Por cada documento TC2 con solicitude de Domiciliación en Conta, a Tesourería Xeral da Seguridade Social cuantifica, a partir da relación nominal de traballadores e a información existente no Ficheiro Xeral de Afiliación, as  cotas correspondentes (con todo o desagregamento de conceptos do TC1), que será o que se lle envíe de forma inmediata ao usuario mediante xustificante técnico para a súa conformidade e que posteriormente se curse á Entidade Financeira para que realice o cargo correspondente.

No caso de calquera discrepancia con este xustificante técnico, e sempre antes do día 18 do mes de presentación, o usuario deberá poñerse en contacto co Servizo de Atención Telefónico da T.G.S.S. (no teléfono 901 50 20 50) para xestionar a incidencia ou incluso para proceder á anulación da domiciliación.

Cerrado o prazo de presentación de solicitude de cargo en conta, remíteselle ao usuario un recibo de liquidación de cotizacións. Este modelo contén todos os conceptos relativos á liquidación de cotas e é o xustificante da solicitude de cargo en conta aceptada a trámite. Este documento será autenticado mediante pegada electrónica.

Este Recibo de Liquidación de Cotizacións non implica o pagamento das cotas se non vai acompañado do correspondente comprobante de ingreso da Entidade Financeira ("Débito por Domiciliacións)".

Con posterioridade a esta data, e ata o último día hábil do mes, existe a posibilidade de anular a domiciliación poñéndose en contacto directamente coa súa entidade financeira.