Traballadores desprazados

Como norma xeral, os traballadores desprazados están sometidos á lexislación de seguridade social do país en cuxo territorio estean exercendo a súa actividade laboral. Así e todo, se se trata dun traslado temporal poden manter a lexislación española de Seguridade Social baseándose nos termos e cumprindo os requisitos que se indican a continuación:

Aplícase aos traballadores españois ou ucraínos.

Desprazamento inicial

Os traballadores por conta allea que exercen a súa actividade nunha empresa española que os traslada a Ucraína para realizar a súa actividade temporalmente alí e os traballadores que exercen a súa actividade por conta propia en España e que se trasladen temporalmente para exercer a súa actividade en Ucraína deben solicitar ante a Dirección Provincial da Tesourería Xeral da Seguridade Social ou administracións dela a expedición do correspondente certificado de desprazamento.

Formulario que se debe tramitar

A empresa ou traballador por conta propia efectuarán a súa solicitude mediante o modelo TA.200  "Solicitude de mantemento da lexislación española de Seguridade Social.-Desprazamentos iniciais" e acompañarán o formulario E/UCR.1  "Certificado de lexislación aplicable", cuberto en triplicado exemplar.

O formulario expedido pola dirección provincial ou administración correspondente certifica que o traballador continúa sometido á lexislación española de Seguridade Social durante o seu desprazamento nese país e, en consecuencia, está exento de cotizar á Seguridade Social ucraína.

Período de autorización

O prazo máximo de duración do desprazamento é de dous anos.

Prórroga ordinaria

Se os traballadores por conta allea ou conta propia deben prolongar a súa estadía nese país máis alá dos dous anos inicialmente previstos, o empresario ou traballador deberá solicitar con suficiente antelación á finalización do período autorizado, a prórroga do mantemento da lexislación española de Seguridade Social ante a Subdirección Xeral de Afiliación e Procedementos Especiais da Tesourería Xeral da Seguridade Social.

Formulario que se debe tramitar

A solicitude de prórroga deberá efectuarse no modelo TA.202  "Solicitude de mantemento da lexislación española de Seguridade Social en aplicación do |art. 17 do Regulamento CEE 1408/71 e doutras prórrogas dos Convenios Bilaterais".

Dada a conformidade por parte da Seguridade Social de Ucraína, a Subdirección Xeral de Afiliación e Procedementos Especiais da Tesourería Xeral da Seguridade Social expedirá o formulario E/UCR.2 "Prórroga de desprazamento", que acredita que o traballador continúa sometido á Seguridade Social española durante o período autorizado.

Período de autorización

O prazo máximo da prórroga é de dous anos.

Outros desprazamentos

Direccións provinciais ou administracións da Tesourería Xeral da Seguridade Social

Serán os órganos competentes para autorizar os desprazamentos de:

• Persoal itinerante das empresas de transporte aéreo ou terrestre con sede en España.
• Membros da tripulación de buques con bandeira española.
• Traballadores que presten o seu servizo en empresas mixtas españolas e rusas.

A autorización expedirase a través do modelo E/UCR.1, "Certificado de lexislación aplicable" . A empresa, xunto a este formulario cuberto por triplicado, achegará a solicitude TA.200.

Outras excepcións

A tramitación das solicitudes doutras excepcións será xestionada pola Subdirección Xeral de Afiliación e Procedementos Especiais da Tesourería Xeral da Seguridade Social.

A empresa ou traballador por conta propia efectuarán a súa solicitude mediante o modelo TA.202 "Solicitude de mantemento da lexislación española da Seguridade Social en aplicación do art. 17 do regulamento CEE 1408/71 e doutras prórrogas dos convenios bilaterais".

Dada a conformidade por parte da Seguridade Social de Ucraína, a Subdirección Xeral de Afiliación e Procedementos Especiais da Tesourería Xeral da Seguridade Social expedirá o formulario E/UCR.2, que acredita que o traballador continúa sometido á Seguridade Social española durante o período autorizado.