzeagatiko interesak:

  Kuotak ordaintzeko legezko epea amaitu eta hurrengo egunean sortuko dira berandutzeagatiko interesak. Hala ere, premiamendu-probidentzia edo kenkari-prozeduraren hasiera jakinarazi eta hamabost egun igaro ondoren galdagarriak izango dira zorra ordaindu gabe ere.

  Era berean, interes horiek galdagarriak izango dira zorren erreklamazio edo kitapen-akten aurka aurkeztutako helegiteen ezetsitako ebazpenetan ezarritako epean zorraren zenbatekoa ordaindu ez denean, ebazpen horiek gauzatzea haien kontra aurkeztutako administrazioarekiko auzietako helegitearen izapideetan etengo balitz.

  Berandutzako interes galdagarriak zorra duen lehenengoak arauzko ordainketa-epea iraungi ondoren sortu dituenak izango dira. Era berean, ordainketaren unean, errekargu aplikagarriak sortu dituenak eta aurreko paragrafoaren arabera galdagarriak direnak ere izango dira.

  Berandutzeagatiko interes-tasa sortzapen-epearen une bakoitzean indarrean dagoen legezko diru-interesa %25ean handituta izango da, Estatuko Aurrekontu Orokorren Legeak beste bat ezartzen duenean salbu. 2023. urterako, % 4,0625.