Prestacións incluídas no Convenio

Información xeral

O Convenio aplícase ás seguintes prestacións:

En relación con España:

Ás seguintes prestacións de carácter contributivo do sistema da Seguridade Social:

• Prestacións por invalidez provisional derivada de enfermidade común ou accidente non laboral.
• Prestacións por vellez.
• Prestacións por incapacidade permanente, morte e supervivencia por enfermidade común ou accidente non laboral.

En relación cos Estados Unidos:

Aplícase ao programa federal de Seguro de Vellez, Supervivencia e Invalidez.

Respecto a estas prestacións hai que ter en conta que:

• Para adquirir as prestacións de carácter contributivo previstas no Convenio, pódense sumar os períodos de seguro cumpridos en España e nos Estados Unidos.

• As prestacións económicas de carácter contributivo poderanse percibir con independencia de que o interesado resida ou se atope en España ou nos Estados Unidos.

• Cada país aboará as súas propias prestacións directamente ao beneficiario.

• As persoas que reúnan os requisitos esixidos polas lexislacións de ambos os dous países para ter dereito a pensión contributiva, poderán percibila de cada un deles.

Vellez, Invalidez e Supervivencia

Cada país examinará por separado a solicitude de pensión na forma seguinte:

• Se o interesado alcanza dereito á pensión sen necesidade de sumar os períodos de seguro do outro país, concederalle a pensión que lle corresponda, tendo en conta unicamente os seus propios períodos de seguro.

• Se o interesado non alcanza dereito á pensión segundo o apartado anterior, sumaranse os períodos de seguro acreditados no outro país. O importe da pensión non será integro, senón segundo a proporción existente entre os períodos de seguro cumpridos no país que a outorgue e a suma dos períodos de España e os Estados Unidos.
  
• No suposto de pensión de xubilación da Seguridade Social española para a que se totalizasen períodos de seguro acreditados nos Estados Unidos, a devandita totalización utilizarase igualmente para determinar a idade na que se pode acceder á pensión.