Hitzarmenean bildutako prestazioak

Informazio orokorra

Hitzarmena honako prestazio hauei aplikatzen zaie:

Espainiari dagokionez:

Gizarte Segurantzaren Sistemaren honako prestazioei:

Amatasunagatiko edo gaixotasunagatiko edo istripuagatiko osasun-laguntza.
Aldi baterako ezgaitasunagatiko edo amatasunagatiko prestazio ekonomikoak.
Ezgaitasun iraunkorragatiko, zahartzaroagatiko eta heriotza eta biziraupenagatiko prestazioak.
Familia babesagatiko prestazioak.
Langabeziagatiko prestazioak.
Lan istripuagatiko edo lanbide gaixotasunagatiko prestazio ekonomikoak.

Txileri dagokionez:

Gizarte Segurantzako araudiari, ondokoei buruz:

Osasun sistema publikoan bildutako amatasunagatiko, gaixotasun arruntagatiko eta lanekoa ez den istripuagatiko osasun-laguntza.
Osasun sistema publikoan bildutako amatasunaren, gaixotasun arruntaren eta lanekoa ez den istripuaren ondoriozko aldi baterako ezgaitasunagatiko prestazio ekonomikoak.
Pentsioen Sistema Berriko ezgaitasunagatiko, zahartzaroagatiko eta biziraupenagatiko prestazioak, kapitalizazio indibidualean eta Aurreikuspeneko Normalizazio Institutuak administratutako erregimenetan oinarrituta.
Familia-prestazioak.
Langabeziagatiko prestazioak.
Lan istripuaren edo lanbide gaixotasunaren ondoriozko osasun-laguntza eta prestazio ekonomikoak.

Prestazio horiei dagokienez, kontuan hartu behar da honako hau:

Hitzarmenean aurreikusitako ordaindutakoaren araberako prestazioak jasotzeko, Espainian eta Txilen betetako aseguru aldiak batu daitezke.
Ordaindutakoaren araberako pentsioak jasotzeko, ez da kontuan hartuko Espainian edo Txilen bizi den edo bertan dagoen.
Herrialde bakoitzak bere prestazioak ordainduko dizkio zuzenean onuradunari.
Bi herrialdeetako legeriek ordaindutakoaren araberako pentsioa jasotzeko eskubidea izateko ezarritako baldintzak betetzen dituzten pertsonek ordaindutakoaren araberako pentsioa jaso ahal izango dute herrialde horietako bakoitzean.

Osasun-laguntza

Legediaren arabera, osasun-laguntza langilea aseguratuta dagoen herrialdeak onartuko du, behar denean, bi herrialdeetako aseguru aldiak batuz, aldi berekoak ez baldin badira behintzat; edo pentsiodunarentzat, pentsioa ordainduko duen herrialdeak.

Normalean, aitortzen duen herrialdeak ordaintzen du, baina ondoko kasuetan beste herrialdera joaten direnean edo bertan bizi direnean jaso dezakete:

Herrialde batean aseguratutako langileak eta beren senideak, aldi baterako beste herrialdera joaten direnak eta berehalako osasun-laguntza behar dutenak.
Herrialde batean aseguratutako langileak eta hiru urte baino gutxiagoan beste batera lanera bidalitakoak eta haren senideak.
Herrialde batean aseguratutako langilearen senideak, beste herrialde batean bizi direnak.
Herrialde bateko pentsiodunak eta beren senideak, beste herrialde batean badaude edo bizi badira. Aldi baterako egonaldietan, berehalako beharragatiko prestazioetarako eskubidea baino ez dute.

Onuraduna dagoen herrialdean emango dira osasun-laguntzak, herrialde horretako osasun legerian eta Osasun Zerbitzu Publikoetan ezarritakoaren arabera; osasun-laguntzaren iraupena, langilea afiliatuta dagoen edo pentsioa ordaintzen duen herrialdeko Erakundeak baimentzen duena izango da.

Gaixotasun arruntagatiko edo lanekoa ez den istripuagatiko eta Amatasunagatiko aldi baterako ezgaitasuna.

Prestazio horiek aitortzeko, beharrezkoa bada, bi herrialdeetako aseguru aldiak gehituko dira.

Baliaezintasuna, Zahartzaroa eta Biziraupena

Espainiako Gizarte Segurantza eta Txileko Aurreikuspeneko Normalizazio Institutuak administratutako Erregimenak

Herrialde bakoitzak bereiz aztertuko du pentsio eskaera, era honetan:
- Interesdunak beste herrialdeko aseguru aldiak gehitu gabe pentsioa lortzen badu, dagokion pentsioa emango zaio, soilik bere aseguru aldiak kontuan hartuta.
- Aurreko paragrafoaren arabera interesdunak pentsioa lortu ezean, beste herrialdean egiaztatutako aseguru aldiak gehituko dira. Pentsioaren zenbatekoa ez da osoa izango, baizik eta ematen duen herrialdeko aseguru aldien eta Txile eta Espainiako aldien baturaren araberakoa.
- Espainiako Gizarte Segurantzaren erretiroagatiko pentsiorako Txilen egiaztatutako aseguru aldien guztizkoa zenbatu bada, guztizko zenbaketa hori erabiliko da pentsioa zein adinetan jaso ahal izango den kalkulatzeko.
Kapitalizazio Indibidualaren Txileko Sistema

Pentsio Funtsen Administratzaile bateko afiliatuek Txilen finantzatuko dituzte beren pentsioak, kapitalizazio indibidualeko kontuan metatutako saldoarekin. Hala ere, bere kontu indibidualean dagoen saldoa, gutxienez Estatuak bermatzen duen gutxieneko pentsioaren zenbateko berdineko pentsioa finantzatzeko nahikoa ez bada, orduan gutxieneko pentsiora heldu ahal izateko Espainiako aseguru aldiak zenbatu ahalko dira.

Pentsioen Sistema Berriko afiliatuek euren aurreikuspeneko kotizazioak borondatez ordaintzen jarrai dezakete, langile independente gisa, Espainian bizi eta Espainiako Gizarte Segurantzan kotizatu beharra eragiten duen lan jarduera egiten duten bitartean. Aurreikuspeneko kotizazio horiek, Txileko erakundeak izango ditu kontuan, nahiz eta Espainiako derrigorrezko aldiekin bat etorri.

Lan Istripua eta Lanbide Gaixotasuna

Istripua gertatzean edo gaixotasuna hartzean langilea arautzen zuen legediari dagokion herrialdeak zehaztuko du prestazioa.