Prestacións incluídas no Convenio

Información xeral:

O Convenio aplícase:

En relación con España:

Ás seguintes prestacións contributivas do Sistema español de Seguridade Social:

Incapacidade permanente e morte e supervivencia nos casos de enfermidade común ou accidente non laboral
Xubilación

En relación coa República de Colombia:

Á lexislación relativa ás prestación económicas dispostas no Sistema Xeral de Pensións (Prima media con prestación definida e Aforro Individual con Solidariedade), en canto a:

Vellez, invalidez e sobreviventes, de orixe común.

Verbo destas prestacións cómpre ter en conta que:

Para adquirir o dereito ás prestacións de carácter contributivo previstas no Convenio, pódense sumar os períodos de seguro acreditados en España e Colombia, sempre que non se superpoñan.
As prestacións económicas de carácter contributivo poderanse percibir con independencia de que o interesado resida ou se atope en España ou en Colombia.
Cada país aboará as súas propias prestacións directamente ao beneficiario. Con todo, dos primeiros pagamentos da pensión que se lle recoñeza poderase descontar o importe correspondente a aboamentos de prestacións de igual natureza efectuadas en cantidade superior á debida pola Seguridade Social do outro país.
As persoas que reúnan os requisitos esixidos polas lexislacións de ambos os dous países para ter dereito a pensión contributiva, poderán percibila de cada un deles.

PRESTACIÓNS

Incapacidade permanente ou invalidez, xubilación ou vellez e morte e supervivencia ou sobreviventes.

Disposicións comúns para a aplicación das lexislacións española e colombiana.
Cada país avaliará por separado a solicitude de prestación na forma seguinte:
- Comprobarase se o interesado alcanza dereito á prestación tendo en conta unicamente os períodos de seguro propios sen sumar os do outro país.
- Así mesmo, calcularase a prestación sumando aos períodos de seguro propios os acreditados no outro país (pensión teórica). Neste suposto, o importe da prestación non será íntegro, senón segundo a proporción existente entre os períodos de seguro cumpridos no país que a outorgue e a suma dos períodos de España e Colombia (pensión pro rata).
- Compararanse as prestacións calculadas segundo o indicado nos apartados anteriores, e cada país recoñecerá e aboará a prestación que sexa máis favorable ao interesado.
- Para acceder aos beneficios de determinados réximes especiais (por exemplo, traballadores do Mar, Minaría do Carbón) só se terán en conta os períodos do outro país que se cumprisen en igual profesión ou emprego.
Disposicións específicas da lexislación española para o recoñecemento do dereito ás prestacións.
- A Institución española que calcula a pensión considerará que o traballador se atopa sometido á súa lexislación, se está asegurado en Colombia ou recibe unha prestación dese país, de igual ou diferente natureza, causado polo mesmo traballador. Para o recoñecemento das pensións de supervivencia terase en conta se o falecido se encontraba asegurado ou era pensionista do outro país.
- Se para o recoñecemento dunha prestación se esixe que algúns períodos de seguro se cumprisen inmediatamente antes do feito causante desa prestación, este requisito considerarase tamén cumprido se o interesado os acredita no período inmediatamente anterior ao recoñecemento da prestación en Colombia.
- As cláusulas de redución, de suspensión ou supresión previstas pola lexislación española para o caso de pensionistas que exerzan unha actividade laboral, estas leis serán aplicables aínda que esta actividade laboral a efectúen en Colombia.
- Se para o recoñecemento da pensión española foi preciso sumar períodos de seguro colombianos, o cálculo desta pensión efectuarase segundo as bases de cotización reais, acreditadas polo asegurado en España durante os anos que preceden inmediatamente o pagamento da última cotización á Seguridade Social española. A contía así obtida incrementarase segundo as revalorizacións establecidas anualmente ata a data do feito causante para as prestacións da mesma natureza.
- No suposto de pensión de xubilación da Seguridade Social española para a que se totalizasen períodos de seguro acreditados en Colombia, a devandita totalización utilizarase igualmente para determinar a idade na que se pode acceder á pensión.
Disposicións específicas da lexislación colombiana para o recoñecemento do dereito ás prestacións
- Se para o recoñecemento da pensión colombiana foi preciso sumar períodos de seguro españois, o cálculo da pensión efectuarase tomando a media dos salarios ou rendas sobre as que cotizase o interesado en Colombia durante os dez anos anteriores ao recoñecemento. Se o período para a determinación deste cálculo se cubriu en España, fixarase o período de dez anos en relación coa última cotización efectuada en Colombia.
- A contía resultante axustarase ata a data de devindicación da prestación.
- Os afiliados a unha Administradora de Fondo de Pensións en Colombia financiarán as súas prestacións neste país co saldo de aforro individual e a suma adicional a cargo da aseguradora. Así e todo, se o saldo da súa conta individual é insuficiente para a garantía de pensión mínima, poderanse totalizar se é o caso os períodos de seguro españois para acceder á dita pensión mínima, aplicándolle a pro rata correspondente. Ademais, terase en conta que a suma das pro ratas española e colombiana sexa inferior ao salario mínimo legal colombiano.