Cl@ve Móbil

Desde o 3 de marzo de 2025, incorpórase Cl@ve Móbil como forma de acceso aos servizos da Sede electrónica da Seguridade Social, en substitución de Clave PIN. Non obstante, Cl@ve Móbil mantén a posibilidade de acceder cun PIN de uso único.

Cl@ve Móbil é unha forma de acceso sinxela que non require lembrar un contrasinal, simplemente confirmar a petición que se recibirá a través da APP Cl@ve.

Unha vez seleccionado Cl@ve Móbil como medio de autenticación, o sistema ofrece estas opcións:

1. Escanear un código QR coa APP Cl@ve.

2. Seleccionar a opción de continuar sen lectura do QR e entón deberás introducir o teu DNI/NIE e data de validez do DNI (ou data de expedición se é un DNI permanente) ou número de soporte do NIE.

3. Se non podes acceder coa APP Cl@ve, durante a autenticación ofreceráseche o acceso cun PIN enviado por SMS ao teu teléfono móbil.

Consulta os pasos en detalle

Para facer uso dos servizos de Cl@ve Móbil é necesario estar rexistrado no sistema Cl@ve.

Cl@ve Móbil poderá utilizarse nas nosas aplicacións móbiles, na Sede electrónica e nos distintos portais da Seguridade Social.

Para utilizar Cl@ve Móbil recoméndase ter instalada a APP Cl@ve. Se xa es usuario da App Cl@ve PIN verás como se actualiza á nova versión de  APP Cl@ve e, unha vez activada, xa poderás recibir no teu dispositivo as peticións de autenticación de  Cl@ve Móbil. Todo coa mesma App.