Cookiei buruzko oharra

Webgune honek cookieak erabiltzen ditu, erabiltzaile gisa esperientzia hobea izan dezazun. Cookieak ez dira erabiltzen informazio pertsonala jasotzeko. Informazio gehiago nahi izanez gero, kontsultatu gure cookie-politika.

Valore esta página
Valore este contenido

Langile Autonomoen Erregimen Berezia

Behartutako pertsonak

Langile autonomo bakoitzak bete behar du alta, edo afiliazioa eskatzeko obligazioa. Subsidiarioki, langile autonomoa egingo da bere senitarteko laguntzaileen erantzule.

Erantzukizun subsidiario bera izango dute Talde Erregularren Konpainiek, Aginkide Taldeak eta Elkarlaneko Kooperatibek euren bazkideekiko.

Gizarte Segurantzako Diruzaintza Nagusiaren ofizioz, Laneko eta Gizarte Segurantzako Ikuskatzailetzaren eta erakunde kudeatzaileen eta Gizarte Segurantzako ohiko zerbitzuen esku dauden datuen ondorioz, edo bestelako edozein prozedura jarraituz, egiaztatzen da afiliazioa edo alta eskatzeko obligazioa duten langileek ez dutela betetzen.

Aldi Baterako Ezintasun arriskuaren Estaldura

Aldi baterako ezintasunagatiko laguntza ekonomikoaren estaldura derrigorrezkoa da, 2008ko urtarrilaren 1az geroztik, Langile Autonomoen Estatutuko uztailaren 11ko 20/2007 Legeak ezarritakoaren arabera, honako hauentzako:

  • Langile Autonomoen Erregimen Berezian alta egina duten langileentzako
  • Ekonomikoki menpekoak diren langileentzako
  • Gertaera profesionalak derrigorrez estali behar diren lana burutzen duten langileentzako, istripua gertatzeko arriskua handiagoa delako.

Eta aukerakoa izango da honako hauentzako:

  • Aldi baterako ezintasunagatiko laguntza ekonomikoa jasotzeko eskubidea duten langile autonomoentzako, alta egina duten Gizarte Segurantzaren Sistemako beste erregimen batean,  betiere jarduera-aniztasuna mantentzen badute
  • Beren Konturako Nekazaritzako langileen Sistema Berezian  sartuta dauden Langileentzako.

Aukera hori Gizarte Segurantzako mutualitate laguntzaile batekin adostu beharko da Erregimen Berezi horretan alta egiten den unean, eta alta horrek duen eragin berbera izango du.

Lan gertaeren arriskuarengatiko estaldura

Gertakizun horren estaldura borondatezkoa izango da, hauen kasuan izan ezik:

  • Menpekotasun Ekonomikoa duten Langile Autonomoak (TRADE).
  • Salmenta ibiltarian diharduten Lan Elkartuko Kooperatibetako kideak, diru-sarrerak zuzenean erosleengandik jasotzen badituzte.
  • Kooperatibetako kide izan gabe, salmenta ibiltarian diharduten langile autonomoak (CNAE-09: 4781, 4782, 4789 edo 4799), azoka tradizionaletan edo azoka txikietan, astean gehienez ere hiru egunez, egunean zortzi ordutik beherako lanaldian, establezimendu finkorik gabe eta saltzen dituzten gai edo produktuak ekoizten ez dituztenean.
  • Derrigorrezkoa izango da baita ere ezbehar arrisku handia duten jarduerak gauzatzen dituztenentzat. (Araudia garatzeke)

Gertakizun hori aukeratzeak jarduera eteteagatiko estaldura ere ekarriko du.

Arrisku profesionalen estaldura Aldi Baterako Ezintasunagatiko estaldura formalizatu duen Aseguru Erakunde berak eskainiko du.

Jarduera uzteagatiko estaldura

Abenduaren 26ko 35/2014 Legeak (abenduaren 29ko BOE) jarduera uzteagatiko borondatezko estaldura onartzen du beren konturako langile edo autonomoentzako, 2015eko urtarrilaren 1etik aurrera.

Arrisku horren estaldura eska dezakete Langile Autonomoen Erregimenean alta egina duten langileek.

Eskaera hori, gertaera arruntak estaltzen dituen Gizarte Segurantzako mutualitate laguntzailearekin kudeatu beharko da Erregimen Berezian alta ematen den unean, eta altak dirauen bitartean aplikatuko da.

Alta egitean estaldura hori berariaz onartu edo ukatzen ez bada, urte bakoitzeko urriaren 1a baino lehen egin beharko da, eta hurrengo urteko urtarrilaren  1etik aurrera aplikatuko da.

Alta eta bajen ondorioak

Alten ondorioak:

  • Hasierako altek edo ondorengoek baldintza guztiak betetzen dituzten hilabete naturalaren lehenengo egunetik izango dituzte ondorioak, beti ere, arautako epean eskatuz gero.
  • Araututako epetik kanpo eskatutako altek ere, Erregimen Berezi horretan sartzeko baldintzak biltzen diren hilabete naturalaren lehenengo egunetik izango dituzte ondorioak.
  • Kasu horietan, eta epez kanpo sartzeagatik emandako administrazioko zehapenei eragin gabe, alta formalizatu aurreko aldiei dagozkien kotizazioak eskatu ahal izango dira eta laguntzak behin ordaindu ondoren jasoko dituzte legalki dagozkien errekarguekin, preskripzioa ezartzeagatik kuota horiek eskatzeko modukoak, eta ondorioz laguntzak lortzeko baliagarriak, ez direnean izan ezik, eta, beti ere, alta 1994ko urtarrilaren 1etik formalizatuta dagoenean.

Bajen ondorioak:

  • Ezarritako denboran eta moduan eskatutako bajek, ondorioak langileak erregimean sartzeko ezinbesteko jarduera utzi duen egunaren hurrengo hileko lehenengo egunetik izango dituzte.
  • Langileak baja eskatu ez duenean edo horretarako ezarritako denboran eta moduan eskatzen ez duenean edo ofizioz egiten duenean, horrela mantendutako altak kotizatzeko obligazioan izango du eragina eta ez da alta egoeran hartuko laguntzen eskubideei dagokionez.
  • Kasu horretan, kotizatzeko betebeharra ez da iraungiko Gizarte Segurantzako Diruzaintza Orokorrak norbere konturako jarduera edo Erregimen Berezian sartzeko ezinbesteko egoera utzi duela jakin duen egunera arte.
  • Aurreko atalean ezarritakoaz gain, eskubidez onartutako edozein bide erabiliz, interesdunek lana beste egun batean utzi zutela frogatu ahal izango dute, kotizatzeko betebeharra iraungitzeko.
  • Soilik baja eskaera egiteak eta hori aitortzeak ez dute kotizatzeko betebeharra iraungiko, eta ezta horren ondorioak ere, Erregimen Berezian sartzeko beharrezko baldintzak betetzen jarraitzen badute.
Complementary Content
${loading}